Europske mišterstwa so nimale měrnje zahajili

póndźela, 13. junija 2016
artikl hódnoćić
(0 )
Zbožownu ručku měješe zwjazkowy trenar Joachim Löw (naprawo): Runje za měnjeny Bastian Schweinsteiger je 2:0 přećiwo Ukrainje třělił.  Foto: pa/Geert Vanden Wijngaert Zbožownu ručku měješe zwjazkowy trenar Joachim Löw (naprawo): Runje za měnjeny Bastian Schweinsteiger je 2:0 přećiwo Ukrainje třělił. Foto: pa/Geert Vanden Wijngaert

Lille. Němska wubranka je swoju za­zběhowu hru na 15. koparskich europskich mišterstwach wčera wječor w Lille přećiwo Ukrainje 2:0 (1:0) dobyła. Po 1:0 (18.) přez hłójčkowany bul Shkodrana Mustafija pokazowaše wšitko na to, zo so tež třeća njedźelna hra z 1:0 skónči. W 90. min. pak bu dołho zranjeny kapitan Bastian Schweinsteiger zaměnjeny, mjeńšinje pozdźišo třěli wón 2:0.

15. europske koparske mišterstwa w Francoskej traja hač do 10. julija. W za­zběhowej partiji porazychu hosćićeljo Rumunsku pjatk wječor w stadionje Stade de France 2:1. Rumunojo, kotřiž móžachu zastatk z prěnjeho połčasa wurunać, bychu sej na kóždy pad dypk za­słužili. Minutu do kónca pak postara so Dimitri Payet z kasnymi wrotami wo 2:1 (89.). Wša Francoska bě po hrě zawěsće dwójce wolóžena.

Wo njetrjebawši njeměr postarachu so na druhim hrajnym dnju ruscy fanojo do hry, srjedź partije kaž tež po hrě Jendźelska–Ruska 1:1 (0:0). Před duelom je k wulkim krawalam dóšło, při kotrychž bu 35 ludźi zranjenych. Jedyn Jendźelčan bě so tak jara zranił, zo je přeco hišće w žiwjenskim straše.

wozjewjene w: Sport

Galerija

dalši wobraz (1)
Prošu přizjewće so, chceće-li komentar podać

nawěšk

nowostki LND