To a tamne (29.07.15)

srjeda, 29. julija 2015
artikl hódnoćić
(0 )

Na wšě 25 lět bjez jězbneje dowolnosće po puću bě 45lětny Šwicar. Nětko je jeho policija při wobchadnej kontroli lepiła. Jězbnu dowolnosć bě wón jako 20lětny přisadźił, najebać to pak přiwšěm dale jězdźeše. Zo bě 25 lět bjez njezboža, jemu njepomha: Dyrbi před sudnistwo, hdźež jemu čućiwa pjenježna pokuta hrozy – papjery su wšak hižo preč.

Studij informatiki nastupić chce 14lětny maturant 1. oktobra w Podstupimje. Tak je Conrad Lempert najmłódši student Němskeje, kaž Institut Hassa Plattnera zdźěla. Lempert, kiž je lětsa maturował, je hižo z pjeć lětami do šule zastupił. W zakładnej šuli přeskoči wón dwě rjadowni, na gymnaziju jednu. Maturu wobsta z přerězkom 1,2. Stajnje zaso je so wón na šulerskich wubědźowanjach wobdźělał. Lěta 2014 doby Lempert braniborske krajne wubědźowanje infor­matiki, lětsa wobsadźi druhe městno.

wozjewjene w: To a tamne
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND