Ćišć zestupa přewinjeny

štwórtk, 12. meje 2016
artikl hódnoćić
(0 )
Z domjacej hru přećiwo TSG Neustrelitzej su koparjo Budissy Budyšin zestupny ćišć skónčnje přewinyli, docpěwši remis. Walther (2. wotprawa) a Rosendo (nalěwo, wobaj Budissa) staj so tule přećiwo Püttej (srjedźa) přesadźiłoj.  Foto: Torsten Zettl Z domjacej hru přećiwo TSG Neustrelitzej su koparjo Budissy Budyšin zestupny ćišć skónčnje přewinyli, docpěwši remis. Walther (2. wotprawa) a Rosendo (nalěwo, wobaj Budissa) staj so tule přećiwo Püttej (srjedźa) přesadźiłoj. Foto: Torsten Zettl

FSV Budissa Budyšin

– TSG Neustrelitz 1:1 (1:1)

Zestawa domjacych: Jakubov – Kolan, Klippel, Patka, Kral, Hausdorf, Hoßmang, Rosendo (80. Barnickel), Reher (73. Hansch), Walther, Salewski (73. Kunert)

Spěšnje ze zestupneho boja so rozžoh­nować a přećiwo Neustrelitzej po móžnosći połnje dypkować běchu sej koparjo Budissy Budyšin předewzali. Mustwo TSG pak pokaza jara dobry wukon. Hižo zahe bu Budyski wrotar Jakubov pruwowany (5.) Wospjet pak tež wón swoju wuběrnu klasu pokaza a třělwy wotwobara. Kaž hižo často w sezonje měješe Budissa w běhu hry njelěpšiny. Najprjedy buštaj Reher a Walther w šěsnatce njefairnje zadźeržanaj (17.). Krótko po tym docpě Salewski regularne wrota (24.), kotrež pak sudniski kolektiw njepřipózna, dokelž steješe třělc wrotow pječa w nimohrě. Patce drje poradźi so 1:0 (33.) po róžku, Neustrelitz pak spěšnje wuruna (37.). Pütt, třělc tychle wrotow, měješe štyri mjeńšiny po tym dalšu wulku móžnosć. Znowa pak bě wrotar Jakubov na prawym městnje dźeržeše.

wozjewjene w: Sport
Prošu přizjewće so, chceće-li komentar podać

nawěšk

nowostki LND