Toni Ryćer dale čłon FIA

wutora, 19. januara 2021 spisane wot:
Serbski motorsportowc Toni Ryćer wostanje dale čłon komisije FIA, třěšneho zwjazka mje­zyna­rodneho motorsporta. Wosme lěto pospochi postaji jeho Němski motorsportowy zwjazk DMSB za skupinu FIA, kotraž zamołwja při­ho­ty, přewjedźenje kaž tež wuhódnoćenje mjezynarodnych wubědźowanjow. Komisija zdźěłuje a pruwuje wobzamknjenja, płaćiwe za wšitkich narodnych a mjezynarodnych funkcionarow, kotřiž su na zarjadowanjach zasadźeni. Foto: Toni Ryćer

Budyšan Elias Kummer z 9. lětnika je tu­časnje najwuspěšniši lochkoatlet Serb­skeho gymnazija Budyšin (SGB). Wón bě w nowembrje 2019 sakski mišter w crossowym běhu w mustwowym hódnoćenju a docpě w januarje 2020 wurjadne 2. městno na halowych krajnych mišterstwach w pjećiboju lochkoatletiki. Sportowy wučer SGB Měrko Korjeńk je so z nim rozmołwjał.

Předstaj so prošu čitarjam sportoweje strony Serbskich Nowin.

E. Kummer: Rěkam Elias Kummer a bydlu w Budyšinje. Chodźu do 9. lět­nika SGB. Rady sportuju a fotografuju a sym wuchowanski płuwar Budyskeje wodoweje straže. Zhromadnje ze sotromaj a staršimaj často pućujemy a kole­sujemy.

Što su Twoje najlubše předmjety w šuli?

E. Kummer: Wězo sport, dale geogra­fija a biologija.

Sy aktiwny lochkoatlet, w kotrym towar­stwje?

E. Kummer: Hižo wot lěta 2012 sym sobustaw Wuchodosakskeho lochkoatletiskeho zjednoćenstwa Budyšin, hdźež sym spočatnje dwójce wob tydźeń tre­no­wał. Aktualnje činju to tydźensce štyri razy­ pola swojeje wjelelětneje trenarki Ines Heblack.

Kotre wurjadne rezultaty sy dotal w lochkoatletice docpěł?

Zaso Slavia Praha?

póndźela, 18. januara 2021 spisane wot:

A to je tuchwilny wobraz tabulki:

1. Slavia Praha 14 39 : 5 38

2. FC Jablonec 15 31 : 15 32

3. Sparta Praha 14 29 : 18 29

4. 1. FC Slovácko 14 25 : 15 24

5. Baník Ostrava 13 18 : 10 22

6. Slovan Liberec 14 21 : 16 22

7. Sigma Olomouc 15 21 : 18 22

8. FK Pardubice 15 15 : 17 22

9. Viktoria Plzeň 15 28 : 21 21

10. MFK Karvina 15 14 : 20 20

11. České Budějovice 14 19 : 22 18

12. FC FASTAV Zlín 14 15 : 17 17

13. FK Teplice 15 16 : 33 16

14. Bohemians Praha 14 17 : 19 15

15. FK Mladá Boleslav 15 17 : 29 10

16. FC Zbrojovka Brno 15 13 : 28 10

17. 1. FK Příbram 14 10 : 28 10

18. SFC Opava 13 10 : 27 7

Tabulka (18.01.21)

póndźela, 18. januara 2021 spisane wot:

Kopańca w Braniborskej

2. wokrjesna klasa Južna Braniborska-wuchod

1. SV Hirschfeld 6 18 : 7 13

2. Mühlberg/Fichtenb. II 6 25 : 6 12

3. HZ Möglenz/Bönitz II 5 18 : 12 12

4. Zeleno-běli Plesow 5 15 : 6 10

5. SG Kröbeln 6 7 : 9 9

6. Módro-běli Lindenau II 5 9 : 10 4

7. Natwar Oppelhain III 5 8 : 9 4

8. FC Schradenland II 6 2 : 43 0

Awtor dźensa Beno Šołta

Ćežki čas to nětko w pandemiji, hdyž njehodźa so žane mustwowe sportowe družiny přewjesć a hdyž njemóžeš sej je live­ lubić dać. W telewi­ziji wšak atmosfera tajka njeje, kaž ju znaješ. Ale sym optimistiski, zo to zaso raz budźe, a snano sej to potom bóle česćimy, štož běše za nas hewak samozrozumliwe.

