Poradźeny serbski supercup

póndźela, 24. julija 2017 spisane wot:

SJ Chrósćicy – Sokoł Ralbicy/Hórki 2:0

SJ Njebjelčicy – ST Marijina hwězda 0:1

Sokoł Ralbicy/Hórki – SJ Njebjelčicy 2:0

SJ Chrósćicy – ST Marijina hwězda 3:0

Zestawa Chróšćanskeje SJ: Cyž, Králíček – Bogusz, L. Zahrodnik, Šmit, Bětnar, Věchet, F. Zahrodnik, M. Zahrodnik, Kunze, Runt, Młynk, Pöpel, Němec, Sentivan

Zestawa Sokoła Ralbicy/Hórki: Ch. Gloxyn – Rawš, M. Matka, K. Matka, D. Gloxyn, B. Bjeńš, Šewc, Wowčerk, Šołta, Kurjat, Čórlich, Korjeńk, S. Bjeńš, Młynk, Janca, J. Bjeńš, Kobalc

Zestawa ST Marijineje hwězdy: O. Schmidt, Matik – Czapik, Škoda, Hübner, Kuring, Winkler, Eldor, Pakoßnick, Róbl, Łušćanski, Hawš, P. Schmidt, Peschamnn, Čornak

Zestawa Njebjelčanskeje SJ: Hahn, Ričel – Domš, Kral, Haška, Rudolph, Hanuza, Hoelzel, Lindemann, Lejnart, Domš, Čornak, Hrjehor, Šram, Korjeńk

Hosćo so derje prezentowali

póndźela, 24. julija 2017 spisane wot:

FC Energija Choćebuz

– FC Hornja Łužica Neugersdorf 5:1 (0:0)

Koparjo z Neugersdorfa nastupichu w testowej hrě přećiwo Energiji Choćebuz z chětro młodym mustwom. A njejsu wysokemu faworitej přewjele dowolili. FCE drje měješe tójšto móžnosćow, wšitke pak wrotar David Pokorny w prěnim połčasu wotwobara, abo nadběhowarjo domjacych třělichu nimo.

Widźał,słyšał, napisał (24.07.17)

póndźela, 24. julija 2017 spisane wot:

Awtor dźensa

Jan Macka

Hdyž podaš so po awtodróze A 13 do směra na Berlin, da skedźbnja će krótko za BASF-zawodom w Carnym Gozdźe (Schwarzheide) wotjězdna tafla na Łužiske koło. W lěće 2000 natwarjeny motodrom běše samo za wulki spektakl formule 1 předwidźany a dyrbješe ludźi z Braniborskeje, Sakskeje kaž tež wuchodnych krajow do Łužicy wabić. Z toho pak tak prawje ničo njebu. Stat a inwestorojo njenamakachu ženje prawych zajimcow a wotnajerjow. Zapadni konkurenća pěstowachu radšo swój tradicionalny Nürburgring a pozdźišo tež Ho­ckenheimring. Kaž tydźenja zhonichmy, je pruwowanska organizacija DEKRA areal kupiła, zo by tam nětko tež awtomobile bjez wodźerjow wuwiwała a testowała. Tak drje njeje tola hišće „wšitko do pěska sadźene“. Někotre nowe dźěłowe městna tam nastanu. Nowa wulka tribuna, za 100 000 ludźi twarjena, pak njebudźe so hižo ženje pjelnić, štož bě poprawom wotpohlad motorsporta.

Korch so nawróći

póndźela, 24. julija 2017 spisane wot:
Bjarnat Korch budźe wot noweje hrajneje doby we wokrjesnej wyšej lize zaso za Módro-běłych Kulow kopački šnórować. Koćinjan je naposledk wjacore lěta w Rakečanskim sportowym towarstwje za bulom honił. Foto: Jörg Stephan

Nowopřichad

póndźela, 24. julija 2017 spisane wot:
Prěnje koparske mustwo Chróšćanskeje SJ je před něšto dnjemi oficialnje swój prěni nowopřichad wozjewiło. Je to čěski nadběhowar Josef Němec. 34lětny budźe potajkim nětko w Chrósćicach za bulom honić­. Po rozpušćenju zrěčenja z FSV Budissu Budyšin je so wón za SJC rozsudźił. Němec bě tež hižo w Zhorjelcu a Neugersdorfje aktiwny. W Zhorjelcu ze­zna wón hrajerja Miroslava Sentivana, kiž hižo wot sezony 2016/2017 w Chrósćicach kopački šnóruje. Tež z trenarjom a hrajerjom SJC Pavelom Runtom je Němec hižo dlěši čas spřećeleny. Na dotalnych stacijach bě 1,89 metrow wulki nadběhowar hižo dosć wuspěšny­. W sydom hrajnych dobach třěli­ wón dohromady 79 wrotow. Tež w Chrósćicach Němec ofensiwu zawěsće polěpši. Feliks Cyž

