Žiwe stawizny znowa mnohich zahorili

pjatk, 12. junija 2015
artikl hódnoćić
(0 )
Dešnjenjo a jich hosćo dožiwichu posledni mejski kónc tydźenja na arealu za tamnišim domizniskim muzejom 10. swjedźeń słowjanskeho srjedźowěka. Tež wojowarjo čěskeje skupiny Ludwigowi Frankojo w bojowej drasće, na foće Roman Král a Petr Ospálek w duelu, su so tam předstajili. Nimo toho běchu swójby, jednoru drastu z lena a wołmy woblečene, a zemjenjo w drohotnym woblečenju widźeć. Michael Helbig Dešnjenjo a jich hosćo dožiwichu posledni mejski kónc tydźenja na arealu za tamnišim domizniskim muzejom 10. swjedźeń słowjanskeho srjedźowěka. Tež wojowarjo čěskeje skupiny Ludwigowi Frankojo w bojowej drasće, na foće Roman Král a Petr Ospálek w duelu, su so tam předstajili. Nimo toho běchu swójby, jednoru drastu z lena a wołmy woblečene, a zemjenjo w drohotnym woblečenju widźeć. Michael Helbig

10. swjedźeń słowjanskeho srjedźowěka w Dešnje wopytowarjow putał

Z jeno 100 kročelemi pućowachu wopytowarjo 1 000 lět wróćo do serbskich stawiznow – do časa, w kotrymž woheń hišće ze železom a kamjenjom zamiškrichu, jako wrjećeno rejowaše, ludźo płaty na krosnach tkajachu a jako hinaše jědźe na blidźe stejachu, hač je dźensa znajemy.

Hnydom za Dešnjanskim domizniskim muzejom so wona započa – časowa jězba do słowjanskeho srjedźowěka: Tradicionelnje posledni mejski kónc tydźenja wotmě so w dźělu sydlišća „Stary lud“ swjedźeń słowjanskeho srjedźowěka, lětsa hižo dźesaty raz.

Swójby w jednorej lenowej a wołmjanej drasće, wojacy w brónjencu a tónraz tež zemjenjo w drohotnym woblečenju běchu sej přijomne lěhwo zarjadowali. Domoródni „Stareho ludu“ dóstachu podpěru wot skupin a jednotliwcow z Pólskeje, Čěskeje, Běłoruskeje, Nižozemskeje a Danskeje.

wozjewjene w: Předźenak

Galerija

dalši wobraz (1) Z kuplowymi kachlemi staj so zhotowjerjej škleńčanych parličkow Dan a Ann Hansen z danskeho Ribe Vikinge Centera předstajiłoj.
dalši wobraz (2) Mužojo serbskeho spěwneho cyłka Přezpólni zanjesechu sławu rěznikej Dopo (srjedźa), kiž bě runje sornu zarězał.
dalši wobraz (3) Kamjenjećesar Florian Peteranderl bě z Bayerskeje do Dešna přijěł.
Prošu přizjewće so, chceće-li komentar podać

Serbska debata

nowostki LND