Prěni raz žurnalist z Mytom Ćišinskeho wuznamjenjeny

pjatk, 23. oktobera 2015
artikl hódnoćić
(0 )
Předsyda rady Załožby za serbski lud Jan Budar, zapósłanc Sakskeho krajneho sejma Marko Šiman (CDU), lawreat Spěchowanskeho myta Ćišinskeho Sebastian Elikowski-Winkler, lawreat Myto Ćišinskeho Manfred Laduš, prezident Sakskeho krajneho sejma dr. Matthias Rößler (CDU) a zapósłanča Braniborskeho krajneho sejma Kerstin Kircheis  (SPD, wotlěwa) na swjatočnosći na Čerwjenej žurli Pančičansko-Kukowskeho klóštra Marijineje hwězdy minjenu sobotu. SN/Maćij Bulank Předsyda rady Załožby za serbski lud Jan Budar, zapósłanc Sakskeho krajneho sejma Marko Šiman (CDU), lawreat Spěchowanskeho myta Ćišinskeho Sebastian Elikowski-Winkler, lawreat Myto Ćišinskeho Manfred Laduš, prezident Sakskeho krajneho sejma dr. Matthias Rößler (CDU) a zapósłanča Braniborskeho krajneho sejma Kerstin Kircheis (SPD, wotlěwa) na swjatočnosći na Čerwjenej žurli Pančičansko-Kukowskeho klóštra Marijineje hwězdy minjenu sobotu. SN/Maćij Bulank

Nowa generacija lawreatow kroči dale po njekonwencionalnych pućach

Dźesaty króć su minjenu sobotu Myto Ćišinskeho spožčili, a prěni raz je so kuratorij Załožby za serbski lud rozsudźił, přepodać najwyše serbske wuznamjenjenje žurnalistej – Manfredej Ladušej za žiwjenske skutkowanje jako „wurjadny kulturny stawiznar, žurnalist, awtor, referent, fachowy poradźowar, dokumentarist a narodny prócowar“. Jako awtodidakt bě 1941 w Hermanecach rodźeny a dźensa we Wětrowje bydlacy započał a je „njezaměnliwe rysy zawostajił“, kaž jeho lawdatorka Ludmila Budarjowa zwěsći. Nimale 1 900 přinoškow naliča Serbski institut w jeho bibliografiji akribisce rešeršowanych a napisanych. „Drohotny to historiski pokład, kotryž nam zawostaja!“ Budarjowa přirunowaše Manfreda Laduša z „legendarnym redaktorom“ a kulturnym stawiznarjom Jurjom Wićazom-Praskim a z nowinarjom Geratom Hančku. Mnohim je Laduš „takrjec žiwy leksikon“. „Myto je mi zawjazk do dalšeho prócowanja“, so Manfred Laduš dźakowaše.

wozjewjene w: Předźenak

Galerija

dalši wobraz (1) Tež čłonki Delnjoserbskeho žónskeho seksteta – sotra lawreata Jana Winklerojc, Anja a Katja Donatojc (wotlěwa) su z Delnjeje Łužicy přijěli, zo bychu swojemu wuměłstwowemu nawodźe k poćesćenje gratulowali.
dalši wobraz (2) Swój wosebity dźak wupraješe Manfred Laduš w swojej dźaknej narěči swojej mandźelsce Chrysće, kotraž bě jeho přeco podpěrowała.
dalši wobraz (3) Lawdatorka Ludmila Budarjowa so z Manfredom Ladušom wjeseli.
Prošu přizjewće so, chceće-li komentar podać

Serbska debata

nowostki LND