Zajim, twjerdy a krutykaž kristal

štwórtk, 24. měrca 2016
artikl hódnoćić
(0 )
Wosebje hordy je André na hórski kristal, kotryž je na wuprawje z Budyskim mineralogu  Wernerom Dombrowskim w awstriskim Habachtalu namakał. Wosebje hordy je André na hórski kristal, kotryž je na wuprawje z Budyskim mineralogu Wernerom Dombrowskim w awstriskim Habachtalu namakał.

André Domš z Njebjelčic ma wosebity zajim za kamjenje a mineralije

Na čaporowych wikach kupjeny rjany kamjeń – hórski kristal bě spočatk njewšědneho zajima za kamjenje a mineralije młodeho Njebjelčana Andréja Domša.

Skerje jako dekoracija kupjeny kamjeń wubudźi w nim zajim so wobhonić, wo kotry­ kamjeń so jedna, zwotkel pochadźa a kak je nastał. A to poča jeho putać. André chcyše na kóždy pad wjace wo kamjenjach a jich pozadku wědźeć. Pytaše zaměrnje sam dale za rjanymi, njewšědnje skutkowacymi kamjeniznami. W Pěskečanskej pěskowej jamje měješe prěnju wulku geologisku formaciju, kotraž skićeše wulke mnóstwo tajkich.

André wobstara sej fachowe knihi, kotrychž mjeztym tójšto ma. Prawidłownje so w nich wo chemiskej zestawje kamjenja, wo jeho pochadźe a nastaću wobhonja. Ale tež, hdźe móhł njewšědne abo wurjadne kamjenje nadeńć.

wozjewjene w: Předźenak

Galerija

dalši wobraz (1) Wosebje wažne abo drohotne kamjenje chowa André we wosebitych tyzkach. Te wšak tež kóždemu njepokazuje. Foto: Jan Kral
Prošu přizjewće so, chceće-li komentar podać

nawěšk

nowostki LND