Prěni króć meju mjetali

pjatk, 11. junija 2021 spisane wot:
Fota: Mandy Brösanowa

Přewšo rjane dožiwje­nje mějachu dźěći Kulowskeje pěsto­war­nje swj. Marije po­sledni pjatk minjeneho měsaca. Prěni raz wě­no­wachu so tam rjanemu nałožkej a su meju mjetali.

Serbske dźěći jěžikoweje sku­piny běchu so ze swojej ku­błar­ku Mandy Brösanowej derje při­hotowali. Wšitke pjatnaće dźěći bě swjedźensce zwoblěkanych.

K zaćahej spěwachu „Štóž je rady wje­­soły, pola nas je witany“. Prjedy hač meja padny, pokaza wosom porow – kubłarka bě sobu zapřijata – wokoło meje rejujo někotre nazwučowane rejki.

Tež w Domje Lutkow meja padnyła

pjatk, 11. junija 2021 spisane wot:
Foto: Johann Tesche

Pyšna meja je wot 30. apryla zahrodu Ćišćanskeje pěstowar­nje pyšiła. W Domje lutkow rady serbske nałožki pěstuja, a tak su so dźěći srjedź minjeneho měsaca zetkali a su wokoło meje „Šewca“ a „Wjerću so“ rejowali. Tež „We wsy meja steji“ su spěwali. Z kubłarku Susann Domanjowa su ceremoniju wotewrěli. Běše nimale tak, kaž to młodostni činja. Kubłarka Anne Brosig je meju skónčnje powaliła, a hižo smalachu hólcy předšul­skeje skupiny za mejskim wjerškom. Najspěšniši běše Jonas Landskron, a wón wuzwoli sej Emelie Čižikec za swoju mejsku kralownu.

Johann Tesche

RadwoR

pjatk, 04. junija 2021 spisane wot:

Skupinski wobraz jako

wikingojo – młodźina

je na mejemjetanju přeco jara kreatiwna.

W času koronapandemije su młodostni staršim Radworskim wobydlerjam wulka ­pomoc. Wšako jim na přikład trěbne wšědne twory wobstaruja. Fota: dawid wowčer

We wobłuku mejemje-

tanja maja Radworčenjo stajnje chłóšćenku za wjesnjanow. ­Předrasćeni pokazuja jim mały, ale zdźěla spektakularny

program.

Mejemjetanje je Radworskej ­młodźinje najwjetši wjeršk lěta.

Loni su serbsku tradiciju samo

w syći live streamowali.

Radworscy młodostni běchu minjene lěta w social­nych syćach a medijach chětro prezentni. Tak běchu a su nadal jara aktiwni a so wosebje tež za hajenje a zdźerženje serbskeje rěče a nałožkow zasadźeja.

Jakub Langa ­wjedźeše ­rozmołwu

z Dawidom ­Wowčerjom.

Serbske młodźinske kluby 5. dźěl

Kelko čłonow sće tučasnje w młodźinje, a kajka je konstelacija mjez holcami a hólcami?

D. Wowčer: Tučasnje mamy 55 čłonow w klubje, z nich je wosom holcow.

Štó wšo do předsydstwa słuša, a kak často je nowe woliće?

Serbske memes-original

pjatk, 04. junija 2021 spisane wot:
fota: screenshoty jurij bjeńš

„Serbske memes-original“ je na Instagramje chětro aktiwna strona. Kelko ludźi sće, kotřiž stronu wobdźěłuja?

Administratorojo: Cyłkownje smy skupina pjeć ludźi. Kóždy je raz mjenje, raz bóle aktiwny. Tak so derje wurunamy.

Chceće so skrótka předstajić?

Administratorojo: W Serbach kóždy kóždeho znaje, tohodla chcemy rady anonymni wostać. Ale telko móžemy přeradźić: Smy zdźěla studenća, zdźěla ze studijom hotowi. Pochadźamy z kónčiny mjez Budyšinom, Róžantom a Pančicami-Kukowom.

Maće wulki reportoire temow. Jónu su chutniše, jónu lóštniše. Što pola was přewahuje? Chceće serbski lud bóle we wěstych temach namołwjeć abo zabawjeć?

Administratorojo: Nimamy fokus na wěstu temu, spytamy ludźom jednorje posměwk do mjezwoča skuzłać. Při tym chcemy wšědny serbski dźeń reflektować, so z klišejemi hrajkać abo na njedostatki pokazać. Spytamy kóždy wobłuk humora posłužować, někotre memes maja hłubši niwow, dalše snano snadniši – hłowna wěc, zo móžeš so smjeć.

Žnějeće zawěsće tež feedback. Je to wjac kritiki abo wjac chwalby?

