7. stacija bičtury Radija Satkula

srjeda, 14. awgusta 2019 spisane wot:

Na swoju předposlednju staciju bičwo­lejbuloweje tury je sej Radijo Satkula póndźelu wječor do Konjec dojěło. Dohromady 20 mustwow bě přeprošenje sćěhowało a wubědźowaše so na polu při Konječanskim hrajkanišću. Po horcym boju přećiwo mustwu Mumpic přesadźi so na kóncu Mixery z 15:13.

Něhdźe 350 ludźi běše w běhu wječora přijěło – organizatorojo, tak tež cyły team Satkule, běchu z wothłosom jara spokojom. Konječansko-Šunowski klub postara so wo ćělne derjeměće sportowcow a wopytowarjow. Nimo swěcy spřihotowachu tež wosebite suwadło, kotrež wjedźeše z wodu popryskane do małeho poola. Po turněrje swjećachu młodostni z přihladowarjemi a mustwami 20lětne wobstaće Radija Satkula. Tomu běše hižo w aprylu cyłe wusyłanje młodeje žołmy wěnowane. Tak prošeštaj DJ Speedmaster kaž tež dwójka Pumpl a kumpl na reje w Konječanskej bróžni.

Žana konkurenca prawej kopańcy

srjeda, 14. awgusta 2019 spisane wot:
W Němskich Pazlicach su minjeny kónc tydźenja 1. sakske esport-mišterstwa přewjedli. W tamnišim sportowym centrumje steješe šěsć telewizorow, šěsć playstation-4-konsolow a 32 controllerow. Na nich su hólcy w starobje 16 do 30 lět kopańcu hrali. Srjedź nich sedźeše tež Marcel Zinke, trenar Němskopazličanskeje młodźiny A. Wón bě iniciator mišterstwow. „W treningowym lěhwje smy raz na konsolach hrali a so rozsudźili tajke něšto tež jónu we wjetšim ramiku přewjesć. W druhich zwjazkowych krajach su woni hižo wjele dale“, trenar młodźiny Zinke rozłoži. Tim Döke a Peter Stange wot wokrjesneho sportoweho zwjazka běštaj tohorunja na městnje, zo byštaj sej wobraz wo nowej sportowej družinje činiłoj. Prawa konkurenca „po­rjad­nej“ kopańcy pak tele esport-mišterstwa njeběchu. Foto: Norbert Adler

Serbski derby z jasnym dobyćerjom

wutora, 13. awgusta 2019 spisane wot:

ST Marijina hwězda – Sokoł Ralbicy/Hórki 1:5 (1:1)

Zestawa domjacych: Matik – Wróbl, Zelnak, Rab, R. Hawš, Pjetaš (71. Schmidt), Bělk, O. Hawš, Cyž, Eldor (78. Winkler), Pakoßnick (58. Šołta)

zestawa hosći: Schöne – Lešawa (46. Schultz), M. Matka, Janca (58. Šiman), K. Matka (81. Kurjat), Gloxyn, Šewc, Wałda, Bjeńš, Korjeńk, Rawš

Laura Ryćerová (naprawo) je minjeny kónc tydźenja zaso wuspěšnje za Berlinski team Mücke Motorsport šrubowała. Tón bě so w ni­žozemskim Zandvoorće na wubědźowanju formule 4 wobdźělił. Rodźena Šunowčanka wuknje tuchwilu w čěskim měsće Vysoké Mýto powołanje awtomechanikarki. W swobodnym času je mjez druhim tež hižo za mišterstwa turowych wozow Engstler­ Motorsport a Münnich Motor­sport dźěłała. Foto: Toni Ryćer

Přihotowanska hra so nimokuliła

wutora, 13. awgusta 2019 spisane wot:

SJ Njebjelčicy

– Biskopičanske KT II 1:2 (1:0)

Zestawa domjacych: Hahn (45. Matješk) – D. Kral, Hanuza, Haška, Šołta, O. Domš (45. Hrjehor), Čornak (45. F. Ričel), Plaettner (45. F. Domš), Mikławšk (45. Hölzel), Korjeńk, Wagner (45. Pawlik)

