To a tamne (28.10.15)

srjeda, 28. oktobera 2015
artikl hódnoćić
(0 )

Z pokradnjenym awtom, bjez jězbneje dowolnosće a z alkoholom w kreji je 19lětny muž z Podstupima w Michendorfje do laternje zrazył, na to pak dale jěł. Policija awto z natutkanym šoferom a dalšimi sobujěducymi w bliskosći nańdźe. 19lětny přizna, zo bě klučik w diskotece namakał a sej parkowace awto wzał. Policija přepytuje nětko ćeknjenja po njezbožu, jězdźenja bjez jězbneje dowolnosće, alkohola a padustwa dla. Wěcna škoda wučinja něhdźe 4 500 eurow.

Kołbasu namakała je žona w ručnej tobole, kotruž bě pola internetneho wikowarja Zalando skazała. Na Facebook-stronje wikowarja so wona wězo hóršeše, štož je mjeztym 14 000 wužiwarjow Facebooka z „lubi so mi“ kwitowało. Přede­wzaće njemóže sej misnjenje rozkłasć, wšako ze žiwidłami scyła njewikuje.

wozjewjene w: To a tamne
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND