Argentinska finale lětstotka dobyła

póndźela, 19. decembera 2022 spisane wot:
Koparskej wubrance Argentinskeje a Francoskeje postaraštej so wčera wo jedyn z najbóle napjatych finalow w stawiznach swětoweho mišterstwa. Po 3:3 w 120 mjeńšinach přewinychu Južnoameričenjo Francosku hakle w třělenju jědnatkow. Lionel Messi krónuje z tym swoju karjeru z titulom pola WM. 35lětny bě sylnych Argentinjanow z jědnatku k nawjedowanju wjedł (23.). Krasnje přez Messija a Mac Allistera wuhraty konter přetwori Di María při dołhej žerdźi k 2:0 (36.). Argentinska měješe dołho wšitko w ruce, wot Francoskeje přińdźe w ofensiwje mało. Jako bě partija nimale hižo rozsudźena, docpě Kylian Mbappé najprjedy přez jědnatku přizamknjenske wrota (80.) a dwě mjeńšinje pozdźišo samo hru hišće wuruna. 2:2 bě zdobom kónčny staw po regularnym hrajnym času. W podlěšenju trjechi potom zaso Messi (109.), prjedy hač Mbappé dwě mjeńšinje do kónca znowa přez kop z jědnaće metrow wuruna. Finale swětoweho mišterstwa móžeše so jenož hišće w třělenju jědnatkow rozsudźić. Superstaraj činještaj započatk. Najprjedy bě to Mbappé, kotryž Emiliana Martíneza ­přewiny, potom Messi přećiwo Hugo ­Llorisej wuruna.

Prěnjej dypkaj za Sokoł Budyšin

póndźela, 19. decembera 2022 spisane wot:

Wolejbulowe mustwo Sokoła Budyšin měješe spočatk a srjedź hodownika swój druhi respektiwnje třeći hrajny dźeń we wokrjesnej klasy, stafla wuchod. W njesměrnje harowatej a zymnej hali w Słónkecach běštej towarstwje z Hnašec-Dobruše a Schönbacha přećiwnikaj. Prěnju hru doby domjace mustwo z Hnašec přećiwo Schönbachskemu z 2:0. Po tym witachu hosćićeljo Sokołow na hrajnišćo. W prěnjej sadźbje mějachu hrajerjo z města hišće z halowymi wuměnjenjemi činić, hrajachu njekoncentrowani a zwrěšćichu přeco zaso z nadaćemi. Sadźba skónči so z 25:16. Druhi přechod bě lěpši, tak zo měješe serbske mustwo dołho nadźiju na dobyće. Ale na kóncu tež tu njekoncentrowanosće, na přikład w bloku, napřećo wuspěchej dźěłachu. Sadźba skónči so z 25:21 za Hnašecy-Dobrušu.

Widźał,słyšał, napisał (19.12.22)

póndźela, 19. decembera 2022 spisane wot:

Awtor dźensa

André Strelow

Cirkus koparskeho swětowyeho mišterstwa je so wčera zakónčił. Finale w Katarje bě dramatiske, drje najlěpše wšěch kónčnych hrow, kotryž sym hdy widźał. Superstaraj Messi a Mba­ppé poskićištaj fantastisku partiju. Z wothwizdanjom finala skónči so runočasnje najdwělomniše swětowe mišterstwo w stawiznach kopańcy. Plan organizatorow je so zešlachćił. Rjane wobrazy rjanych stadijow, horliwych fanow, a to předewšěm z Argentinskeje a Marokka, su wulki zaćišć zawostajili. Wjace hač 200 miliardow eurow je Katar płaćić dyrbjał, zo by wuměnjenja za štyri perfektne tydźenje wutworił. Mjenje hač dźesać procentow toho běchu dotalni hosćićeljo jedneje WM zapłaćili, kajka to błudnosć. Dawaše pak tež ludźi, kotřiž w t-shirtach z barbami tučele chodźachu. „Women. Life­. Freedom“ (žony, žiwjenje, swoboda) steješe na trikotach ludźi, kotřiž protestowachu za zmužite žony w Iranje a přećiwo mordarskemu režimej. Bohužel pak rady widźane njeběchu. Nošerjo buchu wot policije rigoroznje chłostani.

Sport (16.12.22)

pjatk, 16. decembera 2022 spisane wot:

Budźe so hrać?

Hladajo na špatne poměry steji před přewjedźenjom kóždeje koparskeje hry wulki prašak. Wažne je, zo so do toho hišće raz w socialnych syćach informujeće.

