Serbscy běharjo so w Krakecach sylnje prezentowali

póndźela, 09. meje 2016
artikl hódnoćić
(0 )
We wobłuku Krakečanskich běhanskich wubědźowanjow je so lětsa wosebje wjele serbskich sportowčow a sportowcow wobdźěliło. Tule widźimy jich zhromadnje ze serbskim zapósłancom Sakskeho krajneho sejma Markom Šimanom (CDU, naprawo).  Foto: Michał Nuk We wobłuku Krakečanskich běhanskich wubědźowanjow je so lětsa wosebje wjele serbskich sportowčow a sportowcow wobdźěliło. Tule widźimy jich zhromadnje ze serbskim zapósłancom Sakskeho krajneho sejma Markom Šimanom (CDU, naprawo). Foto: Michał Nuk

350 běharjow a běharkow njebě so wot pochmurjeneho njebja z dešćom wottrašić dało a přichwata na 29. běh po Krakečanskich wyšinach, kotryž bě zdobom šesta stacija lětušeho Wopačanskeho běharskeho cupa.

Krakečanske towarstwo Módro-běli bě sej zaso wšu prócu dało, sportowcam přijomne wuměnjenja poskićić, byrnjež čary tónkróć trochu bóle łužate a błóćane byli hač zašłe lěta. To pak po wšěm zdaću tež dosć wulku ličbu serbskich běharjow skerje motiwowaše, kaž pokazuje nam wid do wuslědkowych lisćinow. Hižo w běhach dźěći wojowaštaj šulerjej Serbskeje zakładneje šule Budyšin Juraj Nuk (OSLV Budyšin, U10) a Elias Kummer (U12) wo cyle prědnje městna. Tak dyrbješe so Juraj na 700 m jenož jednomu sportowcej kłonić a doběhny jako druhi do cila. W slědowacym běhu na 2,1 km, hdźež startowachu šulerjo U12 a U14 zhromadnje, pokaza Elias (U12) wosebje sylny wukon. Wón zamó so přećiwo zwjetša staršej konkurency jako cyłkownje třeći (2. městno U12) wulkotnje přesadźić.

wozjewjene w: Sport
Prošu přizjewće so, chceće-li komentar podać

nawěšk

nowostki LND