12. Budyski běhz wutrobu

štwórtk, 29. septembera 2016
artikl hódnoćić
(0 )
Šulerjo 5. a 6. lětnika Serbskeho gymnazija Budyšin krótko do starta 12. Budyskeho běha z wutrobu. Šulerjo a wučerjo SGB naběžachu sej na 1 708 kołach wjace hač 2 800 eurow. Foto: Měrko Korjeńk Šulerjo 5. a 6. lětnika Serbskeho gymnazija Budyšin krótko do starta 12. Budyskeho běha z wutrobu. Šulerjo a wučerjo SGB naběžachu sej na 1 708 kołach wjace hač 2 800 eurow. Foto: Měrko Korjeńk

Šulerjo a wučerjo Serbskeho gymnazija Budyšin (SGB) su hižo wot spočatka pódla a naběžachu sej lětsa wjace hač 2 800 eurow.

Při rjanym słónčnym wjedrje wotmě so hižo 12. Budyski běh z wutrobu we hłownej organizaciji Ludoweje banki Budyšin. Znowa nastajichu wobdźělnicy wjacore rekordy. Wjace hač 2 000 sportowcow Budyskich gymnazijow kaž tež Wjele­ćanskeho a Biskopičanskeho gymnazija a powołanskeje šule za hospodarstwo a techniku zmištrowachu prěni raz wjac hač 15 000 kołow, kóžde něhdźe 700 metrow dołhe. Jednotliwe mustwa wobstejachu z třoch běharjow, kotřiž so wotměnjejo jednu hodźinu za dobry zaměr angažowachu: tónkróć za Němski dźěćacy škitny zwjazk městne zjednoćenstwo Budyšin. Dalši rekord wobsteješe w naběžanych skoro 28 000 eurow. Z tychle pjenjez nałoža 80 procentow za projekty Němskeho dźěćaceho škitneho zwjazka. Zbytk rozdźěla na sobu skutkowace šule.

wozjewjene w: Sport
Prošu přizjewće so, chceće-li komentar podać

Serbska debata

nowostki LND