Tabulkoweho susoda porazyli

srjeda, 17. junija 2015
artikl hódnoćić
(0 )

Póst Germania Budyšin

– Sokoł Ralbicy/Hórki 0:5 (0:2)

Zestawa hosći: Gloxyn – M. Matka (27. von Köding), Kř. Matka (73. Wowčerk), Korjeńk, Lulak, Bjeńš, Šołta, Schulz, Wałda, Kurjat (64. G. Čórlich), Domaška

Z dobyćom pola Pósta Germanije w Budyšinje bychu so koparjo Sokoła Ralbicy/Hórki wo jedne městno w ta­­bulce polěpšili. W prěnich dźesać mjeń­­šinach přewostajichu woni jednanje domja­cym, kotřiž so wočiwidnje próco­wachu, ale bjez rozsudnych akcentow. Najprjedy Křesćan Matka dobry nadběh k róžkej wotwobara. Kaminski za Germaniju bul do šěs­natki kopny, a tón pras­ny do žerdźe – Matka pak by na městnje był. Prěni nadběh Sokoła běše hnydom wuspěch. Wałda jón přez prawy bok za­haji. Šołta přihra bul Kurjatej, kiž pósła Domašku preciznje na puć. A tón rjanu kom­binaciju k 0:1 zakónči. Dwě mjeńšinje pozdźišo zleća Gloxynowy wotkop daloko do pře­ćiwniskeje połojcy. Doma­ška wottam kulowatu kožu k 0:2 do wrotow smokny. Krótko do změny móhł Kurjat­ wuslědk dale zwyšić. Sam před wrotarjom pak njezamó jeho pře­winyć. Na tamnym boku Gloxyn Hans­pachowy po­spyt­ do łaty storči.

wozjewjene w: Sport
Prošu přizjewće so, chceće-li komentar podać

słowo lěta 2022

nawěšk

nowostki LND