To a tamne (21.04.16)

štwórtk, 21. apryla 2016
artikl hódnoćić
(0 )

Pječa najstarši blešowy póst je dowolnica loni na přibrjohu sewjerofriziskeje kupje Amrum namakała. Wjace hač sto lět staru posyłku je Marine Biological Association w južnojendźelskim Plymouthu wotpósłał. Wona bě 108 lět a 138 dnjow w morju po puću, zdźěli wčera rěčnica Guinness World Records. Dowolnica je póstowu kartu z bleše adresatej wróćo pósłała.

K njewšědnemu europskemu mišterstwu zetkaja so wodźerjo tramwajkow sobotu w Berlinskich wobchadnych zawodach. Wurisanje 27 mustwow ze 17 krajow je jedne z njezwučenych branšowych zetkanjow. Jedna skerje žortna disciplina budźe tam tramwajkowy bowling z kulu z mjechkeho nylona. Při tym dyrbja tramwajnicy přećiwo swojemu přirodnemu instinktej wojować, při haćenju na kolijach zaborzdźić. Riziko wulke njeje.

wozjewjene w: To a tamne
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND