Zymske treningowe lěhwo w Čěskej přewjedli

štwórtk, 02. februara 2023
artikl hódnoćić
(0 )
Sněhakowanje na dołhich čarach steješe tež lětsa zaso na programje zymskeho treningoweho lěhwa Chróšćanow. Startowy dypk něhdźe 35 kilometrow dołheje pjatkownišeje čary běchu Jakuszyce. Koparjo tu při swojej prěnjej přestawce njedaloko pólsko-čěskeje hranicy. Foto: Jan Bogusz Sněhakowanje na dołhich čarach steješe tež lětsa zaso na programje zymskeho treningoweho lěhwa Chróšćanow. Startowy dypk něhdźe 35 kilometrow dołheje pjatkownišeje čary běchu Jakuszyce. Koparjo tu při swojej prěnjej přestawce njedaloko pólsko-čěskeje hranicy. Foto: Jan Bogusz

Cyłkownje 14 hrajerjow Chróšćanskeho prěnjeho mustwa běchu minjeny kónc tydźenja zhromadnje z trenarjom Pavelom Runtom swoje zymske treningowe lěhwo w Čěskej přewjedli.

Po tym zo běchu koparjo štwórtk w Jablonecu přenocowali, podachu so nazajtra z ćahom do Pólskich Jakuszyc (Jakuszyce). Wot tamnišeho Delnjošleskeho sportoweho centra „Polana Jakuszycka“ wočakowaše jich něhdźe 35 kilometrow dołha čara do Bedřichova, hdźež běše zdobom kwartěr Chróšćanow za přichodnej dwaj dnjej. W minjenym času bě so w Jizerskich horinach mnoho sněžiło, tak zo běchu wuměnjenja za sněhakowanje na dołhich čarach powšitkownje dobre. Jenož jedyn mały wotrězk čary běše chětro zalodźeny, tak zo dyrbjachu koparjo tu swoje sněhaki do rukow wzać.

wozjewjene w: Sport
Prošu přizjewće so, chceće-li komentar podać

Serbska debata

nowostki LND