Rjana gesta Biskopičanskich hrajerjow

wutora, 14. julija 2015
artikl hódnoćić
(0 )
Ze serbskim postrowom přeja sobuhrajerjo Biskopičanskeho sportoweho towarstwa Antoniusej Škodźe dobre polěpšenje.  Foto: Clemens Škoda Ze serbskim postrowom přeja sobuhrajerjo Biskopičanskeho sportoweho towarstwa Antoniusej Škodźe dobre polěpšenje. Foto: Clemens Škoda

Njedawno hakle rozprawjachu Serbske Nowiny wo njerjanych scenach w koparskim pokalnym finalu A-młodostnych mjez ST Radworjom/Wulkej Dubrawu a FC Łužicu Wojerecy. Tam běchu přiwisnicy přećiwnika na Radworskich koparjow najwótriše antiserbske parole bjakali. Zo pak tež nawopak dźe, dopokazuje tónle wobraz. Tu přeja koparjo druheho mustwa Biskopičanskeho towarstwa serbskemu sobuhrajerjej Antoniusej Škodźe z Wotrowa dobre polěpšenje. Byrnjež w mustwje ani jenički druhi Serb sobu njehrał, napisachu koparjo Antoniusej strowotniske přeća w serbskej rěči na plakat a pokazachu jón do poslednjeje hry přećiwo Wojerecam. Tale chwalbyhódna akcija je dopokaz, zo eksistuje tež akceptanca a sympatija serbskim hrajerjam a mustwam napřećo a zo nimaja antiserbske parole na našich łužiskich hrajnišćach žane městno.

wozjewjene w: Sport
Prošu přizjewće so, chceće-li komentar podać

nawěšk

  • SERBSKE NOWINY – Wědźeć, što so stawa! –

Ze swjedźenskim kóncom tydźenja su njedawno w Slepom 9. mjezynarodny festiwal dudakow a zdobom 750. róčnicu wobstaća wsy hódnje woswjećili. Jako mały přikusk k rozprawnistwu podawamy zajimowanym čitarjam SN-o

nowostki LND