Druhi kónc tydźenja w juniju steji hižo wjacore lěta kruće w terminowej protyce serbskich wutrajnostnych sportowcow. Moritzburgski hrodowy triatlon přićahuje lěto wob lěto z přikładnej organizaciju a bajkojtej kulisu wjace hač tysac wobdźělnikow. Mjez nimi su profije runje tak kaž składnostni/ludowi sportowcy. Lětsa běchu so tež štyrjo Serbja za wšelake čary zapisali, bohužel pak njemóžeštaj dwaj z nich ze strowotnych přičin nastupić. Tak zwostaštaj Beno Šołta a Marian Žur z tri-teama-serbja, kotrajž startowaštaj na olympiskej distancy. Po płuwanju přez 1,5 km po hrodowym haće chwataštaj wobaj po něhdźe 28 minutach k swojimaj kolesomaj. Tež po 40 km teptanja do pedalow, za kotrež trjebaštaj něhdźe 1:09 h., běštaj wobaj hišće poměrnje blisko hromadźe. Do cila doběža Beno jako cyłkownje 60. (16. pola 30- 34lětnych) w 2:21:28 h. Tež Marian zamó so w běhu polěpšić, štož woznamjenješe na kóncu městno 80 (11. w MK40-44) w času 2:24:32 h. Michał Nuk

Lille. Po randalach do, srjedź a po skupinskej hrě Jendźelska–Ruska je europski koparski zwjazk UEFA woběmaj krajnymaj koparskimaj zwjazkomaj hrozył, zo jej po wospjetnych wukročenjach z turněra wuzamknje. Za ruski cyłk by tale sankcija po wčerawšej poražce 1:2 móhło njetrjebawša być, wšako njejsu šansy k docpěću wosmifinala nětko runjewon najlěpše. Wočakowane randale drje wuwostachu, za to pak pokaza ruska wubranka słaby wukon. W 32. mjeńšinje bě Vladimir Weiss dołhu flanku k 1:0 přetworił a krótko do połčasa bě zawěsće cyła Słowakska z konopeja abo stólca skočiła, jako Marek Hamsík po dalšim róžku z krasnymi wrotami na 2:0 (45.) zwyši. Čestne wrota Denisa Glushakova 10 mjeńšin do kónca stachu so přepozdźe, dokelž njemějachu Rusojo hižo mocow dosć, na 2:2 wurunać.

Wokrjesna koparska liga, stafla III

Marijina hwězda – Großdrebnitz 7:1 (2:1)

Haselbachtal – Njebjelčicy 0:4 (0:1)

1. Ottendorf/Liegau 25 65  : 23 62

2. Frankenthal 25 71  : 35 58

3. Großnaundorf 25 71  : 32 52

4. Arnsdorf 25 59  : 27 45

5. Njebjelčicy 26 54  : 36 44

6. Großröhrsdorf II 26 44  : 34 43

7. Marijina hwězda 25 77  : 47 42

8. Haselbachtal 26 53  : 61 38

9. Sepicy 25 67  : 64 35

10. Němske Pazlicy 25 46  : 51 33

SJ Chrósćicy

– ST Motor Kumwałd 5:2 (3:1)

Zestawa domjacych: Králíček – Šiman, Cyž, Šafář, Bětnar (59. Pöpel), Žur, Runt, Domaška (70. Schulze), Młynk (46. Dehn), Šmit, Věchet