Kermušny derby přěhrali

srjeda, 26. oktobera 2022 spisane wot:

SJ Chrósćicy II – ­­­SJ Njebjelčicy 0:1 (0:0)

Zestawa domjacych: Škoda – M. Donat, P. Šołta, Zynda, Mark, B. Donat, Wornar, Wenzel, J. Donat, Liznar (89. Sćapan), Handrik (57. Rätze)

Zestawa hosći: Hahn – Kral, J. Šołta, Hanuza, Hoelzel, Korjenk (84. Malaškin), Čornak (58. Matješk), Hrjehor, Pawlik, Šmit (46. F. Domš), O. Domš

Na Chróšćanskej kermušnej njedźeli dóńdźe na tamnišim sportnišću k serbskemu koparskemu derbyjej. Sportowa jednotka z Njebjelčic bě pola rezerwy Chróšćanow z hosćom. Domjacy běchu faworit, wšako čakachu hosćo hišće na prěnje dobyće.

Dypk ke Chróšćanskej kermuši

wutora, 25. oktobera 2022 spisane wot:

SJ Chrósćicy – Radebergske ST 0:0

Zestawa: Králíček – Janca, Sentiwan, Runt, Matješk, L. Zahrodnik (78. Handrik), Hawš (86. Wornar), Kreuz (58. ­B. Cyž), Mützner, Bogusz, Krawc

Ke kermuši nastupichu koparjo z piwoweho města Radeberga w Chrósćicach. Woni su nowačk w lize. Hinak hač za domjacych njebě sezona za hosći derje zaběžała, tak zo steja na poslednim městnje tabulki. Tola třoch čerwjenych kartow dla dyrbješe trenar Pavel Runt swoje mustwo přetwarić. Přiwšěm pak chcychu hosćićeljo na dobre zašłe wuslědki nawjazać.

ST Porchow – Sokoł Ralbicy/Hórki 0:4 (0:3)

Zestawa hosći: Chr. Gloxyn – Rawš, Schultz, Šewc, A. Wałda, D. Šołta, D. ­Gloxyn, B. Bejma (46. Nuk), T. Wałda (72. Ričl), T. Bejma (61. Kurjat), Domaška (72. Kunze)

Wolóženje běše po hrě pola mustwa a tež pola trenarskeho teama wulke, dokelž wopušćichu Sokoljo po pjeć poražkach zaso jónu hrajnišćo jako dobyćer. Pola tabulkoweho susoda běše pak tež cil, sej wšitke tři dypki sobu do Delan wzać.

Čorna serija doma dale šła

wutora, 25. oktobera 2022 spisane wot:

Sokoł Ralbicy/Hórki – Natwar Němske Pazlicy 1:4 (1:2)

Zestawa Sokoła: Chr. Gloxyn – Rawš, Šewc, Al. Wałda, Schultz, D. Gloxyn, ­Rachel, Matka (46. Domaška), B. Bejma, An. Wałda (67. Šołta), T. Bejma (70. Nuk)

Mustwo Natwara Němske Pazlicy steješe a steji w prěnjej třećinje tabulki wo­krjesneje wyšeje ligi. Po hórkej poražce přećiwo Großröhrsdorfej dyrbjachu so Sokoljo doma mócnje stopnjować, zo njebychu pod kolesa přišli.

Pólscy młodźi koparjo w Chrósćicach

wutora, 25. oktobera 2022 spisane wot:
Młodźi koparjo młodźinow D a E, to su dźěći mjez 7. a 10. žiwjenskim lětom, z pólskeho Namysłowa su srjedź oktobra w Chrósćicach přebywali. Zhromadnje z tamnišimi a Njebjelčanskimi dźěćimi samsneje starobneje klasy wuhrawachu sobotu na sportnišću při Jednoće mjezynarodny koparski turněr. Po napjatych a zajimawych hrach stej so w młodźinje D kaž tež w młodźinje E cyłkaj ze susodneje Pólskeje přesadźiłoj a sej rjanej pokalej wudobyłoj. Za serbskej cyłkaj běše turněr dobry test w tuchwilnej hrajnej dobje. Mjeztym su dźěćacu pólsko-serbsku koparsku wuměnu hižo třeći raz přewjedli. Styki słowjanskeju towarstwow NKS „Start“ Namysłow a SJ Chrósćicy wobsteja hižo z lěta 1984. Na tutym městnje wupraja wobdźělnicy iniciatoram a organizatoram wuměny, prezidentej SJC Jurjej Kokli a jednaćelej Tadejej Cyžej, kaž tež zamołwitemu na pólskej stronje, Mirekej Wojćakej wulki dźak za rjane sportowe dožiwjenja w Chrósćicach. Z wopytom Božeje mšě a njedźelskim wobjedom skónči so lětuša serbsko-pólska wuměna. Uwe Macka