Za poslednju přihotowansku hru prěnjeho koparskeho mustwa Njebjelčanskeje SJ měješe trenarski zapřah nimale połny kader k dispoziciji. Tak móžeše hosći­ćel hišće raz wšelake formacije wu­pru­wować. Spočatne tempo pak posta­jowaše młode mustwo z Biskopic. Wosebje dobre běhanske puće hrajerjow bjez bula skićachu jim prěnje akcije z wrotowym wotzamknjenjom. Poněčim so tež Njebjelčanam poradźi wuspěšnje po dołhosći a šěrokosći hrajnišća kombinować. Kopicu móžnosćow před wrotami pak njezamóchu z poslednjej konsekwencu zakónčić. W 22. min. wšak sej sylnu fazu krónowachu. Po tym zo bu Wiliam Plaettner po hnałej přihrawce w šěsnatce jasnje dźeržany, rozsudźi sudnik na pokutny kop, a tón Rony Hanuza wěsće přetwori. Partija wosta hač do połčasa napjata, z dobrymi składnosćemi na woběmaj bokomaj.

Hosćo solidniši wukon pokazali

wutora, 13. awgusta 2019 spisane wot:

Tabulka wokrjesneje ligi, stafla 2

1. ST Hlinowc 1 9 :0  3

2. SZ Wóslink/Skaskow 1 5 :2  3

2. HZ Lubuš/Bluń 1 5 :2  3

2. HZ Łaz/Běły Chołmc 1 5 :2  3

5. HZ Wojerowski FC II 1 2 :1  3

6. ST Wulka Dubrawa 1 4 :4  1

6. SV Haselbachtal 1 4 :4  1

8. Traktor Malešecy 1 3 :3  1

8. HZ Rakecy II/Šćeńca 1 3 :3  1

10. ST Radwor 1 2 :2  1

10. HZ Hórnikečanski jězor 1 2 :2  1

12. SJ Njebjelčicy 1 1 :2  0

13. Módro-běli Minakał 1 2 :5  0

13. FSV Łuty 1 2 :5  0

13. ST Nadrózna Hrabowka 1 2 :5  0

16. SJ Chrósćicy II 1 0 :9  0


SJ Njebjelčicy

– HZ Wojerowski FC II/Wětnica-Hola 1:2 (1:2)

Zestawa domjacych: Matješk – Kral, Hanuza, Haška, Gödig, Domš (66. Mikławšk), Plaettner, Čornak (44. Hoelzel), Šołta, Korjeńk, Wagner (58. Ričel)

Awtor dźensa

Beno Šołta

To čitach před někotrymi dnjemi w nowinach: „Christina Obergföll dóstanje nětko, jědnaće lět po olympiskich hrach w Pekingu, slěbornu medalju za mjetanje hlebije. Tehdy bě wona bronzu dobyła. Tola nětko je doskónčnje jasne, zo bě Rusowka, dotal druha, doping wužiwała. Tak tehdyšu medalju zhubi. Zasad­nje je to w mojimaj wočomaj prawy krok, ale přepozdźe. Dopingowe testy ho­dźa­ so w běhu dnjow wuhódnoćić. Jenož běrokratije dla je so wšitko tak dlijiło. Němska mjetarka hlebije Obergföll hižo někotre lěta wjace aktiwnje njesportuje. Slěbro tuž za nju dźensa přewulki wo­znam nima, kaž praji.

Jako zastupich do němskeje triatlonoweje unije, dyrbjach podpisać, zo njewužiwam doping a zo smědźa mje stajnje po wubědźowanjach kontrolować. To drje hišće njejsu, ale móžu sej derje předstajić, kak móže to sportowca boleć, je-li něchtó druhi pod wliwom dopinga lěpši był. Sy wšitke mocy mobilizował, lěta dołho trenował, zo by spěšny był, ale něchtó je někotre sekundy abo metry lěpši – tola z pomocu chemije a nic pilnosće a česćelakomnosće.