Tak dołho móžemy na přikład biatlonej přihladować. Napjaty je tón kaž kóžde lětoo.­ Tajku kombinaciju dźě zrědka maš: wulku strapacu wonka w kole, horu horje, ­horu dele. A potom dyrbiš cyle koncentrowany na třělnišću stać a mału čornu dźěrku trjechić. Kak rady bych to tež raz sam wuspytał! Na zbožo je kalender biatletow lětsa runje tak derje pjelnjeny kaž hewak. Jenička změna: Na wšěch stacijach su woni dwójce, za to maja mjenje stacijow.

Sport (15.01.21)

pjatk, 15. januara 2021 spisane wot:

Bychu rady zaso raz dobyli

Po naposledk třoch poražkach chcedźa Łužiske lodohokejowe liški z Běłeje Wody negatiwnu seriju skónčić a dźensa w Crimmitschauwje zaso dypkować. Njedźelu wězo tež, potom hraja wone doma přećiwo ESV Kaufbeuren.

15.01. 20:00 LP Crimmitschau –

  Łužiske liški

17.01. 17:00 Łužiske liški –

  ESV Kaufbeuren

22.01. 19:30 Łužiske liški –

  EC Bad Nauheim

24.01. 18:30 Lawy Frankfurt –

  Łužiske liški

26.01. 19:30 Łužiske liški –

  LP Crimmitschau

29.01. 19:30 Lodowe lawy Drježdź. –

  Łužiske liški

31.01. 17:00 Łužiske liški –

  Bayreuth Tigers

Wolejbulistki zaso na parkeće

Wolejbulistki Drježdźanskeho SC, zastupjerki prěnjeje zwjazkoweje ligi, hraja njedźelu w Münsteru. To budźe zdobom prěnja winowatostna dypkowa partija ­lěta 2021. Wolejbulowe duele na zwjazkowej runinje móža zajimcy pak w te­lewi­ziji SPORT1 pak w livestreamje na www.sporttotal.tv dožiwić.

17.01. 14:30 USC Münster –

  Drježdźanski SC

23.01. 17:30 Drježdźanski SC –

  NAWARO Straubing

02.02. 19:00 Drježdźanski SC –

  VfB Suhl Lotto Durinska

03.02. 18:00 Allianz MTV Stuttgart –

  Drježdźanski SC

Smědźa licency podlěšić

Sport (14.01.21)

štwórtk, 14. januara 2021 spisane wot:

