Z wosom dobytymi hrami a pjeć poražkami je sej prěnje koparske mustwo Budissy Budyšin cyłkownje 24 dypkow z třinaće hrow nahromadźiło. Jako jeničke mustwo we wyšej lize njeje wone ani jónu­ njerozsudnje hrało. Dla nowych posta­jenjow wokoło koronapandemije je so prěnje koło za mustwo Budissy a tež za wšitke tamne cyłki dočasnje zakón­čiło. Z Hornjołužiskeje trójki Biskopi­čanske KT, Budissa Budyšin a FC Hornja Łužica Neugersdorf su Budyšenjo w tabulce najlěpje zaměstnjeni. Wot přetorhnjenja hrow trenuje ­mustwo digitalnje z běhanskimi jednotkami.

překwapjenka: Wotstup šeftrenarja Tomaša Henčela bě překwapjenka předkoła. Njehladajo dobreho starta do se­zony wozjewi Tomaš Henčel po 6:1 dobyću přećiwo SV 09 Arnstadt dla powołanskich přičin swój wotstup. U 19 trenar Stefan Richter bu jako nowy naslědnik připowědźeny.

Janoš Nuk – wulki talent za zelenym blidom

wutora, 28. decembera 2021 spisane wot:

Pola Nukec w Budyšinje hraje nětko hižo někotre lěta billard wulku rólu. Nan Michał hraje hromadźe ze synom Janošom w towarstwje. 17lětny talent je w swojich młodych lětach hižo tójšto wuspěchow žnjał a z nanowej podpěru dale na jara wuspěšnym puću. Jurij Bjeńš je so z woběmaj wo nakromnej sportowej družinje rozmołwjał.

Janošo, kak dołho hraješ hižo billard a kak sy k tomu přišoł?

J. Nuk: Hraju nětko hižo šěsć lět billard. Poprawom běch lochkoatlet, nažel pak mějach ćeže z nohu a po wjacorych operacijach sym za druhim sportom pytał. Mój nan hladaše stajnje rady Snooker w telewiziji a to sym rady raz sobu hladał. Nimo toho mějachmy w horće małe billardowe blido, na kotrymž nimale wšědnje kule suwach. Njetraješe dołho a přizamknych so w Budyšinje towar­stwje „Biga99“.

Za wjetšinu ludźi nima Snooker žadyn wuznam. Čehodla so Wy za to tak horiće?

M. Nuk: Jako młodostni hrajachmy w Budyskich lokalach husto billard. A jako so potom jendźelska warianta Snooker w telewizoru wusyłaše, je mje to někak hrabnyło. Hač do dźensnišeho to rady hladam a sym runja swojemu synej tež čłon Biga99.

Hnydom koparski derby w Pančicach

wutora, 28. decembera 2021 spisane wot:

Po wosom poražkach a naposledk dwěmaj dobyćomaj chce prěnje mustwo Sportoweho towarstwa Marijineje hwězdy tež w nowym lěće dypkować, a to ­po móžnosći hnydom spočatk februara w derbyju přećiwo cyłkej z Porchowa.

wokrjesna wyša liga

05.02. 14:00 Módro-běli Kulow –

  TSV Wachau

05.02. 14:00 HZ Łaz/Běły Chołmc –

  Sokoł Ralbicy/Hórki

05.02. 14:00 Póst Germania Budyšin –

  Wojerowski FC

05.02. 14:00 ST Hnašecy-Dobruša –

  ST Horni kraj-Sprjewja

05.02. 14:00 TSV Połčnica –

  SC 1911 Großröhrsdorf

06.02. 10:30 LSV Hory –

  Natwar Němske Pazlicy

06.02. 14:00 ST Marijina hwězda –

  ST Porchow

06.02. 14:00 ST Kinspork/Łužnica –

  SG Großnaundorf

wokrjesna liga, stafla 1

05.03. 15:00 Kumwałd/Schönbach –

  Zeleno-běli Bukecy

05.03. 15:00 Arnsdorfske KT –

  SV Frankenthal

05.03. 15:00 HZ Huska/Hodźij –

  Bretnig-Hauswalde

05.03. 15:00 TSV Wjernarjecy –

  TSV Wjazońca

06.03. 15:00 Zeleno-běli Sepicy –

  SV Haselbachtal

06.03. 15:00 ST Wjelećin –

  FV Ottendorf-Okrilla 05

wokrjesna liga, stafla 2

05.03. 13:00 Wósl./Skaskow/Kulow II –

  Módro-běli Minakał

05.03. 15:00 Rakečanske ST II –

  FSV Łuty

05.03. 15:00 ST Lubuš –

  Wojerowski FC II

06.03. 12:30 SJ Chrósćicy II –

  Traktor Malešecy

06.03. 15:00 SJ Njebjelčicy –

  ST 1896 Wulka Dubrawa

06.03. 15:00 ST Nadrózna Hrabowka –

  ST Hlinowc

06.03. 15:00 ST Radwor –

  HZ Hórnikečanski jězor

wokrjesna klasa, stafla 1

Žane dypki pod dynamowskim hodownym štomom

póndźela, 27. decembera 2021 spisane wot:

