Wuslědki (14.09.15)

póndźela, 14. septembera 2015 spisane wot:

Wokrjesna wyša koparska liga

Bukecy – Kulow2:5 (0:2)

Großröhrsdorf – Hory 0:6 (0:3)

Póst Budyšin – Wachau 7:0 (5:0)

Kumwałd – Hnašecy1:1 (0:0)

Rakecy – Wjelećin2:2 (1:2)

Chrósćicy – ST Ćisk2:0 (1:0)

Kinspork – Ramnow2:4 (1:2)

Łuty – Ralbicy/Hórki0:4 (0:2)

1. Chrósćicy 6 12  :  2 16

2. Kumwałd 5 14  :  2 13

3. ST Ćisk 6 13  :  7 13

4. Hory 6 19  :  6 11

5. Ralbicy/Hórki 6 16  :  5 10

6. Połčnica 5 13  :  6 9

7. Póst Budyšin 6 12  :  13 9

8. Kulow 6 9  :  7 8

9. Hnašecy 5 8  :  6 7

10. Ramnow 6 11  :  14 7

11. Großröhrsdorf 6 6  :  16 7

12. Rakecy 6 9  :  12 6

13. Kinspork 6 8  :  13 5

14. Bukecy 5 6  :  12 4

15. Łuty 5 5  :  15 4

16. Wjelećin 5 7  :  13 3

17. Wachau 6 7  :  26 1

Sport (11.09.15)

pjatk, 11. septembera 2015 spisane wot:

Měšćanski běh

22. Budyski měšćanski běh – lěpje ma rěkać běhi – započnje so jutře, sobotu, w 10 hodź. Start a cil budźetej zaso na Póst­owym naměsće. Slědowace běhi budu:

10 hodź. 400 m bambinije

10.15 do 12.45 hodź. šulerjo

13.30 hodź. 1,2 km swójby

14 hodź. 5,6 a 9,3 km hłownej běhaj

Sezona blidotenisa so zahaji

Blidotenisća Viktorije Worklecy zahaja jutře, 12. septembra, z domjacej hru sezonu 2015/2016. Wot 18 hodź. wočakuja woni sportowcow z Wětnicy-Hole. Z nowym­ mustwom­ chcedźa Worklečenjo rady dobyć­. Za nich nastupja Manuel Šołta, Roman Straube, Marcel Linka, Michał a Křesćan Mikławšk a Stephan Mět. Tež tombolu tam zaso změja. Přihladowarjo móža tortu kaž tež dobropis za masažu dobyć.

Zaso volleyball w hali

Skónčnje zaso bule lětaja! Z tutej wuwołacej­ sadu wabja volleyballistki ST Marijineje hwězdy za start do hrajneje doby 2015/2016. Jutře ju wone w domjacej spor­towej hali w Pančicach-Kukowje zahaja. Hrać budu tam wot 14 hodź. tři žónske cyłki: Marijina hwězda, Ochranowske volleyfantki a Žitawa 09 II. Dobyćer małeho­ turněra po modusu kóždy pře­ćiwo kóždemu kwalifikuje so za dalše koło­. Marijine hwězdźički so na podpěru fanow jara wjesela.

W Ralbicach ludowy bul hrali

štwórtk, 10. septembera 2015 spisane wot:
We wobłuku Ralbičanskeho wjesneho swjedźenja-babylěća su lětsa město volleyballa ludowy bul hrali. Tón wšak je hižo lětdźesatki w šulskim sporće jara woblubowany. Wobdźěliło je so pjeć mustwow. Hólcy młodźinskeho kluba Ralbicy běchu wuspěšni a dobychu. Foto: Jan Šołta

Suwerenje dobyli

štwórtk, 10. septembera 2015 spisane wot:
Beachvolleyballisća Serbskeho gymnazija Budyšin su wčera w starobnej klasy II wokrjesne finale we wubědźowanju Młodźina trenuje za olympiju suwerenje dobyli­. Pod nawodom sportoweho wučerja Měrka Korjeńka a kapitana Mateja Cyža­ přewinychu woni Schillerowy gymnazij Budyšin, Goethowe gymnazij Biskopicy­ a Wyšu šulu Biskopicy.

