Mustwo Dwójna nula zaso dobyło

srjeda, 29. julija 2015
artikl hódnoćić
(0 )
Njewšědnje wjele volleyballowych cyłkow wobdźěla so tuchwilu na beachvolley ballowej turje młodźinskeho sćelaka Radija Satkula. Foto: Clemens Šmit Njewšědnje wjele volleyballowych cyłkow wobdźěla so tuchwilu na beachvolley ballowej turje młodźinskeho sćelaka Radija Satkula. Foto: Clemens Šmit

Satkula-beachvolleyball w Hórkach

Cyłkownje jědnaće mustwow je so póndźelu na 4. etapje lětušeje beachvolleyballoweje tury Radija Satkula w Hórkach wobdźěliło. W stafli A wojowachu Nukničenjo, Dwójna nula z Pančic, mustwo Nětkonic, Hózkowčenjo a Dźiće domoj. W stafli B běchu to cyłki z Konjec/Šu­nowa, mustwo Twarnišćo, Granit Hórki, Team Satkula a Punjab Tigers.

Wjedro drje njebě runjewon optimalne, wšako so často kapotaše, přiwšěm bu turněr bjez přestawki wuhraty. Po předkole steještej sej w małym finalu mu­stwje Granit Hórki a Dźiće domoj na­přećo. Domjacy mały krimi snadnje přěhrachu. Wulke finale běše duel mjez Dwójnej nulu a Twarnišćom. 15:9 rěkaše kónčny rezultat. Po tym zo běchu Pančičenjo hižo w Konjecach dobyli, smědźachu woni nětko tež w Hórkach juskać.

Kotre mustwo drje přichodnu etapu lětušeje beachvolleybaloweje tury do­budźe, wězo hišće wěste njeje. Najlěpje tuž, zo so přichodnu póndźelu na koleso šwiknjeće a potom horce dwuboje w Róžeńčanskim pěsku sćěhujeće.

wozjewjene w: Sport
Prošu přizjewće so, chceće-li komentar podać

Serbska debata

nowostki LND