FC Ingolstadt – Dynamo Drježdźany 3:0 (2:0)

Zestawa hosći: Broll – Ehlers, Sollbauer (67. Aidonis), Akoto, Stark, Löwe, Borello (46. Weihrauch), Becker (26. Herrmann), Königsdörffer (79. Seo), Daferner, Schröter (46. Mörschel)

Profikopańcaw zymskej přestawce

póndźela, 27. decembera 2021 spisane wot:

W zwjazkowej koparskej lize hraje so přichodny tydźeń zaso wot 7. januara a w druhej lize tydźeń pozdźišo wot 14. januara. Tež třeća liga započnje w nowym lěće z dypkowymi hrami na samsnym dnju kaž druha liga.

Dźensa podamy aktualnej tabulkowej stawaj prěnjeje a druheje profijoweje koparskeje ligi w Němskej a čoło tabulki třećeje ligi.

Prěnja zwjazkowa koparska liga

1. FC Bayern Mnichow   17 43

2. Borussia Dortmund   17 34

3. Sportowy klub Freiburg  17 29

4. Bayer 04 Leverkusen   17 28

5. TSG Hoffenheim   17 28

6. Eintracht Frankfurt   17 27

7. 1. FC Union Berlin   17 27

8. 1. FC Köln    17 25

9. 1. FSV Mainz 05   17 24

10. RB Lipsk    17 22

11. Hertha BSC    17 21

12. VfL Bochum 1848   17 20

13. VfL Wolfsburg   17 29

14. Borussia Mönchengladbach  17 19

15. FC Augsburg   17 18

16. VfB Stuttgart   17 17

17. Arminia Bielefeld   17 16

18. Greuther Fürth   17 5

Druha zwjazkowa koparska liga

1. FC St. Pauli    18 36

2. Darmstadt 98   18 35

3. Hamburgske SV   18 30

4. FC Schalke 04   18 30

5. 1. FC Nürnberg   18 30

6. 1. FC Heidenheim   18 30

7. Werder Bremen   18 29

8. Jahn Regensburg   18 28

9. SC Paderborn 07   18 27

10. Karlsruheski SC   18 25

11. Dynamo Drježdźany   18 22

12. Holstein Kiel   18 21

13. Fortuna Düsseldorf   18 20

14. FC Hansa Rostock   18 20

15. Hannover 96   18 20

16. SV Sandhausen   18 17

17. FC Rudne horiny Aue  18 14

18. FC Ingolstadt   18 10

Čoło tabulki třećeje ligi

1. 1. FC Magdeburg   20 44

2. Eintracht Braunschweig  20 36

3. SV Meppen    20 36

Awtorka dźensa Halena Jancyna

Zhladuju na lěto 2021 móžu rjec, zo běše wone kaž jězba na seklowej čarje. Štó z nas je hižo móhł z wěstostu prajić, kak poběži lěto za sportowe towarstwa? Pandemije dla njebě znowa ničo po zwučenym wašnju. Njewěstosć hač a po kotrych wuměnjenjach so sportować hodźi, steješe na prěnim městnje. Smědźa so dypkowe hry přewjesć? Hdy póńdźe dale? Kotry hygieniski koncept je prawy? Štó je za čo zamołwity/a? Husto bě wjac prašenjow, hač wotmołwow. Ćim bóle su so koparki a koparjo, wolejbulistki a wolejbulisća wjeselili, hdyž přewjedźechu so winowatostne hry po skerje zwučenym wašnju. A kajke to nětko wupada? Znowa nasta stop w amaterskim sporće. Nic pak pola profijow. Woni smědźa dale za bulom honić abo na parkeće hrać. Tak tež Drježdźanske mjetelčki. Woni běchu do hód wuspěšne. Tak kwalifikowachu so za pokalne finale w Němskej a tež na mjezynarodnej runinje w champions league wuwojowachu sej prěnje dobyće. Chowanče trenarja Alexandera Waibla přesadźichu so přećiwo ukrainskemu teamej SC Prometey Dnipro z 3:2 po sadźbach.

Přećiwo rasizmej

štwórtk, 23. decembera 2021 spisane wot:
Berlin (dpa/SN). Iniciatiwa Čorni ludźo w Němskej rasistiski podawk přećiwo kopa­rjej Aaronej Opoku raznje kritizuje a žada sej konsekwentny bój přećiwo wšědnemu rasizmej. „Podawk na drastiske wašnje pokazuje, zo je rasizm přeco hišće kruty wobstatk našeje towaršnosće a kak jara wón wšědny dźeń čornych ludźi postaja“, praji rěčnik iniciatiwy Tahir Della powěsćerni dpa. „To nikoho nje­překwapja, byrnjež reakcija přitomnych w stadionje pozitiwna była. 22lětneho koparja Opokuwa z Osnabrücka bě minjenu njedźelu jedyn z přihladowarjow za čas hry mjez MSV Duisburgom a VfL Osnabrückom z rasistiskim wurazom skřiwdźił. Na to běchu partiju třećeje ligi přetorhnyli a skónčili.