Koparske tabulki z Braniborskeje

1. wokrjesna klasa Južna Braniborska-juh

1. Čerwjeno-běli Załgosć 7 28 : 11 16

2. Murjowski ST 6 23 : 14 15

3. Přezjednota Wótrań II 7 14 : 9 14

4. ST Rań II 6 15 : 11 13

5. ST Kropnja 7 13 : 16 12

6. ST Askania Šejkow II 6 9 : 9 11

7. KST Wudwor 8 25 : 28 10

8. Čerwj.-běli Kósćerjow 6 12 : 10 7

9. Bukow G.-G.  7 20 : 21 7

10. Natwar Großkmehlen II 7 12 : 24 6

11. Čerwjeno-běli Wórmlag 7 7 : 13 4

12. Wjesne a sportowe

towarstwo Schraden 6 9 : 21 0

1. wokrjesna klasa Južna Braniborska-zapad

1. Natwar Oppelhain II 8 20 : 10 18

2. Gräfendorfske ST 6 24 : 6 15

3. FC Bad Liebenwerda II 6 19 : 7 13

4. EST Lok Sokolnica II 6 15 : 5 13

5. HZ Züllsdorf/Uebigau II/

Herzberg II 7 12 : 9 12

6. Čorno-běli Stoporsk 8 17 : 19 10

7. ST Bedrichojce II 6 17 : 12 8

8. Prusojo Wikow II 6 16 : 13 7

9. TST Zeleny Gózd 7 12 : 19 7

10. VfB Lubuš III 7 12 : 23 7

11. Přezjednota Koßdorf 6 6 : 27 3

12. KST Martinskirchen 7 3 : 21 1

2. wokrjesna klasa Delnja Łužica

1. ST Žylow II 7 42 : 6 21

2. Viktoria Choćebuz II 9 35 : 11 21

3. FC Union Choćebuz 8 29 : 12 17

4. ST Barklawa 8 29 : 14 15

5. TV Baršć/Chójna II 8 25 : 18 15

6. ST Bórkowy II 7 18  :13 15

7. Grodkowske ST II 8 20 : 11 13

8. Dub Rogeńc II 8 24 : 20 9

9. Přezjednota Šlichow 7 19 : 23 7

10. HZ Lutol/Drjowk II 8 15 : 39 6

11. KST Grodk II 7 8 : 16 4

12. ST Glinsk 8 10 : 31 4

13. HZ Hochoza/Prjawoz II 9 14 : 74 3

2. wokrjesna klasa Južna Braniborska- sewjer

1. Zeleno-běli Lubnjow III 5 25 : 1 15

2. Wacker Běły Gózd II 6 16 : 11 13

3. HZ Pšyne II/Kalawa II 5 16 : 9 8

4. HZ Jemjelnica/Luboraz 5 9 : 6 7

5. Přezjedn. Kózłow-Gólsk 5 9 : 17 6

6. ST Lubnjow 5 11 : 23 1

7. Módro-běli 08 Kśawlica 5 6 : 25 1

Hižo předloni bě so pola FC Energije Choćebuz do hód mócnje kuriło, jako so tre­nar Claus-Dieter Wollitz po njedorozumjenjach z wjednistwom koparskeho kluba z Delnjej Łužicu rozžohnowa, zo by w Magdeburgu wo durje klepał. Lěto­ pozdźišo, krótko do hód, dyrbještaj prezident a wiceprezident kluba Matthias Auth a dr. Andreas Harnath zastojnstwo złožić. Tež Georg Kapplinghaus, třeći zamołwity w prezidialnym kruhu, je so na swójske přeće rozžohnował.

Chětro bolostnu poražku poćerpjeli

srjeda, 13. januara 2021 spisane wot:

EHC Freiburg –

Łužiske liški Běła Woda 6:1 (1:0, 4:0, 1:1)

Před něšto dnjemi běchu Běłowodźanske lodohokejowe liški w Ravensburgu njedaloko Bodamskeho jězora hrali, a mytowachu sej daloku jězbu z třomi dypkami. Tónkróć dźěše hišće kusk dale­, mjenujcy do Freiburga. Tam pak su chětro bolostnu poražku poćerpjeli, byrnjež přećiwnikej najwjetši čas runohódni byli. To wšak pokazuje tež sta­tistika třělwow na wrota, kotruž Liški po 60 mjeńšinach ze 36:31 nawjedowachu.

Štyrnaće razow třělichu hosćo z Běłeje Wody w prěnjej třećinje na wrota domjacych, sydom razow domjacy na te Mac Carrutha. Přiwšěm so lodohokejisća z Freiburga ze snadnym nawjedo­wanjom 1:0 do prěnjeje přestawki po­dachu. Hižo w 4. min. docpěchu hosćićeljo prěnje wrota. Běłowodźenjo so njepodachu a wuhrachu sej jara dobre składnosće. Jako pak stejachu raz 43 sekundow z hnydom dwěmaj mužomaj wjac na lodźe, njejsu puk do přećiwniskich wrotow dóstali.

Třeći raz za sobu přěhrali

srjeda, 13. januara 2021 spisane wot:

Aktualna tabulka lodohokejoweje ligi DEL2

1. EC Kassel Huskies 19 45  78:34 

2. EHC Freiburg 21 38 80:64 

3. Bietigheim Steelers 19 34 73:62 

4. Tölzske lawy 16 33 74:49 

5. Ravensburg Towerstars 20 32 69:61 

6. EC Bad Nauheim 18 29 56:65 

7. EV Landshut 19 27 67:74 

8. Łužiske liški 19 26 51:65 

9. LP Crimmitschau 20 24 61:72 

10. Lawy Frankfurt 15 23 42:49 

11. ESV Kaufbeuren 16 20 62:63 

12. Bayreuth Tigers 19 19 54:69 

13. Sokoły Heilbronn 14 16 46:57 

14. Drježdźanske LL 19 15 42:71 


Sokoły Heilbronn – Łužiske liški Běła Woda 4:1 (2:0, 0:0, 2:1)

Znowa dyrbjachu so łužiscy lodohokejisća wosrjedź tydźenja daloko na zapad Němskeje nastajić, a to do Heilbronna, na třeću hru w běhu pjeć dnjow. A tónkróć woni woprawdźe bjezmócni, bjez idejow, prosće wučerpani po lodowej płoninje jězdźachu. Tak su wčera wječor krótko po napoł jědnaćich chětro wolóženi byli, jako sudnik hru wothwizda.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND