Schrift vergrößern
Scena wupada trochu za hru bul pod sak, mužojo Viktorije Worklecy pak su volleyball hrali a wobě domjacej partiji dobyli. Na wobrazu widźimy Marcela Rjelku, Jurja Lipiča a Jana Bětnarja (wotlěwa). Foto: Clemens Šmit
Viktoria Worklecy – Módro-běli Wojerecy II 3:1 (23:25, 25:18, 25:22, 25:11)
Tribuna we Worklečanskej ćěłozwučowarni bě minjenu sobotu hač na poslednje městno wobsadźena. Volleyballisća Viktorije mějachu tam swój posledni domjacy hrajny dźeń w sezonje 2015/2016. A runje tale tribuna, kotraž postara so zhromadnje z domjacym přiwiskom znowa wo wosebitu astmosferu a kotraž toho abo tamneho přećiwnika zatraši, budźe snano po přetwarje hale mjelčiša.
Dalša sylna akcija wjedźeše wurazy wobličow a gesty Worklečanskich volleyballistow hromadźe. Wobě domjacej hrě móžachu woni dobyć a sej wicemišterstwo we wobwodnej lize zawěsćić.