Njemjelčeć!

štwórtk, 23. decembera 2021 spisane wot:
Njedawny podawk w koparskej hrě mjez MSV Duisburgom a VFL Osnabrückom mi pokazuje kak prezentna diskriminacija dźensa je. Tam je přihladowar hrajerja Osnabrü­cka Aarona Opokuwa rasistisce skřiwdźił. Wusměšowanje a hidu čłowjekej napřećo na zakładźe barby kože, druheho pochada a hinašeje rěče njesměmy na žadyn pad tolerować. W zwisku z problematiku wšak njetrjebamy daloko do swěta hladać. Tež serbscy koparjo su na łužiskich hrajnišćach hižo časćišo nazhonić dyrbjeli, zo njeje wužiwanje jich maćeršćiny wšudźe witane. Kóždy měł swobodnje pokazać směć, štó je. A to njepłaći jenož w sporće, ale za wšu našu towaršnosć. Při rasistiskich podawkach kaž nětko­ w Duisburgu – wšojedne, w kotrej formje so wone pokazuja –, je najwažniše: Njemjelčeć! Tohodla mam rozsud sudnika woneje hry třećeje ligi partiju wothwizdać za jara fairny. Wón je tak jasnje pokazał, zo tajke akcije w dźensnišej towaršnosći žane městno nimaja. Jan Bogusz

Sport (23.12.21)

štwórtk, 23. decembera 2021 spisane wot:

Megapochod wobornikow

Lětuši wirtuelny megapochod wobornikow hodźi so hišće hač do 22. januara 2022 indiwiduelnje přewjesć. Zarjado­warjo a wuhotowarjo wokoło Haralda Skopija (Dobrowólna wohnjowa wobora Narć [Nardt])­, Roberta Noveho (Wjesny předstejićer Narća) a Diany Franke-Skopi pře­wjedu darowanski pochod we łužiskim rewěrje. Jedna so tu wo ćah wuchowanskich mocow, kotrež pjenjezy za chore dźěći zběraja. Wšitke informacije za 112 kilometrow dołhi pochod, kiž je bjez wubě­dźowanskeho charaktera, steja pod . Přizjewjenja za jednotliwcow a skupiny su pod móžne.

Lodohokejowe partije

Łužiske lodohokejowe liški hraja dźensa w Kasselu a njedźelu w Bad Nau­hei­mje. We woběmaj partijomaj dyrbja Běłowodźenjo přećiwo mustwomaj z hornjeje třećiny DEL 2 nastupić. Tež domjaca hra přichodnu wutoru přećiwo Lodowym lawam Drježdźany njebudźe lóša. Wone su mjenujcy třeće tabulki.

23.12. 19:30 EC Kassel Huskies –

  Łužiske liški

26.12. 18:30 EC Bad Nauheim –

  Łužiske liški

28.12. 19:30 Łužiske liški –

  Lodowe lawy Drježdźany

Přihoty na triatlon zahajene

Kónc januara chcedźa dale hrać

srjeda, 22. decembera 2021 spisane wot:

Koparki a koparjo we wšitkich starobnych klasach a na wšitkich hrajerskich runinach maja nadźiju, zo budu klětu w januarje, februarje abo měrcu hrajna doba 2021/2022 pod hołym njebjom dale wjesć móc. W regionalnej lize sewjerowuchod a we wyšej lize su prěnje hry noweho lěta za posledni januarski kónc tydźenja postajene.

regionalna liga muži

28.01. 19:00 Germania Halberstadt  

  BFC Dynamo

28.01. 19:00 ZFC Meuselwitz –

  FSV 63 Luckenwalde

28.01. 19:00 VSG Altglienicke –

  Tennis Borussia Berlin

29.01. 13:00 Lok Lipsk –

  VfB Auerbach

29.01. 13:00 FC Energija Choćebuz –

  FC Carl Zeiss Jena

29.01. 13:00 FC Eilenburg –

  Optik Rathenow

29.01. 13:00 Kamjeničanski FC –

  SV Lichtenberg 47

30.01. 13:00 SV Tasmania Berlin –

  BSG Chemija Lipsk

30.01. 13:00 SV Babelsberg –

  Hertha BSC II

30.01. 13:00 Berlinski AK –

  Union Fürstenwalde

regionalna liga žonow

27.03. 11:00 FC Carl Zeiss Jena II –

  Rostockski FC

27.03. 13:00 Magdeburgski FFC –

  1. FFV Erfurt

27.03. 13:00 Viktoria Berlin –

  1. FC Union Berlin

27.03. 13:00 RB Lipsk II –

  Zapadna Sakska Zwickau

27.03. 13:00 Turbina Podstupim II –

  SFC Stern 1900

27.03. 13:00 Přezjednota Lipsk-juh –

  Türkiyemspor Berlin

27.03. 13:00 SC Staaken –

  Hohen Neuendorf

27.03. 13:00 FC Phoenix Lipsk –

  Biskopičanske KT 08

wyša liga mužojo

30.01. 13:00 Jednota Rudolstadt –

  VfB 1921 Kśišow

nawěšk