Wuslědki (13.08.19)

wutora, 13. awgusta 2019 spisane wot:

Kopańca, wokrjesna wyša liga

Germania Budyšin – Horni kraj 4:1 (1:1)

Połčnica – Kumwałd4:2 (3:1)

Hory – Wojerowski FC 5:3 (3:1)

Porchow – Ramnow0:2 (0:1)

Kinspork/Łužnica – Kulow 1:3 (1:0)

Němske Pazlicy – Großnaundorf 2:1 (0:0)

1. Sokoł Ralbicy/Hórki 1 5 :1  3

2. Póst Germania Budyšin 1 4 :1  3

3. TSV Połčnica 1 4 :2  3

4. Módro-běli Kulow 1 3 :1  3

5. Drohotka Ramnow 1 2 :0  3

6. LSV Hory 1 5 :4  3

7. Natwar Němske Pazlicy 1 2 :1  3

8. ST Hnašecy-Dobruša 0 0 :0  0

8. TSV Wachau 0 0 :0  0

10. Wojerowski FC 1 4 :5  0

11. SG Großnaundorf 1 1 :2  0

12. Motor Kumwałd 1 2 :4  0

13. ST Kinspork/Łužnica 1 1 :3  0

14. ST Porchow 1 0 :2  0

15. ST Horni kraj-Sprjewja 1 1 :4  0

16. ST Marijina hwězda 1 1 :5  0

wokrjesna liga, stafla 2

Hórnikečanski jězor – Radwor 2:2 (1:2)

Rakecy II/Šćeńca – Malešecy 3:3 (0:1)

Wóslink/Skaskow – Łuty5:2 (2:2)

Haselbachtal – Wulka Dubrawa 4:4 (1:3)

Hlinowc – Chrósćicy II 9:0 (2:0)

Minakał – Łaz/Běły Chołmc 2:5 (1:2)

Nadr. Hrabowka – Lubuš/Bluń 2:5 (0:2)

SJ Chrósćicy

– ST Marijina hwězda 2:0 (2:0)

Zestawa domjacych: Králíček – Püschel, Cyž, Sentivan, Zynda, M. Zahrodnik, Bína, Henzl, Runt, Žur, Bogusz, Matješk, Špitank, G. Zahrodnik

zestawa hosći: Hejduška, Matik – Ch. Cyž, Škoda, Raab, R. Hawš, Kuring, O. Hawš, Peschmann, Wróbl, Selnak, Pakoßnick, Eldor, Melnyk, Jurš, R. Cyž, Čornak

Po tym zo běštej wobě koparskej mustwje­ hižo na serbskim supercupje pře­ćiwo sebi hrałoj, testowaštej wonej tydźeń­ do noweje sezony hišće raz pře­ćiwo sebi. Prěnjej wulkej šansy za SJ Chrósćicy měješe Jan Bogusz, kiž pak dwójce na Fabianu Hejdušce zwrěšći (7., 8.). Krótko po tym steješe 1:0 (9.). Filip Henzl pře­sa­dźi so w šěsnatce a sadźi bul do­ doł­heho kuta. Nětko sej domjacy přeco zaso šansy wuhrawachu, ale tež Pančičenjo so dale a lěpje do hry namakachu. Woni spytachu stajnje zaso přez dołhe třělwy abo přez spěšneju Hawšec bratrow Oskara a Richarda abo Jakobusa Kuringa na Chróšćansku defensiwu ćišć wukonjeć. Škit hosćićela pak wěsće steješe, a w 33. min. móžachu domjacy na 2:0 zwyšić. Znowa bě Henzl třělc wrotow.

Prěni winowatostny serbski koparski derby w nowej hrajnej dobje mjez prěnimaj mustwomaj Sportoweho towarstwa Marijina hwězda a Sokoła Ralbicy/Hórki su wčera hosćo z Delan dobyli. Prěnje wrota dnja pak bě hosćićelski cyłk třělił. Feliksej Pjetašej bě so wuběrny wólny kop poradźił (8.). Michał Matka na to wuruna (39.), druhe a třeće wrota za Sokoł (64./66.) dźěchu na konto Dennyja Gloxyna, 4:1 třěli Bosćij Bjeńš (89.) a 5:1 (90.+1) Filip Šiman. Rozprawu wo hrě wozjewimy jutře. Foto: Jörg Stephan

nawěšk

nowostki LND