Před wrotami lesćiwje postupowali

wutora, 16. měrca 2021 spisane wot:

Łužiske liški Běła Woda – ­EV Landshut 5:1 (2:0, 2:1, 1:0)

Hra Běłowodźanskich lodohokejistow přećiwo Landshutej běše jara podobna dobyću přećiwo Crimmitschauwej. Přećiwnik z Delnjeje Bayerskeje je wosebje w prěnich 20 mjeńšinach jara derje postupował a by poprawom wysoko nawjedować dyrbjał. Wrota pak poradźichu so domjacym. Wrotar Mac Carruth prosće wšitko dźeržeše a běše znowa wurjadny muž na lodźe. Prěnju prawu składnosć wužichu Liški k nawjedowanju. Jonathon Martin puk wotpopadny, přihra jón Thoma­sej Reichelej, kiž widźeše hnydom Tomáša Andresa. A Čech suny puk mócnje do krótkeho kuta. Prawy lodohokej pak hra­ja­chu jenož hosćo a nadźěłachu sej šansu­ po šansy. Tola stajnje běše kónc pola Carrutha. Z ničeho hosćićeljo přez Reichela zwyšichu. Wón hraješe dwój­nu přihrawku z Andresom, a w druhim pospyće dósta so puk přez wrotowu liniju.

Zhromadnje so wothłosować

wutora, 16. měrca 2021 spisane wot:

Wuběrk za dorost Zapadołužiskeho koparskeho zwjazka přeproša na digitalnej rěčnej hodźinje za dorostowe koparske mustwa. Zaměr je, zo so zamołwići na wšelake scenarije dojednaja, pod kotrymiž móhli po lockdownje zaso trenować a hrać. Wobdźělenje je dobrowólne. Daty za konferencu dóstanjeće, hdyž napisaće hač do 21. měrca na mejlku. W njej dyrbja mjeno, předmjeno, towarstwo a funkcija w towarstwje podate być.

24.03. 18.00 hodź. młodźinje D a E

25.03. 18.00 hodź. młodźiny A, B a C

Tabulka (16.03.21)

wutora, 16. měrca 2021 spisane wot:

Němska lodohokejowa liga DEL 2

1. EC Kassel Huskies   41  89

2. EHC Freiburg   41  77

3. Tölzske lawy   41  76

4. Bietigheim Steelers   42  74

5. Lawy Frankfurt   39  69

6. ESV Kaufbeuren   41  67

7. Ravensburg Towerstars   42  61

8. Lodowe piraty Crimmitschau  41  57

9. Łužiske liški    42  50

10. Bayreuth Tigers   42  49

11. Lodowe lawy Drježdźany   41  49

12. EC Bad Nauheim   39  48

13. Sokoły Heilbronn   40  47

14. EV Landshut   40  45

Boule we Łužicy

póndźela, 15. měrca 2021 spisane wot:

Boule je znata hra z kulemi, pocha­dźaca z Francoskeje. Tež w Ser­bach tónle sport znaja. Clemens­ Šmit je so z Florianom­ Kaulfürstom rozmołwjał.

Floriano, poprawom znajemy boule z dowolowych kónčin, předewšěm z Francoskeje abo Italskeje. Wy w Budyšinje pak maće tohorunja móhłrjec cyle aktiwnu scenu, kotraž so za tónle sport hori. Kak da je k tomu dóšło?

F. Kaulfürst: Wokoło lěta 2007 bě dobry Budyski přećel tajki mały set ze šěsć kulemi sobu přinjesł, a tak smy hru prosće­ wuspytali. Nimo toho dźě běchu w našim přećelskim kruhu njewšědne wólnočasne aktiwity přeco hižo wob­lubowane. W tym zwisku je často rěč wo tak­ mjenowanym funsporće. Tajke sportowe družiny maja mjenje wubě­dźowanski, ale skerje charakter mjezsobneje zwjazanosće. Na přikład su to tež mjetanje frisbeeja a skateboarding. Wosebje dźako­wano Budyskemu Kamjentnemu domej móža so młodźi kaž tež starši ludźo we wšelakorych tajkich njewšědnych sportowych aktiwitach wuspytać. A mjez druhim­ tam hižo někotre lěta tež boule hraja.