Wuspěšnaj konjacaj sportowcaj

póndźela, 24. julija 2017 spisane wot:
Tři złote sekle staj sej wčera Chróšćanskaj konjacaj sportowcaj Křesćan Zahrodnik a Lukas Wenderoth zawěsćiłoj. Křesćan Zahrodnik bě z pjećlětnej kobłu Ria Rocca w durinskim Crawinkelu a doby z njej titul Sakskeje a Durinskeje w přezpólnym jěchanju za młode konje. Chróšćanska trójka – Lukas Wenderoth, pjećlětny walach Elbfürst a nazhonity walach Goldstern – startowaše wčera w Beusteru pola Magdeburga. Dwójka Wenderoth/Elbfürst doby přezpólne jězdźenje klasy A, dwójka Wenderoth/Goldstern přezpólne jězdźenje klasy M. Jurij Bjeńš

Wuslědki testowych hrow:

póndźela, 24. julija 2017 spisane wot:

Jednota Kamjenc

– FC Hornja Łužica Neugersdorf 5:0

Jednota Kamjenc

– LSV Nowe Město 5:0

FC Energija Choćebuz

– FC Slovan Liberec0:1

Budissa Budyšin – Wismut Gera 0:0

BSV Sebnitz – SJ Chrósćicy5:1

Rakečanske ST

– Čerwjeno-běli Mužakow 0:2

Módro-běli Kulow – Zel.-běli Sepicy 3:1

SJ Chrósćicy II – Wóslink/Skaskow 0:1

SN

Vragel da Silva, trenar regionalneho koparskeho ligista FC Hornja Łužica Neugersdorf zhladuje optimistisce na nowu hrajnu dobu, kotraž započnje so přichodny kónc tydźenja z domjacej dypkowej hru přećiwo Budissy Budyšin. Wo aktualnym stawje je so Georg Zielonkowski z da Silvu rozmołwjał.

Byrnjež w lětnjej přestawce tójšto wotchadow měła, je FC Hornja Łužica kader wjac hač wurunała!

V. da Silva: Mi bě wažne, zo mam wulki kader. Nimo nazhoniteho něhdyšeho narodneho hrajerja Stephana Vachoušeka su to wosebje młodźi koparjo, kotřiž su k tomu přišli. Woni zmóžnjeja nam tak wariabelnu zestawu. Hdyž wšěch nowych derje integrujemy, móžemy wupady lěpje wotpopadnyć a niwow dźeržeć.

Tež porjadne wukubłanje w dorosće twori dobry zakład.

Wuslědki (24.07.17)

póndźela, 24. julija 2017 spisane wot:

Wokrjesna koparska klasa, stafla IV

1. Bretnig-Hauswalde 22 73  : 25 51

2. TSV Połčnica II 22 66  : 39 46

3. SV Haselbachtal II 22 44  : 44 37

4. TSV Wachau II 22 70  : 35 36

5. Lomn.-Großnaundorf II 22 50  : 20 36

6. Arnsdorfske KT II 22 43  : 41 35

7. ST Kinspork/Łužnica II 22 30  : 33 34

Sport (21.07.17)

pjatk, 21. julija 2017 spisane wot:

Prěni serbski supercup

SJ Njebjelčicy swjeći 60 lět wobstaća. Składnostnje jubileja wuhotuje wona njedźelu, 23. julija, wot 14.30 hodź. prěni koparski turněr z mjenom serbski supercup. Za njón je sćěhowace cyłki zdobyła: SJ Chrósćicy (krajna klasa), Sokoł Ralbicy/Hórki (wokrjesna wyša liga), ST Marijinu hwězdu (wokrjesna liga) a swójske mustwo (wo­krjesna liga). Po wulosowanju budu semifinalej, hra wo třeće městno a finale. Kóžda partija ma 45 mjeńšin trać. Zastup je darmotny.

Po Kulowcu nětko Pančicy

4. beachvolleyballowa tura Radija Satkula je na cilowej čarje a wuhraje póndźelu dalši turněr, a to w Pančicach. Potom sćěhujetej hišće wurisani w Radworju (31. julija) a w Budyšinje (7. awgusta). Finale budźe 28. awgusta w Miłoćicach.

Talk z „Ede“ a „Zimmijom“

W Kamjenskim měšćanskim dźiwadle wotměje so 7. septembra koparski talk z Eduardom „Ede“ Geyerom a Gertom „Zimmijom“ Zimmermannom. Započatk budźe w 19 hodź. Zastupne lisćiki za 10 eurow předawaja w sportowym wobchodźe na Pfortenstraße 3 w Kamjencu.

Testowe koparske hry

21.7. 19:00 ST Radwor – FSV Łuty

22.7. 11:00 Jednota Kamjenc

  – LSV Nowe Město

22.7. 14:00 BSV Sebnitz

  – SJ Chrósćicy

Serbska debata

nowostki LND