„Rudi“ so zaso sam přetrjechił

wutora, 10. meje 2016
artikl hódnoćić
(0 )
Přez cyłu sezonu bě wrotar Králíček sylna zepěra w Chróšćanskim mustwje.  Foto: Clemens Šmit Přez cyłu sezonu bě wrotar Králíček sylna zepěra w Chróšćanskim mustwje. Foto: Clemens Šmit

SJ Chrósćicy

– SC Großröhrsdorf 3:1 (1:1)

Zestawa domjacych: Králíček – Šiman, Cyž, Šafář, Bětnar, Pöpel (59. Budar), Schulze, Domaška (73. Šmit), Młynk (46. Dehn), Žur, Věchet

Po tym zo běchu sej hižo w Dobruši mišterstwo zawěsćili, chcychu koparjo Sportoweje jednotki Chrósćicy minjenu njedźelu wězo tež doma dobyć. Při sylnym wětřiku, ale wulkotnym słónčnym wjedrje so woni wot wšeho spočatka na hru koncentrowachu. Tak njetraješe dołho a hižo prěni raz we wrotach přećiwnika zaklinka. Po agresiwnym nadběhu na Großröhrsdorfski škit wubědźi sej Žur bul, wotpołoži jón sobu běžacemu Věchetej, kiž jón zymnokrejnje w syći zaměstni (6.). Kajki to wulkotny zazběh! Wjeselo pak traješe jenož někotre mjeńšiny. Hižo z přichodnym nadběhom hosćo wurunachu (11.). W centrali Chróšćanow so bul zhubi, srjedźopólny hrajer njebu konsekwentnje blokowany, wostaji třoch domjacych stejo a kopny bul nisko do krótkeho kuta. Na nadběhi domjacych slědowachu tež přeco zaso strašne nadběhi hosći. Wočiwidne tež bě, zo so Chróšćanam wětřikej napřećo někotryžkuli kop nimokuli. Z 1:1 dźěše do kabiny.

wozjewjene w: Sport
Prošu přizjewće so, chceće-li komentar podać

nawěšk

nowostki LND