17.12.  13:00  Biskopičanske KT –

  VfB Kśišow

17.12.  13:00  Budissa Budyšin –

  SV Westerhausen

18.12.  13:00  FC Energija Choćebuz –

  BSG Chemija Lipsk

18.12.  13:00  ST Radwor –

  ST Horni kraj-Sprjewja

Serbska wubranka trenuje

Serbska koparska wubranka młodźiny D trenuje póndźelu wot 16 hodź. do 17.30 hodź. we Worklečanskej sportowej hali. Tam přihotuje so wona na januarski halowy koparski turněr w Mišnu.

Wolejbulowy turněr PAWKa

Serbske młodźinske towarstwo PAWK wuhotuje pjatk, 23.12., zaso swój tradicionalny wolejbulowy turněr, a to w sportowej hali w Radworju. Přizjewjenja su na Facebookstronje PAWKA móžne abo na Instagram. Maksimalnje 12 cyłkow smě sobu hrać, w kóždym mustwje smětaj jenož dwaj aktwinej wolejbulistaj zasadźenaj być. Turněr započnje so we 18 hodź., hala je wot 17 hodź. wotewrjena a jeli so mustwo hač do 17.30 hodź. přizjewiło njeje, smě narunanski cyłk nastupić. Startowy pjenjez wučinja 10 €.

Wotběhanje hodowneje husycy

Sokoljo hru njetrjebawšo z rukow dali

štwórtk, 15. decembera 2022 spisane wot:

Sokoł Ralbicy/Hórki –

ST Hnašecy/Dobruša 0:3 (0:0)

zestawa domjacych: Ch. Gloxyn – Matka, An. Wałda (84. Kurjat), Šewc, Domaška, Al. Wałda, Nuk (59. Bejmak), Šołta, D. Gloxyn, Bejma, Rachela

Hra wotmě so na zasněženym twjerdym hrajnišću. Tam pak hodźeše so najebać toho dosć derje hrać. Jeničce linije běchu ćežko spóznajomne, štož pak sudnik za problem njeměješe. Prěnje mjeńšiny Sokoljo zaspachu. Hósć běše sej wjele předewzał. Po tutej fazy pak mějachu Ralbičenjo prěnju wulku składnosć. Wrotar pokaza njewěstosć a druhi bul zdoby sej Stani Šewc. Wrotar pak swój zmylk zaso wuruna a třělwu wotpopadnje. Potom chabłaše hra tam a sem, ale wjele ličomneho na woběmaj bokomaj njewuskoči. Krótko do połčasa měješe Dawid Šołta dobru móžnosć, tola škitar jeho třělwu k róžkej wotblokowa. Hosćo pruwowachu w 45. min. wrotarja Christopha Gloxyna z wólnym kopom.

Francoska slěduje Argentinskej do finala

štwórtk, 15. decembera 2022 spisane wot:

60 lět njeje žadyn koparski swětowy mišter zdokonjał titul wuspěšnje zakitować. Nětko dóstanu Francozojo šansu, dźakowano dobyću 2:0 přećiwo Marokkej w połfinalu w Katarje. Jenož pjeć mjeńšin traješe, doniž faworit njenawjedowaše. Dokelž so zakitowar Jawad El Yamiq při pospyće zakitowanja nimo suny, měješe Antoine Griezmann na prawej stronje tójšto městna. Po jeho prěčnym pasu bu Kyliana Mbappéjowy kop najprjedy wotblokowany, prjedy hač Theo Hernández w druhim pospyće akrobatisce do krótkeho róžka trjechi (5.). Prěnje napřećiwne wrota w turněrje, kiž njeběchu swójske, tyknychu Marokkočenjo derje preč. Jenož krótko po 0:1 měrješe Azedine Bounahi z něhdźe 20 metrow na lěwy róžk, tola wrotar Hugo Lloris sylnje parěrowaše (10.).

Při abi-cupje druhe městno

srjeda, 14. decembera 2022 spisane wot:

Štwórty raz bě so w sportowni Powołanskošulskeho centruma Budyšin abi-cup přichodnych maturantow Sprjewineho města we wolejbulu přewjedł. Dwanatkarjo Serbskeho gymnazija Budyšin (SGB) wudobychu sej druhe a jědnatkarjo pjate městno mjez sydom měšanymi cyłkami.

