Rekordna ličba wopytowarjow

pjatk, 05. awgusta 2016 spisane wot:
Highlight rejow w delnich Sulšecach bě znata DJjowa dwójka „Anstandslos und Durchgeknallt“.Před tydźenjomaj wotmě so w Sulšecach pola Kulowa wjesny swjedźeń. Sobotne reje běchu wězo highlight za młodostnych. Na dohromady třoch jewišćach tam wšelacy DJjojo runočasnje hrajachu. Tadej Špitank ze Zejic předstaji so na hłownym jewišću pod mjenom „Speedmasters“. Wosebitostka wječora běše znata DJ-jowa dwójka „Anstandslos und Durchgeknallt“. Tež wupyšeny beachfloor zawostaji mjez wopytowarjemi pozitiwny zaćišć. Tak žnějachu Sulšečenjo wulki wothłós na dobru organizaciju a wuhotowanje rejow, štož mytowaše so tež z rekordnej ličbu hosći. Něhdźe 1500 ludźi bě na reje přichwatało. Tekst: Gloria Žurec foto: Stefan Kutschke

Gig-festiwal w Róžeńće

pjatk, 05. awgusta 2016 spisane wot:

God is good – takle rěkaše hesło křesćanskeho festiwala spočatk pražnika při Róžeńčanskej hnadownej cyrkwi. Něhdźe 800 ludźi z cyłeho swěta, wjetšina z nich młodostni, je tón kónc tydźenja do Róžanta přichwatało. Wěriwi z Pólskeje, Čěskeje kaž tež ze Šwicarskeje a samo z USA wobdźělichu so na workshopach k najwšelakorišim temam. Tež serbske młode swójby a młodostni běchu pódla. Wjeršk festiwala bě wustup něhdyšeho spěwarja skupiny The Kelly Family Patricka „Paddyja“ Kellyja. Organizatoram bě wosebje wažne, z kulturnym zarjadowanjom optimizm a křesćansku wěru skrućić a tak zdobom na načasne wašnje młodźinsku kulturu křesćanow zna­zornjeć. Jeničce wabjenje je hladajo na přichodne tajke festiwale hišće polěpšomne. Zhromadny kónc tydźenja wuklinča njedźelu ze zhromadnej Božej mšu ze šwicarskim młodźinskim biskopom Elegantijom. Tekst a fota: Clemens Šmit

Šulska wuměnaz Bretonami

pjatk, 05. awgusta 2016 spisane wot:

S kupina francoskich šulerjow pře­­by­waše w aprylu we Łužicy, połojca z nich pola šulerjow Worklečanskeje wyšeje šule. Ći tamni běchu hosćo Budyskich serbskich gymnaziastow.

Po 25 hodźinach busoweje jězby witachmy bretonskich přećelow po starym serbskim wašnju z chlěbom a selu. Někotre holcy běchu katolsku drastu woblečene.

Pjatk, prěni dźeń jich přebytka we Łužicy, pokazachmy šulerjam historiske wosebitosće města Budyšina. Pobychmy w Serbskim muzeju a w redakciji Serbskich Nowin. Wječor překwapichmy swojich hosći z małym zetkanjom při wohenju a grilu. Tam přewinychmy prěnje rěčne barjery a so lěpje zeznachmy. Kónc tydźenja přebywachu šulerjo w swójbach. Aktiwity běchu jara wšelakore, hač běchu to prazwěrjenc a labyrint w Małym Wjelkowje, pućowanje po Sakskej Šwicy, płuwanske wjesela abo bowling. Někotři pobychu samo na sankowanskim arealu w Žitawskich horinach. Dalši wzachu swojich hosći sobu na serbsku Božu mšu, hdźež so tući mócnemu spěwanju jutrownych kěrlušow dźiwachu. Tež typiske swójbne swjedźenje móžachu młodźi Bretonojo sobu dožiwić.

