Derje hrali a přiwšěm podleželi

wutora, 22. měrca 2016
artikl hódnoćić
(0 )
Ze 34 wrotami je Dawid Jurš (při bulu, ST Marijina hwězda) najwuspěšniši třělc wšitkich třoch wokrjesnych koparskich ligow. Tež w hrě přećiwo Sepicam je rodźeny Wotrowčan zaso trjechił. Foto: Jörg Stephan Ze 34 wrotami je Dawid Jurš (při bulu, ST Marijina hwězda) najwuspěšniši třělc wšitkich třoch wokrjesnych koparskich ligow. Tež w hrě přećiwo Sepicam je rodźeny Wotrowčan zaso trjechił. Foto: Jörg Stephan

ST Marijina hwězda

– ST Sepicy 1:3 (0:1)

Zestawa domjacych: O. Schmidt – Wróbl (65. Škoda), Czapik, Łušćanski, Lipič, Pesch­mann, Pakoßnick, T. Jurš, P. Schmidt, Winkler (60. Langer), D. Jurš

Prěnju hru w Sepicach běchu klóšterscy koparjo 7:3 dobyli, štož wězo tež doma chcychu. Před 82 přihladowarjemi so cyłkaj najprjedy raz neutralizowaštaj. Tróšku njezboža mějachu domjacy w 29. min., jako prasny wólny kop Pakoßnicka ze zdalenosće 18 metrow do łaty. Z ničeho padny w 41. min. 0:1. Hnydom štyrjo Pančičanscy hrajerjo stejachu spalěr, a Sepičan Abdin so z wrotami podźakowa.

W druhim połčasu njebě za ST Marijinu hwězdu konstruktiwny hrajny natwar móžny, dokelž dźěchu hosćo agresiwnje do dwubojow. Tak spytachu Pančičenjo z dołhimi třělwami wurunanje docpěć, štož so tež poradźi. Daloki wotkop wrotarja Schmidta njedósta přećiwniski wrotar po dwuboju z Pakoßnickom pod kontrolu, a Dawid Jurš suny bul k 1:1 (70.) do wrotow. Mjez 73. a 84. min. wuwostaji hosćićel hnydom štyri móžnosće. 1:2 (86.) nasta po konteru a 1:3 (90.), dokelž bě w škiće domjacych wšo wočinjene.

wozjewjene w: Sport

Galerija

dalši wobraz (1) Jakob Pakoßnick drje skoči w tutej scenje najwyše, prěni při bulu w šěsnatce hosći pak je wrotar ze Sepic.
Prošu přizjewće so, chceće-li komentar podać

Serbska debata

nowostki LND