„Freski móžeš jenož jako awtor molować“

srjeda, 23. decembera 2015
artikl hódnoćić
(0 )
Jako započa Christoph Wetzel wjerch sławneje hudźbneje žurle Wrócławskeje uniwersity rekonstruować, molowaše hodowny motiw jako prěni wobraz. To bě zdobom jeho probowe dźěło.  Foto: Jerzy Katarzyński, Wrócławska uniwersita Jako započa Christoph Wetzel wjerch sławneje hudźbneje žurle Wrócławskeje uniwersity rekonstruować, molowaše hodowny motiw jako prěni wobraz. To bě zdobom jeho probowe dźěło. Foto: Jerzy Katarzyński, Wrócławska uniwersita

Wo wurjadnym lětdźesatku w tworjenju molerja Christopha Wetzela

Hač bě Jan Arnošt Smoler za čas studija w tehdyšim Breslauwje jónu Oratorium Marianum tamnišeje uniwersity wopytał, njeje znate. Sławna hudźbna žurla nasta 1811 z kapałki w běhu sekularizacije rjadu jezuitow. Młodźi Serbja kaž njeboh Jurij Młynk, Alfred Měškank abo Hinc Šewc, kotřiž po Druhej swětowej wójnje w potom pólskim Wrócławju studowachu, njejsu składnosć k tomu měli. Kónc wójny bě bomba wulku dźěru do tohole dźěla hłowneho uniwersitneho twarjenja nad Wódru wudrěła kaž tež žurlu zničiła. Hakle w 1990tych lětach wróćichu rumnosći baroknu pychu hač na jedne wu­wzaće: Město mólby z Morawy pochadźaceho molerja Johanna Christopha Handki z lěta 1733 wuhlada wopytowar tehdy jenož woběleny wjerch.

Wot 9. meje 2014 je pycha Oratoriuma Marianuma zaso dospołna. Barokne wjerchowe molowanje napodobnił je samsny wuměłc, kiž bě nimale lětdźesatk do toho kupolu znowa natwarjeneje Drježdźanskeje cyrkwje Našeje knjenje pomolował: Christoph Wetzel.

wozjewjene w: Předźenak

Galerija

dalši wobraz (1) Christoph Wetzel z mólbu „Moja Berlinska wučerka“ z lěta 2008. Wona zepěra so na skulpturu Bertolta Brechta, kotruž bě moler jako šuler stworił. Foto: Axel Arlt
dalši wobraz (2) Wuměłc při dźěle w Oratoriumje Marianumje w januarje 2014
dalši wobraz (3) Ze skulpturu „Mjelčenje“ česći sej Christoph Wetzel Michelangela.
Prošu přizjewće so, chceće-li komentar podać

Serbska debata

nowostki LND