Wulět do Lipska

pjatk, 05. awgusta 2016 spisane wot:
Array
Pućowanske dny su jedne z wjerškow šulskeho lěta, tež za 8. lětnik Ewangelskeje srjedźneje šule Wóslink. Tak podachmy so do Lipska. Hižo jězba z ćahom bě rjana móžnosć so raz tak prawje rozmołwjeć, wšako nimamy w šuli často chwile za dołhe diskusije. W Lipsku wopytachmy Panometer, hdźež wobhladachmy sej wobrazy Great Barrier Reefa. Po tym pozastachmy hišće w studiju MDR, a tam pobychmy mjez druhim w studiju „Sport im Osten“. Jedna z našich šulerkow smědźeše samo nowosće čitać a zmištrowa to nimale tak derje kaž profi. Na zbožo mějachmy hišće chwile za shopping. Wulki dźak słuša na tutym městnje našim wučerjam knjeni Rußowej, knjezej Campsej a knjezej Winklerej, kotřiž nas přewodźachu. tekst a foto: Charlotte Hoffmann a Mandy Hänsel, rjadownja 8

Z mopedami w Krupce byli

pjatk, 05. awgusta 2016 spisane wot:

Ći jedni jědu z aw­tom abo kolesom, druzy putnikuja pěši a někotři podawaja so z mo­pedami do Krupki. „Wjet­šina z nas nima prosće telko wólneho časa, zo by sej wot njedźele do pjatka swobodne wzała a cyły puć nóž­kowała. Tak smy so před štyrjomi lětami spon­tanje wutoru popołdnju na motorske šwiknyli, zo bychmy srjedu rano w Krupce kemši šli“, praji Křesćan Bejmak. Za njeho bě to lětsa štwórty raz, zo je na tele trochu njewšědne wašnje do Krupki „putnikował“. Mjeztym nasta z toho mała tradicija. Jako młodźency běchu mopedisća pěši sobu šli abo sej z kolesom do Krupki dojěli. Wjetšina z nich pak je tež rady z mopedom po puću. Čehodla tuž mopedowy wulět ze serbskej katolskej tradiciju njezwjazać? Čara je podobna tej młodostnych putnikow. Jenož, zo su mopedisća tam w běhu dweju a poł hodźiny. Tura wjedźe najprjedy do Stołpina, wottam dale do Pirny – a tež raz po tym abo tamnym pólnym pućiku. „Někotryžkuli Simson S51 dyrbjachmy samo před Petrovicami horu horje ćišćeć – hewak pak njemějachmy žane wulke ćeže“, Křesćan Bejmak rozprawja. Tež klětu chcedźa so zaso z mopedami na puć do Krupki nastajić.

Třižonjanski jězor – wočerstwjenišćo z dwěmaj wobličomaj

W jězoru pola Łaza a Běłeho Chołmca běchu wot lěta 2008 šěsnaće wšelakich družin rybow zwěsćili. Někotre wubrane wobłuki su tuž za wudźenski sport rezerwowali. Z jězorom reguluja tohorunja staw wody Małeje Sprjewje.

Rozdźělnišej njemóžetej přibrjohaj při Třižonjanskim jězoru być: Pola Łaza knježi skerje ćišina, blisko Běłeho Chołmca pak móža dowolnicy po wječorach a nocach k wšelakej hudźbje porjadnje hejsować. Runja swojim „bratram a sotram“ we łužiskej jězorinje nasta Třižonjanski ze zapławjeneje jamy, z kotrejež běchu wot lěta 1984 do měrca 1989 něhdźe štyrnaće milionow tonow brunicy wuryli. Swoje mjeno ma jězor wot Łazowskeho wjesneho dźěla Tři Žony w sewjernym dźělu při­brjoha. Po tym zo bě woda Małeje Sprjewje zbywacu dźěru šěsć lět pjelniła, je Łužiska a srjedźoněmska towaršnosć hórnistwoweho zarjad­nistwa LMBV wočerstwjenišćo w lěće 2009 Łazowskej gmejnje přepo­dała.

Serbski superintendent a předsyda Serbskeho wosadneho zwjazka Jan Malink swjeći jutře šěsćdźesaćiny

Do najznaćišich serbskich wosobinow słuša superintendent Jan Malin­k, kiž swjeći jutře w Budyšinje šěsćdźesaćiny. Narodźił je so wón 30. julija 1956 jako třeće dźěćo serbskej swójbje w sprjewinym měsće. Jeho nan dr. Pětr Malink bě wučer, pozdźišo spisowaćel, lektor a wědomostnik. Mać Kata bě dźowka Baćońskeho kantora Mikławša Cyža. Kata Malinkowa wučerješe a pře­łožowaše jako mać sydom dźěći často po wječorach a nocach ze słowjanskich rěčow kaž tež z němčiny do serbšćiny. Malin­kec swójba je ewangelsko-katolskeho pochada, štož běše tehdy hišće jara rědko. Młody Jan wotrosće ze sotrami Hanku, Marku, Christianu, Gabrielu, Terezu a z młódšim bratrom Stefanom. Po wuchodźenju Budyskeje Serbskeje zakładneje šule dźěše na Serbsku rozšě­rjenu wyšu šulu a maturowaše tam 1975 jako­ najlěpši absolwent.