Pod kolesa přišli

štwórtk, 10. septembera 2015 spisane wot:

Sokoł Ralbicy/Hórki II

– ST Nowe Město n. Spr. II 0:5 (0:1)

Zestawa domjacych: Měškank – Matka, Zynda, Serbin, Šnajder (61. Bernard), Kobalc (46. Bogusz), Šěn, Materna, Schultz, Kurjat, Šmit (68. Mět)

Wjedro za kopańcu njebě runjewon najlěpše a hra Sokoła Ralbicy/Hórki II tež nic. Jasnje su domjacy rezerwje z Noweho Města nad Sprjewju podleželi. Što pak běchu přičiny? Dokładnje da so to ćežko wujasnić. Wočiwidne bě, zo běchu hosćo spěšniši při bulu. Nimo toho jón w swojich rjadach dźeržachu. Tamniši trenar zasadźi nimo toho pjeć hrajerjow z prěnjeho mustwa. Tež to měło so snano při wuhódnoćenju poražki wobkedźbować.

Napjaty derby

štwórtk, 10. septembera 2015 spisane wot:

Traktor Malešecy

– HZ Wulka Dubrawa 2:1 (1:1)

Zestawa domjacych: Seiler – Reck, Ludwig (46. Benad), Stewig, Zichel, Finke (92. Swakon), Wunsch, Koksch, Metasch (58. Hasse), Brumme, Bolz

Zestawa hosći: Zoch – Bens, Fechner, Steppat, Hoibik, (78. Taschke), Kirschke, Winzer, Seffek, Ritscher, Semmer (61. Lange), Richter

Cyle njenadźicy postara so młody Malešanski nadběhowar Florian Finke z hłójčkowanym bulom wo 1:0 (13.). Nadběhi přećiwnika běchu na to dale a sylniše, a škit domjacych wjacore razy „chětro płuwaše“. Wurunanje docpě Robin­ Steppat (21.).

W druhim połčasu přińdźe agilny nadběhowar Marco Benad za domjacych do hry. Wón staraše so wo njeměr a Finke zwyši na 2:1 (50.). Wulku šansu hosći Heiko Koksch na wrotowej liniju z ruku wotrazy, za čož pak dósta čerwjenu kartu. Słabje třělenu jědnatku wrotar Traktora Felix Seiler wotwobara. Hosćo z mužom wjace wězo hišće wšitko spytachu, ale bjez wuspěcha. Kurt Lorenc

Dypk a poražka

srjeda, 09. septembera 2015 spisane wot:

FC Carl Zeiss Jena

– FSV Budissa Budyšin 0:0

Zestawa hosći: J. Jakubov – Kolan, Klippel, Pfanne (24. Patka), Kral, Rosendo, Hoßmang, Čermák, Reher (85. Walther), A. Jakubov, Salewski (75. Hansch)

Po prěnim dobyću sezony přećiwo mustwu Germanije Halberstadt nastupichu koparjo Budissy Budyšin pola FC Carl Zeiss Jeny. Hosćićel nochcyše zwisk k načolnikej FSV Zwickau zhubić a chcyše tuž dobyć. Wot wšeho spočatka so tež Budissa połnje do hry klakaše. Bohužel dyrbješe trenar Tomaš Henčl hižo zahe nutřkowneho škitarja Pfannu z hrajnišća wzać, dokelž hrožeše jemu žołto-čerwjena karta. 2 798 přihladowarjow domjacych podpěrowaše, kotřiž pak njemóžachu so tak prawje přesadźić. Najlěpšu móžnosć w prěnim połčasu za hosći měješe Čermák, ale šmórny wólny kop snadnje wyše wrotow.

Po hrě trenowali

srjeda, 09. septembera 2015 spisane wot:

Po hrě w Mužakowje měješe Hanspeter Benad składnosć z trenarjom Budissy, Tomašom Henčelom, porěčeć.

