Šulu wuběrnje zastupowali – finale misnyli
Skupina šulerjow Serbskeje zakładneje šule „Michał Hórnik“ Worklecy je so na wubědźowanju „Młodźina trenuje za olympiju“ w Kinsporku wobdźěliła. Hólcy 3. a 4. lětnika pod nawodom trenarja Tadeja Cyža docpěchu w regionalnym finalu jara dobre 3. městno. Cyłkownje wosom šulow je so na turněrje wobdźěliło. Mustwo z Worklec zestaji so z wrotarjom a 7 pólnych hrajerjow.
W předkole nastupichu Worklečenjo přećiwo šulam z Großnaundorfa, Wachauwa a Ottendorfa-Okrille. Přesadźichu so jasnje z dźewjeć dypkami a wrotowym poměrom 8:0 a so za połfinale kwalifikowachu.
W połfinalu bě zakładna šula Radeberg-juh wočakowany sylny kontrahent. Worklečenjo běchu wot započatka sem trochu hektiscy a tuž so šulerjo z Radeberga w optisce wurunanej hrě na kóncu jasnje z 4:1 přesadźichu. Po krótkim přesłapjenju pak so serbscy koparjo zaso na hru wo 3. městno koncentrowachu, wšako chcychu sebi na kóždy pad bronzowu medalju wudobyć.
Jeničke wrota finale rozsudźili
Sokoł Ralbicy/Hórki –
Biskopičanske KT II 0:1 (0:0)
Zestawa domjacych: Chr. Gloxyn – An. Wałda, Al. Wałda, Schultz, M. Matka, Šewc, D. Gloxyn, D. Šołta, Rachela (89. Kř. Matka), Korjeńk (78. Šiman), Domaška (78. Bejmak)
Najlěpše wuměnjenja wočakowachu koparjow Sokoła Ralbicy/Hórki a druheho zastupnistwa z Biskopic sobotu nawječor w Rakecach, jako wojowachu tam w finalu wo wokrjesny pokal. Zo njebudźe to lochka naležnosć, bě wšitkim jasne, wšako běchu Biskopičenjo do hry faworit na titul. Trenar Tomaš Henčl njebě přitomny, dokelž bě hižo dołho lěćny dowol planował. Za njeho přewza kotrenar Matijas Šnajder při liniji.
Radworčenjo pokal zakitowali
Třeći wolejbulowy turněr serbskich wólnočasnych mustwow w tutym lěće skónči so w sportowni SŠZC Budyšin z dobyćom cyłka ST Radwor 1922 před pedagogami tamnišeho Serbskeho gymnazija.
Třeća stacija wólnočasnych wolejbulowych turněrow serije „top-šěsć“ lěta 2023 wotměwa so spočatk junija w sportowni Serbskeho šulskeho a zetkawanskeho centruma (SŠZC) Budyšin, hdźež hrajachu sydom cyłkow 11. raz wo pokal Spěchowanskeho towarstwa Serbskeho gymnazija Budyšin (SGB). Mustwje z Kulowa a Worklec sčasom wotprajištej a tak zaskočichu wučerjo z Ralbic a dwanatkarjo SGB.
Wubranka w Ralbicach hrała
Z dobyćom do přestawki
SJ Chrósćicy –
VfB Běła Woda 4:2 (3:0)
Zestawa domjacych: Králíček (46. Škoda) – Mark, M. Zahrodnik, Kreuz, Matješk (60. Rätze), L. Zahrodnik, Młynk (46. Wencl), G. Zahrodnik, Matik (46. Mützner), Bogusz, Krawc
Poslednju hru sezony wuhrachu Chróšćenjo na domjacym trawniku přećiwo cyłkej z Běłeje Wody. Wobě koparskej zastupnistwje móžeštej sej hižo dočasnje zdźerženje krajneje klasy zaručić. Přiwšěm pak chcychu so domjacy po štyrjoch poražkach z dobrym rezultatom do přestawki rozžohnować.
Hra za SJC wuběrnje startowaše. Hižo w druhej mjeńšinje ležeše bul prěni króć w saku hosći. Třělwa Michała Młynka z 25 metrow padny wyše wrotarja do klětki. Domjacy po tym na dalše wrota tłóčachu. Tola Pawl Krawc njezamó třělwu we wrotach zaměstnić. Dołho pak přiwisnicy SJC na dalše wrota nječakachu. Po tym, zo bě so Krawc přez prawe křidło derje přesadźił, posłuži nadběhowanskeho partnera Jana Bogusza. Tón z krótkeje distancy k 2:0 zwyši (20.). W 30. min. padnje 3:0. Po přihrawce Klemensa Marka so Krawc do šěsnatki předrě a lesćiwje kulowatu kožu do klětki suny. Wot hosći njebě w prěnjej połojcy hry wjele widźeć.
