Lětsa wotmě so hižo 25. jubilejne a jara naročne běhanske wubědźowanje z Wjazońcy na a po 589 metrow wysokej horje Sokolnik. Triatlonowe towarstwo Sokolnika je běh ze 160 sportowcami organizowało. Distancy běchu 1/2,5/5 a 11 kilometrow. Tři štwórćiny atletow startowachu na najdlěšimaj čaromaj. Aktiwni běchu z cyłeje Hornjeje Łužicy, z Drježdźan, Pirny a šěsć dalšich městow Sakskeje. Na distancy 11 km wobdźěli so samo pjeć běharjow z čěskeho kluba ASK Děčín. Na 1 a 2,5 km wubědźowachu so młódši kaž tež starši šulerjo. Běhi hódnoćachu so za rjadnu lisćinu Wopačanski cup běharjow.

Cyłkownaj dobyćerjej na 5 km, kotrež wjedźechu nimale hač na wjeršk Sokolnika, běštaj Naike Falk ze Žitawy (27:41 min.) a André Dutschmann z Hornjeje Hórki (23:02 min.). Na tejle distancy wobsadźi Jurij Nuk z Budyšina 2. městno (48:48 min.) w skupinje 80-84 lět.

Koparskej mustwje Sokoła Ralbicy/Hórki a Sportoweje jednotki Chrósćicy stej finale wo­krjesneho pokala docpěłoj. Fanojo předewšěm łužisko-serbskeje kopańcy, a tych je tójšto, móža so tuž na napjaty serbski derby wjeselić. Škoda jenož, zo wuhraja partiju runje tón dźeń, hdyž zahaja w Južnym Tirolu dalši koparski wjeršk, mjenujcy 3. europaeadu. Zo so dwě serbskej mu­stwje, kotrejž matej zdobom wulki dźěl wubranki muži zaručić, hač do finala pokala předrějetej, z tym mnozy ličili njeběchu. Přiwšěm njeměli zabyć, a to staj tež zamołwitaj mustwow rjekłoj, zo stej wobaj cyłkaj nastupiłoj, zo byštej dobyłoj. Nimo toho bě termin hižo dlěši čas znaty. Mam tuž prócu, rozrisanje na dobro wšěch nańć a pokalny duel njepřestorčić, za dobru a fairnu gestu. Wšako stej wobě naležnosći wažnej, a mužojo serbskeje wubranki dyrbja dźě hakle njedźelu nawječor w Ahrntalu prěni raz na trawnik. Janek Wowčer

Regionalna koparska liga

Halberstadt – Auerbach 2:3 (0:2)

Nordhausen – Luckenwalde 1:3 (1:2)

Neustrelitz – Rathenow 3:1 (2:1)

Hertha BSC II – Budissa Budyšin 1:2 (1:0)

Berlinski AK – Meuselwitz 3:1 (1:1)

RB Lipsk II – FC Viktoria 1:0 (1:0)

Neugersdorf v BFC Dynamo 2:4 (1:2)

Babelsberg 03 – Schönberg 3:0 (3:0)

Zwickau – Jena2:0 (1:0)

1.Zwickau 33 75  : 30 74

2.Berlinski AK 33 65  : 21 74

3.Nordhausen 33 57  : 39 58

4.BFC Dynamo 33 64  : 48 55

5.Neugersdorf 33 52  : 43 54

6.Babelsberg 03 33 49  : 29 52

7.Auerbach 33 52  : 42 50

8.Jena 33 38  : 31 50

9.Neustrelitz 33 49  : 42 48

10.Hertha BSC II 33 50  : 54 48

11.RB Lipsk II 33 48  : 46 44

12.Budissa Budyšin 33 45  : 44 37

13.Schönberg 33 37  : 50 36

14.FC Viktoria 33 43  : 62 35

15.Meuselwitz 33 32  : 58 34

16.Luckenwalde 33 33  : 76 29

17.Halberstadt 33 37  : 75 23

18.Rathenow 33 28  : 64 19

Cyłkownje wosom mustwow bě sej wčera popołdnju na tradicionalny koparski turněr do Pěskec dojěło. Hrajny modus běše podobny kaž minjene lěta. Hrali su w dwěmaj staflomaj, najlěpše mustwo skupiny A nastupi po předkole w finalu přećiwo prěnjemu ze skupiny B. Wjedrowe wuhlady drje njeběchu wčera najlěpše. „Typiske aprylske“, bě najčasćišo słyšeć. Hdys a hdys so tak w stadionje „K dźiwjemu swinjeću“ kapotaše, na to so zaso słónco pokaza. Prjed hač prěnju hru zahwizdachu, spominachu koparjo na zemrěteho Pěskečanskeho koparja a wjesnjana Alfonsa Mjechelu.