Argentinska prěni finalist

srjeda, 14. decembera 2022 spisane wot:

Argentinske narodne koparske mustwo steji po wuspěchu 3:0 nad Chorwatskej w finalu swětowych mišterstwow (WM) w Katarje. W spočatnej fazy wuhra sej Chorwatska wčera wječor drje jasne lěpšiny, dokelž měješe dlěje bul w swojich rjadach, traješe pak 25 mjeńšin hač do prěnjeje třělwy na wrota w stadionje ­Lusail, a tu mějachu Argentinjenjo. Na to so hra zaso tróšku změrowa a kaž z ničeho bu nadobo strašne. Při dołhim bulu Fernándeza chorwatski nutřkowny škitar Dejan Lovren njekedźbowaše, a za Juliána Álvareza wotewri so dźěra. Jako nadběhowar Manchester City bul nimo Livakovića zběhny, přinjese tutón jeho k padnjenju. Sudnik Daniele Orsato pokaza hnydom na pokutny dypk, kapitan Lionel Messi zapali kop z twjerdej třělwu naprawo horjeka do wrotow (34.).

Wuslědki (14.12.22)

srjeda, 14. decembera 2022 spisane wot:

kopańca, krajna klasa

1. SC Borea Drježdźany 14 47 : 15 35

2. FV Přezjednota Niska 13 44 : 11 31

3. TSV Rotacija Drježdźany 14 30 : 15 31

4. SJ Chrósćicy 14 21 : 13 21

5. FSV Nowosolc-Hrodk 13 28 : 19 19

6. Drježdźanski SC 1898 14 21 : 19 19

7. SG Weixdorf 14 27 : 30 18

8. VfB Běła Woda  14 29 : 34 18

9. Rakečanske ST 13 25 : 32 16

10. SV Wesenitzal 12 26 : 27 15

11. Wojerowski FC 14 24 : 25 15

12. TSV Cossebaude 14 24 : 34 13

13. Radebergerske ST 14 27 : 46 13

14. Drohotka Ramnow 13 23 : 39 8

15. BSV Sebnitz 14 17 : 54 8

16. VfB Žitawa zg. 0 0 : 0 0

krajna liga

Jed. Kamjenc – Radefelder SV 0:0 (0:0)

1. FSV Motor Marienberg 16 40 : 18 39

2. Großenhainski FV  16 33 : 10 36

3. SSV Markranstädt 16 42 : 12 34

4. SG Rjemj. Rabenstein 17 31 : 21 33

5. SG Taucha  15 30 : 13 32

6. Radebeulski BC  17 38 : 29 32

7. VfB Empor Glauchau 16 31 : 19 29

8. Drježdźany Laubegast 16 40 : 30 24

9. VfB Fortuna Kamjenica 17 32 : 30 24

10. Radefelder SV 16 29 : 29 21

11. Jednota Kamjenc 17 20 : 30 20

Póńdu do zymskeje přestawki

wutora, 13. decembera 2022 spisane wot:

Prěnja połserija sezony 2022/2023 krajneje klasy wuchod je nimo a prěnje mustwo SJ Chrósćicy steji tučasnje na štwórtym městnje. Po swojich 14 hrach su Chróšćenjo cyłkownje pjeć króć dobyli, pjeć króć njerozsudne hrali a trójce přěhrali. Zdobom tworja woni druhi najlěpši škit ligi. Sportowa redakcija Serbskich Nowin je so z trenarjom Pavelom Runtom a z hrajerjom Maksimilianom Zahrodnikom wo přičinach za dotalny wuspěch, kaž tež zaměrach do přichoda rozmołwjała.

Knježe Runto, kotry cil sće sebi z mustwom za hrajnu dobu 2022/2023 stajił?

P. Runt: Kaž kóždu sezonu bě tež lětsa zaso cyle jasny cil ligu dźeržeć, w kotrejž mjez tym hižo sydom lět dołho hrajemy.

Što běchu wusahowace přičiny za to, zo sće lětsa tak derje do sezony startowali?

P. Runt: Za najwažniši rozdźěl mam, zo so nětko wjace hrajerjow na woběmaj treningowymaj dnomaj wobdźěla. To je wězo z toho wida wažne, zo móžemy so tak lěpje na dypkowe hry přihotować. Zdobom móžemy potom wězo tež kmańšo wšelake taktiske předewzaća přerěčeć a hrajne formy zwučować.

Sće něšto na hrajnym systemje změnili?

nawěšk

nowostki LND