Wuslědki (25.10.22)

wutora, 25. oktobera 2022 spisane wot:

Kopańca mužojo, krajna klasa

TSV Cossebaude –

Drohotka Ramnow1:1 (0:1)

Drježdźanski SC 1898 –

SV Wesenitztal0:1 (0:1)

Wojerowski FC –

SC Borea Drježdźany2:1 (1:1)

FV Přezjednota Niska –

Rakečanske ST6:1 (4:1)

VfB Běła Woda 1909 –

SG Weixdorf4:2 (1:0)

SJ Chrósćicy –

Radebergske ST0:0 (0:0)

FSV 1990 Nowosólc-Hródk –

BSV 68 Sebnitz6:1 (3:1)

1. SC Borea Drježdźany 9 31 : 14 20

2. TSV Rotacija Drježdźany 8 18 : 7 18

3. FV Přezjednota Niska 8 16 : 5 16

4. SJ Chrósćicy 8 14 : 3 16

5. SV Wesenitztal 7 21 : 11 15

6. Drježdźanski SC 1898 8 13 : 8 14

7. FSV 1990 Nowosólc-

Hródk 8 15 : 10 11

8. Rakečanske ST 9 19 : 23 10

9. Wojerowski FC 8 11 : 15 9

10. SG Weixdorf 8 14 : 21 8

11. VfB Běła Woda 1909 7 11 : 15 7

12. TSV Cossebaude 8 11 : 20 6

13. Drohotka Ramnow 9 16 : 23 5

14. BSV 68 Sebnitz 8 11 : 32 5

15. Radebergske ST 9 15 : 29 3

16. VfB Žitawa zg. 0 0 : 0 0

Wrota kaž zrałe nazymske płody padali

póndźela, 24. oktobera 2022 spisane wot:

Sokoł Ralbicy/Hórki – TSV Wachau 7:0 (1:0)

Zestawa domjacych: Chr. Gloxyn – Matka, An. Wałda, Schultz, Šewc (63. Korjeńk), Domaschka (68. Rawš), Al. Wałda, Hrjehor, Šołta, D. Gloxyn (68. Kunze), ­­­­T. Bejma (63. Nuk)

Nazymu je jasne, zo sadowe štomy jich płody padać dadźa, ale zo přihladowarjo w Stadionje přećelstwa hnydom sydom wrotow wobjuskać smědźa, je njewšě­dne. Hosćo z Wachauwa stejachu jenož městno za Sokołom z runja dźewjeć dypkami. Cyłk je znaty za swoju bojownosć a zasadźenje.

FC Energija Choćebuz – Viktoria Berlin 2:1 (1:1)

Zestawa Energije: Bethke – Hasse, Hildebrandt, Slamar, Borgmann – Kujović ­­­(69. Eisenhuth), Hofmann, Oesterhelweg (69. Abu-Alfa) – Badu (77. Juckel), Hottmann, Wähling 

 

wrota: 1:0 Jonas Hildebrandt (9.), 1:1 Phil Harres (41.), 2:1 Malcolm Badu (75.)

Widźał,słyšał, napisał (24.10.22)

póndźela, 24. oktobera 2022 spisane wot:

Awtor dźensa

Jan Hrjehor

Sport (21.10.22)

pjatk, 21. oktobera 2022 spisane wot:

Serbski derby na kermuši

Runje na Chróšćanskej kermuši dyrbja Njebjelčanscy koparjo k serbskemu derbyjej w Chrósćicach nastupić. Posledni wokrjesneje ligi njeje mjenujcy hišće žanu wot dotalnych wosom hrow dobyć móhł. To samsne płaći za cyłk Radebergskeho ST w krajnej klasy. Tež wón hraje njedźelu pola prěnjeho mustwa SJC, kotrež je hišće njeporažene. Před ćežkim nadawkom steja tež Radworscy koparjo, do Radworja přijědźe mjenujcy mustwo Natwara Němske Pazlicy, druhi wokrjesneje wyšeje ligi.

22.10. 13:00 FC Energija Choćebuz –

  FC Viktoria 1889 Berlin

22.10. 14:00 Jednota Kamjenc –

  FSV Motor Marienberg

22.10. 15:00 Módro-běli Kulow –

  Póst Germania Budyšin

23.10. 11:30 HZ Ralbicy II/Njebjel-

  čicy II – HZ Mały Wosyk/

  Pančicy II

23.10. 12:30 SJ Chrósćicy II –

  SJ Njebjelčicy

23.10. 14:00 Sokoł Ralbicy/Hórki –

  TSV Wachau

23.10. 14:00 ST Marijina hwězda –

  Zeleno-běli Sepicy

23.10. 15:00 ST Radwor –

  Natwar Němske Pazlicy

23.10. 15:00 SJ Chrósćicy –

  Radebergske ST

Pinčnej duelej za Liški

nawěšk

nowostki LND