Awtor dźensa Tomaš Faska

Štóž mje znaje, tón wě, zo hižo čas žiwjenja rady na sněhakach steju. Prawje kruće pak jenož na alpinskich, to dyrbju přiznać. Haj, na sněhakach ze šwarnym tempom z hory dele jězdźić, najradšo w Alpach, to je cyle po mojim słodźe. Štož mjenujemy „spěšnosněhakowanje“, je nam serbska rěčespytnica dr. Sonja Wölkowa dokładnje dźensa před štyrjomi lětami w rěčnym kućiku Serbskeho rozhłosa wuswětliła. A dale wona te­hdy praji, zo „měrja so druzy na měrnišu zaběru w sněze: sněhakowanje na dołhich čarach abo dołhočarowe sněhakowanje“. Tež to sym wuspytał, zwěsćich pak, zo to prawa wěc za mnje njeje. Před lětami běch sej tajke smjerć ćeńke deski kupił, kotrež su po jeničkim tehdyšim pospyće lěta dołho na našej hornjej łubi leželi. K tomu wosebite črije a wězo tajke dołhe kije za běhanje po špurowanych lojpach, abo prosće přez polo, za čož mam, z domskeho wustupiwši poprawom woprawdźity paradiz před sobu.

Sport (12.03.21)

pjatk, 12. měrca 2021 spisane wot:

1860 Mnichow přećiwo Dynamu

Internetny telewizijny sćelak Magen­taSport pokaza póndźelu, 22. měrca, eksluziwnje duel 3. koparskeje ligi Němskeje. Wot 19 hodź. hrajetej kultowej klubaj TSV 1860 Mnichow a Dynamo Drježdźany přećiwo sebi. Hižo wot 18.30 hodź. wusyła sćelak wšelake rozprawy. Partija tradiciskeju koparskeju towarstwow zakónči zdobom 29. hrajny dźeń. Dynamo je faworit na postup a nawjeduje tabulku před Hansu Rostock. Tež Mnichowčenjo maja hišće dobre šansy do 2. ligi postupić. Prěnju hru aktualneje sezony běchu koparjo ze sakskeje stolicy 2:1 dobyli. Sascha Bandermann budźe w studiju moderěrować, Alexander Klich chce duel komentować. Jako eksperta bu Rudi Bommer angažowany. Hru 1860 Mnichow – Dynamo Drježdźany pokazaja bjezpłatnje na wšitkich MagentaSport-platformach, tež na MagentaSport Facebook.

Jěchanske a skakanske turněry

Tabulki (11.03.21)

štwórtk, 11. měrca 2021 spisane wot:

W najlěpšej lodohokejowej lize swěta,­ ameriskej NHL, je 31 profijowych mustwow do štyrjoch ligow rozdźělenych: do centralneje, wuchodneje, zapadneje a sewjerneje diwizije.

Centralna diwizija

1. Tampa Bay Lightning 24 87 : 51 38

2. Carolina Hurricanes 25 88 : 66 37

3. Florida Panthers 25 84 : 72 36

4. Chicago Blackhawks 27 83 : 86 31

5. Columbus Blue Jackets 27 71 : 89 25

6. Nashville Predators 26 63 : 85 23

7. Dallas Stars 21 62 : 55 21

8. Detroit Red Wings 27 57 : 91 18

wuchodna diwizija

1. New York Islanders 26 75 : 57 36        

2. Washington Capitals 25 84 : 80 34        

3. Pittsburgh Penguins 25 81 : 77 31        

4. Boston Bruins 23 66 : 56 30        

5. Philadelphia Flyers 23 76 : 73 29        

6. New York Rangers 24 68 : 67 23        

7. New Jersey Devils 22 55 : 71 19        

8. Buffalo Sabres 24 56 : 80 16

zapadna diwizija                  

1. Vegas Golden Knights 22 70 : 47 33        

2. St. Louis Blues 26 83 : 82 32        

3. Minnesota Wild 23 71 : 60 29        

4. Colorado Avalanche 23 70 : 58 28        

5. Arizona Coyotes 25 68 : 75 27        

6. Los Angeles Kings 24 73 : 71 26        

7. Anaheim Ducks 26 61 : 81 22        

8. San Jose Sharks 23 66 : 88 21

sewjerna diwizija                  

1. Toronto Maple Leafs 27 93 : 67 38        

2. Winnipeg Jets 25 83 : 72 33        

3. Edmonton Oilers 27 86 : 82 32        

4. Montréal Canadiens 24 79 : 68 29        

5. Vancouver Canucks 29 83 : 94 26        

6. Calgary Flames 26 71 : 80 25        

7. Ottawa Senators 28 76 : 108 19        

Bojowniski derby dobyli

štwórtk, 11. měrca 2021 spisane wot:

Łužiske liški Běła Woda – ­Lodowi piraća Crimmitschau 3:1 (1:0; 2:1; 0:0)

Lodohokej je druhdy chětro spodźiwny. Prěnjej derbyjej hrajneje doby běchu Łužiske liški přećiwo zapadnym Saksam z 2:3 a 3:4 přěhrali, byrnjež wobaj razaj lěpši byli. Tónkróć bě wšitko nawopak. Hosćo z Crimmitschauwa pokazachu 40 mjeńšin dołho wjele kmańši lodo­hokej, po dwěmaj třećinomaj hry pak nawje­dowachu Hornjołužičenjo hižo 3:1. To bě zdobom tež kónčny wuslědk, dokelž w poslednich 20 mjeńšinach Lodowi piraća mudrje zakitowachu.