Knježe Henčlo, 1:2 w Mužakowje! To tola móžno njeje!?

T. Henčl: To je špatny són. Mějachmy dwě móžnosći, wrota docpěć. Njejsmy jej wužili, a přećiwnik bě sylny. Mužakow je šansy wužiwał. Na to smy z njemóžnymi srědkami hru dobyć spytali.

W prěnjej formaciji stejachu jenož hrajerjo z druheho rynka. Bě to zmylk?

T. Henčl: Ně, mamy w kadrje 22 koparjow. Wšitcy super trenuja a chcedźa hrać. W hrě pak treningowe wukony zwoprawdźić njemóža.

Što wot swojeho mustwa wočakujeće?

T. Henčl: Hru w Mužakowje dyrbi wone najspěšnišo zabyć.

Dyrbjachu Waši chowancy njedźelu hišće raz trenować?

T. Henčl: Haj, to su sej zasłužili. Tež wo wuhódnoćenje smy so postarali. Hanspeter Benad

Prěnje koparske mustwo Sokoła Ralbicy/Hórki ma po pjeć hrajnych dnjach we wokrjesnej wyšej lize wurunanu bilancu. Prěd­ku wotlěwa přisłušeja mustwu Bosćij Bejma, Jens-Joachim Nuck, Antonius Wałda, Chrystof Gloxyn, Gabriel Kurjat, Měrćin Kurjat­ a Křesćan Matka­; srjedźa wotlěwa trenar Thomas Schulz, Bosćij Bjeńš, Fabian Bejma, Fabian Korjeńk, Tomaš Bejma a mustwowy­ nawoda Maik Brězan; zady wotlěwa Gabriel Čórlich, Andy Schulz, Dirk Šołta, Stefan Bjeńš, Bosćij Lulak a kapitan Pětr Domaška. Foto: Markus Brüss

Dwójce za sobu wonka hrali

wutora, 08. septembera 2015 spisane wot:

Arnsdorfske ST – SJ Njebjelčicy 1:0 (0:0)

Zestawa hosći: Hahn – Šołta, Haška, Hanuza, Hoelzel, Lejnart, Dubaw, Hoier, C. Ričel (66. D. Ričel), Pawlik, Janca

Do Arnsdorfa wjedźeše puć Njebjelčanskich koparjow poslednju sobotu awgusta. Kak rady tam aktiwni kumštneho trawnika dla hraja, je wšitkim znate. Při přewšo horcym wjedrje so Njebjelčenjo cyle derje, a to zaso jeno z minimalnej wobsadku prezentowachu. Nico Hahn w wrotach hosći dwójce za sobu w prěnim połčasu jara derje zakroči a zastatkej zadźěwa. Robert Lejnart a Chrystof Dubaw, kotrajž trjechištaj łatu, pak swojej móžnosći njewužištaj. Tak měnještej so stronje při stawje 0:0.

W druhim połčasu Lejnart, Dubaw a Matijas Hoier šansy k wrotam njewužiwachu. Tež někotre spěšne nadběhi domjacych k swójskemu wužitkej njedosahachu. Wšitko pokazowaše hižo na njerozsudny wukónc. Krótko do kónca pak falowaše Njebjelčanskim škitarjam trěbna koncentracija. Po wótrje třělenym róžku smokny Arnsdorfski nadběhowar z wótreho kuta kulowatu kožu k dobyćerskim wrotam do hornjeho třiróžka.

ST Wóslink/Skaskow

– SJ Njebjelčicy 2:3 (1:3)

nawěšk

SERBSKE NOWINY podpěruja:

Novi Sad – kulturna stolica Europy

  • Serbska lajska dźiwadłowa skupina Šunow-Konjecy je swoju nowu komediju "Ludźo njedźiwaće so" 9. nowembra prapremjernje w Šunowskej Fabrikskej hospodźe předstajiła. tule namakaće někotre impresije z inscenacije. 

Tohorunja tón kónc tydźenja su w Ketl

nowostki LND