Hribar měł ludźimora a druhe jědojte hriby znać

pjatk, 09. oktobera 2015
artikl hódnoćić
(0 )
Nic jeno w lěsu rostu hriby k jědźi, ale kaž žołty limonowy hrib tež doma při statoku. Někotři sej jón jako dekoraciju plahuja. Nic jeno w lěsu rostu hriby k jědźi, ale kaž žołty limonowy hrib tež doma při statoku. Někotři sej jón jako dekoraciju plahuja.

Křesćan Sćapan z Kamjeneje ludźi rady poradźuje

Po cyłej Němskej rosće něhdźe 1 500 družin hribow, z kotrychž je wjetšina jědojta abo njeznjesliwa. „Wjele ludźi wšak jeno něhdźe pjeć do šěsć družin kaž čerwjene hłójčki, prawaki, kozaki, kurjatka a marony znaje. Kóždy hribar pak měł, prjedy hač so do lěsa na pytanje hribow poda, jedyn z najjědojćišich hribow, ludźimora (Knollenblätterpilz) znać“, Křesćan Sćapan namołwja. W Kamjenej pola Radworja bydlacy 55lětny so hižo wot 80tych lět intensiwnje z hribami zaběra, přestudowa k tomu wotpowědnu fachowu lite­raturu. Tuž je wšelake jemu tehdy nje­znate hriby, kotrež drje běchu njeznjesliwe, ale nic jědojte, po podatych symp­tomach pruwował. Tak zamóže čłon Němskeje towaršnosće za mykologiju (DGfM) ludźi derje a wěcywustojnje wo hribach poradźować. Wšako je so lětsa zaso tójšto hribarjow zajědojćiło a ćežko schorjeło. Z teje přičiny je DGfM warnowanske plakaty wosebje před ludźimorom wudało. W minje­nymaj tydźenjomaj běchu so tež ćěkancy ze Syriskeje z hribami zajědojćili, 16lětny hólčec při tym samo swoje žiwjenje přisadźi.

wozjewjene w: Předźenak

Galerija

dalši wobraz (1) Hižo w lěsu prawy hribar namakane hriby kaž hołbjenki (Täubling) z nožom wurjedźi.
dalši wobraz (2) Křesćan Sćapan z Kamjeneje je wuběrny znajer hribow a ludźi tuž rady poradźuje. – K mjenje znatym hornjołužiskim hribam, ale k jědźi, słuša Dołha nóžka (Parasolpilz). – Do lěsa wozmje sej Křesćan Sćapan trubu sobu, zo by při hribypytanju wjelka wućěrić móhł. SN/Maćij Bulank
dalši wobraz (3)
Prošu přizjewće so, chceće-li komentar podać

Serbska debata

nowostki LND