Kaž hižo naspomnjene, hosćo partiju wot spočatka dominowachu. Jako pak běchu prěni raz z mužom mjenje na hrajnišću, steješe nadobo 1:0 za domjacych. Andrew Clark prasny gumijowu ta­čel­­ wot módreje linije na wrota. Při prawej žerdźi steješe Ondřej Poživil, a tón za Běłu Wodu přetwori.

Tabulki koparskeho dorosta Braniborskeje

młodźina D, wokrjesna klasa južna Braniborska, stafla D

1. HZ Lubolce/Wacker 21 7 40 : 13 16

2. Aleman. Stara Darbnja 5 42 : 7 15

3. Čerwjeno-běli Łukow 5 38 : 6 15

4. Gójacske ST 7 27 : 24 10

5. ST Kalawa/Lok Kalawa 6 18 : 21 4

6. Gießmannsd./Gólišyn 6 18 : 50 4

7. KST Lutol/Groźišćo 5 15 : 28 3

8. HZ Lubolce /Wacker II 5 4 : 53 0

młodźina E, wokrjesna liga južna Braniborska

1. Brjazki-Zły Komorow II 5 25 : 10 15

2. Čerwjeno-běli Łukow 5 46 : 12 12

3. Zeleno-běli Lubnjow 6 47 : 15 12

4. FC Łuchow 6 48 : 24 12

5. HZ Grabin 5 38 : 11 9

6. Prusojo Wikow 7 32 : 30 9

7. VfB Lubuš 1912 6 26 : 33 9

8. Alemannia St. Darbnja 6 3 : 57 0

9. Zeleno-běli Lubnjow II 6 7 : 80 0

młodźina E, wokrjesna klasa južna Braniborska, stafla A

1. HZ Sliwin/Schönewalde 7 39 : 14 15

2. VfB Herzberg 68 7 35 : 24 13

3. SV Lok Uebigau 6 49 : 15 12

4. FC Bad Liebenwerda 6 27 : 16 10

5. HZ Mühlberg/Kreinitz 5 16 : 26 6

6. ST Prusojo Wikow II 6 14 : 51 3

7. Módro-běli Möglenz 5 3 : 37 0

8. VfB Lubuš II 2 0 : 0 0

młodźina E, wokrjesna klasa južna Braniborska, stafla B

1. HZ Hóznja/Bukow/Tśikojce/Łuty

 7 44 : 6 21

2. Złokomorowski FC 6 31 : 18 12

3. Šejkow/Annahütte/

Murjow 6 27 : 19 12

4. Germania 1910 Rólany 7 36 : 33 12

5. Brjazki-Zły Komorow II 7 22 : 27 8

6. Chemija Carny Gózd II 5 27 : 18 7

7. Přezjednota Wótrań II 6 21 : 25 6

8. HZ Großkmehlen/Dubrawka/

Lindenau/Tettau 5 21 : 32 6

9. Chemija Carny Gózd 7 15 : 50 4

10. Brjazki-Zły Komorow III 6 18 : 34 3

młodźina E, wokrjesna klasa južna Braniborska, stafla C

1. ST Rań 6 54 : 12 18

Pola Jednoty Kamjenc zaso trenuja

srjeda, 10. měrca 2021 spisane wot:
Dorostowi koparjo Jednoty Kamjenc su so na kopanišćo wróćili a wčera prěni raz po wjac hač třoch měsacach přestawki zaso zhromadnje trenowali. Na naprašowanje sportoweje redakcije Serbskich Nowin rjekny dorostowy koordinator Jednoty Tadej Cyž z Njebjelčic, „zo je so pod krutymi naprawami hygie­ny wšitko porjadnje a derje radźiło“. Trenowali su koparjo po tak mjenowanej „jednosměrowej dróze“. Swoju poslednju hru měješe młodźina D (na wobrazu) 10. oktobra 2020 a doby ju 8:4 přećiwo hosćom z Drježdźan-Strěžina. Foto: Tadej Cyž

nawěšk

SERBSKE NOWINY podpěruja:

Novi Sad – kulturna stolica Europy

nowostki LND