Haja wuske zwiski z wosadu

pjatk, 29. julija 2016 spisane wot:

Na wopyće pola Serbskich bjesadow – 3. dźěl Bukečanska

Telefonujo w zańdźenych lětach wjackróć z Bukečanom Arndom Zobu začuwach stajnje jeho wulki angažement, zachować serbsku rěč w tamnišej kónčinje. Zdobom wusłyšach tež jeho starosć, zo dale a wjace starych ludźi wuměra, kotřiž rěč hišće wobknježachu, a młodźi wotchadźeja, dokelž po cyłej Němskej za dźěłom pytaja, zwjetša pak so do domizny njewróća. Tele moje začuće mi 72lětny Arnd Zoba wobkrući, jako so z nim na terasy swójbneho domčka na kromje Bukec rozmołwjam. Naju tema je nimo dalšich Bukečanska Bjesada. Zrodźiła bě so wona na iniciatiwu Mata Krygarja z Wuježka a wuchadźeše z kursa serbšćiny, kotryž bě tam Jadwiga Kaulfürstowa z Rěčneho centruma WITAJ Budyšin přewje­dła. Serbšćinu wuknyć wšak Arnd Zoba nje­trjebaše. Je dźě wón horliwy maćernorěčny Serb, je hordy na swój lud, na jeho stawizny a tradicije. A to je tež młodej generaciji posrědkował, tak swojimaj synomaj, kotrajž zwonka Łužicy bydlo swój pochad njezatajataj. Samozrozumliwje pak serbuje tež w ródnej wsy a hdźežkuli je.

Wuprawa dosrjedź katolskich Serbow

pjatk, 29. julija 2016 spisane wot:

Po kraju po puću

Dźensa wabi nas pahórkata krajina wokoło Pančic-Kukowa a Worklec k pěšipućowanju. Wona je na kóždy pad wulěta hódna, wšako wjedu přez nju tež wšelake markěrowane šćežki.

Zahajimy pućowanje w delnim dźělu Kukowa – něhdźe tam, hdźež so dróha dźěli: Naprawo dźe do Chrósćic a nalěwo do Róžanta. Tam parkujemy tež swoje awto. Smy tu blisko Ćišinskeho ródneho domu, při kotrymž chcemy wězo­ pozastać. Dom steji na prawym boku trochu wyše dróhi, dokładna adresa rěka Chróšćanska 6. Pomjatna tafla za basnika je tam připrawjena wot lěta 1925. Iniciěrowali běchu ju tehdy serbscy studenća składnostnje 50. schadźowan­ki w Chrósćicach. Na te wašnje spominachu na załoženje wuznamneho studentskeho zarjadowanja 1875 tohorunja w Chrósćicach a jeho sobuzałožerja Jakuba Barta.

Łužisku stwórbu za přichod zachować

Hara, proch a pobrachowaca dnowna woda su wuskutki Malińskeje (Greifenhain) brunicoweje jamy. „Cyły čas smy so z wobćeženjemi bědźili“, dopomina so Jörg Nevoigt z ewangelskeje wosady Stareje Darbnje (Altdöbern) sewjernje Złeho Komorowa na 80te lěta. „Wosebje wobćežne bě nalěćo. W měrcu bě často jara sucho. Při sylnym wětřiku z wuchoda dochadźeše k pěskowym wichoram. Cyłe zahrody běchu z prochom pokryte.“ 59lětny je ranger přirodneje straže w Delnjołužiskim přirodnym parku. Do toho bě 30 metrow hłuboke studnje za wotwodźowanje wody na kromje Stareje Darbnje twarił.

nawěšk

SERBSKE NOWINY podpěruja:

Novi Sad – kulturna stolica Europy

  • Serbska lajska dźiwadłowa skupina Šunow-Konjecy je swoju nowu komediju "Ludźo njedźiwaće so" 9. nowembra prapremjernje w Šunowskej Fabrikskej hospodźe předstajiła. tule namakaće někotre impresije z inscenacije. 

Tohorunja tón kónc tydźenja su w Ketl

nowostki LND