Wuslědki (27.06.23)
Kopańca, krajna klasa
SJ Chrósćicy – Běła Woda 4:2 (3:0)
1. SC Borea Drježdźany 28 98 : 26 72
2. FV Přezjednota Niska 28 98 : 25 71
3. TSV Rotacija Drježdźany 28 58 : 31 59
4. FSV Nowosólc-Hródk 28 53 : 38 48
5. Wojerowski FC 28 50 : 43 37
6. Drježdźanski SC 28 46 : 49 37
7. Rakečanske ST 28 51 : 57 35
8. VfB Běła Woda 28 51 : 73 35
9. SJ Chrósćicy 28 41 : 42 33
10. Radebergerske ST 28 49 : 75 33
11. TSV Cossebaude 28 56 : 66 31
12. SV Wesenitzal 28 49 : 65 30
13. BSV Sebnitz 28 39 : 89 28
14. SG Weixdorf 28 39 : 65 26
15. Drohotka Ramnow 28 47 : 81 15
30. duel w kopańcy na Serbskim gymnaziju
Wučerjo jubilejny duel přećiwo dwanatkarjam dobyli
Serbski gymnazij wučerjo –
Serbski gymnazij maturanća 6:2 (4:2)
Na poslednim šulskim dnju dwanatkarjow wotmě so na sportnišću Serbskeho šulskeho a zetkawanskeho centruma Budyšin (SŠZC) jubilejny 30. koparski duel muskeje generacije. Při rjanym słónčnym wjedrje dobychu wučerjo po dwójce 15 mjeńšinach hrajneho časa přećiwo swojim maturantam ze 6:2.
„Sto lět sport w Delanach“
Wot pjatka, 30. junija, do njedźele, 2. julija, změja w Ralbicach jubilejny sportowy kónc tydźenja „100 lět sport w Delanach“. Zamołwići wokoło předsydy Sokoła Ralbicy/Hórki Dierka Šewca su w zašłym lěće za wšitke tři dny wobšěrny program zestajili.
Pjatk, 30. junija
16:00 koparski turněr bambinijow
17:00 Serbska wubranka –
Sokoł Ral./Hór. (mł. D)
18:00 koparski turněr starych knjezow
18:00 blidotenisowy turněr
DJK Konjecy
18:00 witanje sportowych přećelow
z Čěskeje
21:00 mytowanje a diskoteka
Sobotu, 1. julija
09:00 koparski turněr młodźiny E
11:30 koparski turněr młodźiny D
14:30 Sokoł Ralbicy –
TJ Sokoł Spálené Poříčí
14:30 bičwolejbulowy turněr
14:30 turněr tradiciskich mustwow
z Ralbic, Njebjelčic a Hórkow
18:00 nyšpor před stadionom
19:23 bal Sokołkow a Sokołow
21:00 Highlife-diskoteka
Njedźelu, 2. julija
10:00 rańše piwko ze Serbskim
rozhłosom a live-hudźbu
„Fünf an der Feier“,
wobjed a rozžohnowanje
čěskich přećelow
10:30 koparski turněr młodźiny F
13:30 koparski turněr ze Serbskim
mustwom muži
17:00 hra Biskopičanskich koparkow
Jurij Bjeńš
Widźał, słyšał, napisał (26.06.23)
Awtor dźensa
André Strelow
Kónc tydźenja wojowachu Ralbicy a Biskopicy w finalu wokrjesneho pokala wo titl dobyćerja. W fantastisce přihotowanym hrajnišću w Rakecach wobhladachu sej wjacore sta přihladowarjow, mjez nimi mnozy Ralbičanscy fanojo, tutu kónčnu hru. Hrajersce pak njebě to najlěpši wukon wot wobeju mustwow. Na kóždy pad měješe mustwo z Biskopic lěpši wukónc porno zwjetša słabšim Ralbičenam. Partija je so hłownje w srjedźnym polu wotměła. Přećiwnik Sokoła spyta swoju hrajersku lěpšinu wuhrać, zwjetša pak bě před šěsnatku kónc. Škit wokoło Aleksandera Wałdu a Andyja Schulza porjadnje napřemo dźeržeše. Zmylk w Ralbičanskim zadnim mustwje wjedźeše potom běrtlk hodźiny do kónca k złotym wrotam dnja. Při tym bychu Ralbicy přez Dawida Šołtu nawjedować móhli, haj dyrbjeli. Dospołnje swobodnje stejo wuwostaji wón stoprocentowu šansu, škoda. Štó wě, kak by hra po Ralbičanskim nawjedowanju wotběžała. Naspomnić dyrbitej so čerwjenej karće za Sokołow, a zo dyrbjachu bjez trenarja Tomaša Henčla wuńć.
Sport (23.06.23)
Sokoljo w kónčnej hrě
Prěnje koparske mustwo Sokoła Ralbicy/Hórki hraje jutře w Rakecach w finalu wo wokrjesny pokal přećiwo druhemu mustwu Biskopičanskeho KT. Zakop budźe w 17.30 hodź. Nimo pokalneje partije přewjedźe Zapadołužiski koparski zwjazk (WFV) w Rakecach hišće dalše finalne duele. Prěnje koparske mustwo Dynama Drježdźany přijědźe njedźelu na přećelsku hru přećiwo tamnišemu prěnjemu koparskemu zastupnistwu.
24.06. 10:00 HT Ottendorf –
ST Horni kraj (młodź. B)
24.06. 17:30 Sokoł Ralbicy/Hórki –
Biskopičanske KT II
25.06. 12:00 HZ Rakecy –
TSV Połčnica (młodź. A)
25.06. 15:30 Rakečanske ST –
Dynamo Drježdźany
Poslednjej dypkowej hrě
Rakečanske prěnje mustwo wočakuje načolnika SC Boreju Drježdźany. A do Chrósćic přijědźe mustwo z Běłeje Wody.
24.06. 15:00 Rakečanske ST –
SC Borea Drježdźany
24.06. 15:00 SJ Chrósćicy –
VfB Běła Woda
Ministrantska kopańca
Ministrantki a ministranća ze wšitkich serbskich wosadow njech njezabudu jutře rano nimo kopačkow, škitačkow a sportoweje drasty na wosadnik. Po zhromadnej Božej mši w Pěskečanskej kapałce w 9 hodź., započnje so bulkopanje w tamnišim stadionje wokoło 10 hodź.