Moto-tydzen we Wóslinku

pjatk, 04. junija 2021 spisane wot:
Fota: Daniela Jawinski´
´
Pjatk, 4. junija 2021
 SERBSKE NOWINY – KÓNCTYDŹENSKA PŘIŁOHA

Na Ewangelskej wyšej šuli Wóslink su šulerjo 10. lětnika hižo před něšto časom tradicionalny moto-tydźeń přewjedli. Temy běchu ­powołanja, změna splaha a rjekojo dźěćatstwa. Jedyn dźeń přichwatachu wšitcy nowy wotchadny hoodij ­woblečeni do šule. Tučasnje maja dźesatkarjo pruwowanja. Daniela Jawinski

Incidencna hódnota koronain­fek­cijow je na zbožo skónčnje niša. To móhło na tym zaležeć, zo so dale a wjac ludźi šćěpić da. Dotal dyrbješe so wěsty slěd při šćě­pjenju dodźeržeć, štož pak je nětko zběhnjene. Potaj­kim maja tež młodźi ludźo bórze móžnosć so šćěpić dać. Tola što po­prawom naši młodostni k šćěpjenju praja? Halina Hejduškec je so něko­trych za tym prašała, hač bychu šansu na šćěpjenje wužili, abo hač so móž­nych wuskutkow boja?

Adrian Mička z Bronja: Mam šćěpje­nje za jara dobre, dokelž so tak pandemiji zadźěwa. Hdyž pak hladam na to, zo so šćěpjenja hewak přez wjacore lěta wuwiwaja a nětko w krótkim času nałožuja, mó­žu zrozumić, hdyž někotři nastupajo toho kritisce mysla abo so někajkich sćě­how boja. Wosobinsce mam wězo wob­myslenja, dokelž hišće telko studijow wo tym njedawa, bych pak rjekł, zo móžemy tomu dowěrić. Ja bych so šćěpić dał, hdyž tu móžnosć k tomu mam. Za mje přewahuje přičina, zo nješkitam tak jenož sebje ­samoho, ale tež druhich. Nimo toho faluje mi wězo tež normalny wšědny dźeń, kaž bě wón do pandemije, a tón móžemy sebi nadźijomnje bórze zaso wróćo zdobyć.

Jedyn widejopo druhim

pjatk, 04. junija 2021 spisane wot:

Tež nowy serbski rap

eksistuje. „Nowa Doba“ rěka spěw wo Günteru Šwjenteku.


Hižo znaty spěw kapały Wusmuž „W kraju mytow“

dósta tohorunja widejowy clip. W nim smali kolesowar

po serbskich wsach mjez

Kamjencom a Budyšinom.


tekst: jurij bjeńš, Fota: Screenshoty

Minjeny měsac překwapi młoda serbska skupina Holaski z Chrósćic swojich fanow

z nowym spěwom „Wódny muž“, kotryž je hnydom na Youtube

z widejom wozjewiła.

Meja padnyła

pjatk, 04. junija 2021 spisane wot:
Tež we Wudworju su lětsa mejemjetanje přewjedli. Mejski kral Jakub měješe tónraz dwě mejskej kralownje, Halinu a Helenu. Foto: Eckhard Kliemann
Fota: Viktoria Pašcyna (4)Wotsrjedź meje smědźa wšitke dźěći Serbskeje pěsto­warnje „Jan Radyserb-Wjela“ w Budyšinje zaso tam chodźić. Na to su so wězo jara wjeselili, wosebje předšulske. Ručež běchu wone do pěsto­war­nje přišli, su so na swje­dźeń mejemjetanja přiho­towali. A wšitcy smě­dźachu so na programje wobdźělić. Holcy skupiny běchu najbóle rozbudźene, do­kelž wědźa­chu, zo budu pyšnu serbsku drastu zhotowane. Program smy štwórtk, dźeń do wulkeho swje­dźenja, hišće zwučowali. Pjatk, 20. meje, běše potom tak daloko. Holcy běchu wosebje rjane w drasće delnjołužiskich, katol­skich a Wojerowskich Ser­bowkow, a hólcy běchu w rjanych běłych košlach. Spěwachmy a re­jowachmy wokoło našeje meje a před­­njesech­my tež basnje. Ban­towa reja wokoło meje so wšitkim jara lubješe. Po spě­wanju meja padny, a třo hólcy předšul­skeje skupiny běža­chu tak spěš­nje, kaž móžachu, za hałžku wjerška.

Rejowace symješka

pjatk, 04. junija 2021 spisane wot:

Hana Šmitec a Halina Hejduškec






Foto: Feliks Haza Zrudnje leći symješko samotne přez rólnistwo. Wučerpane so posydnje do zemje so zapleće. Tołsta mróčel přićehnje wulke kapki pišćeše. Ze symješka bu rostlinka a bórze hižo rostlina. Z pupka małoh zelenoh bu kwětka, žołta zawěrno. Na ludźi so smějkota a wjeselo jim wobradźa. Přeměnja so pomału na mejsku róžu lubostnu. Hdyž wětřikec hólcy zaduja, symješka wokoło rejuja. Pos sej z nimi zahrajka wotpopadnje symješka. Wone nětk so raduja a juskajo leća do swěta.

Wulkotne kuzłarske činki

pjatk, 04. junija 2021 spisane wot:
Foto: Marko Njek
Kajka běše to překwapjenka. 1. junija, na dnju dźěsća, je sej kuzłar k nam do Katolskeho serbskeho dźěćaceho domu w Radworju dojěł. To bě za dźěći kaž tež za kubłarki a kubła­rja wulka překwapjenka. A kuzłar knjez Róbl bě jara wjesoły, zo je nas ze swojimi tryskami zakuzłać móhł. Marko Njek w mjenje dźěći a kubłarskeho personala

Serbska debata

nowostki LND