Čerwjena karta za Weißa
Hertha BSC II
– FSV Budissa Budyšin 3:0 (0:0)
Zestawa hosći: Ebersbach – Patka, Weiß, Hoßmang, Kral, Wockatz (86. Dartsch), Ciapa, Krawčik (62. Bär), Treu (75. Merkel), Schlicht, Bönisch
Z Berlina nochcyše Budissa bjez dypka domoj jěć, tež hdyž bě Hertha BSC II jasny faworit. Prěnjej dobrej móžnosći měješe domjacy cyłk přez Alexandera Essweina (13.) a Floriana Krebsa (14.). Budissa Budyšin pak dyrbješe so nimale jenož z nadběhami Herthy zaběrać. Jeničce třělwa Jonasa Krawčika ze zdalenosće 20 metrow na wrota wrotarja Jonathana Klinsmanna wjedźeše k róžkej za hosći (29.). Po róžku Michaela Schlichta zhłójčkowa Johann Weiß bul strašnje na klětku Klinsmanna, kotryž hrajny nastroj z wuběrnej paradu wotwobara. Na tamnym boku wuznamjeni so Maik Ebersbach po třělwje Essweina (32.). Nětko bě Budissa tróšku lěpje w hrě a Krawčik Jonathana Klinsmanna hišće raz pruwowaše (37.).
Widźał, słyšał, napisał (12.11.18)
Awtor dźensa
Michał Nuk
Poprawom sym sej w tutej rubrice předewzał, nic wo kopańcy pisać, dokelž so w njej přemało wuznaju, zo bych prawje sobu rěčeć móhł. To druzy awtorojo wjele lěpje zamóža. Tola hdyž dźe wo Serbsku wubranku, njemóžu prěć, zo sym so znajmjeńša na europskich wulkozarjadowanjach před šěsć lětami we Łužicy abo předlońšim w Južnym Tirolu wot serbskeje euforije rady natyknyć dał. Njedožiwichmy jenož napjate hry, hdźež dźěše za serbskich hrajerjow wo wjace hač jenož sobuhraće. Znajmjeńša runje tak rady dopominam so na wulkotnu naladu a serbski duch mjez přihladowarjemi. Wosebje w Južnym Tirolu 2016 wubudźichu Łužiscy fanojo zjawnu kedźbnosć.
Sport (09.11.18)
Wjele rukow, spěšna pomoc
Za jutře, sobotu, wot 9 hodź. je w Radworskim sportowym centrumje dźěłowe zasadźenje planowane. Konkretne nadawki rozdźěla zamołwići na městnje. Zo by wšo spěšnje zrumowane a wurjedźene było, su wšitcy čłonojo, fanojo a přećeljo ST Radworja přeprošeni.
Wolejbulowe hry
Wolejbulistki Hrajneho zjednoćenstwa Pančicy-Worklecy hraja jutře doma we Worklecach přećiwo Ochranowskim wolejfantkam a přećiwo druhemu mustwu VV Žitawy. Prěnja partija započnje so w 14 hodź., dalša w 16 hodź. Na ćežki wonkowny nadawk podadźa so wolejbulisća Viktorije Worklecy. Woni nastupja w 14 hodź. pola druheho wobwodneje ligi Volleys Koblicy. Za tydźeń změja „młodźi dźiwi“ potom domjacu lěpšinu, hdyž přijědu do Worklec MSV Budyšin II a Módro-běli Wojerecy II.
Koparske partije
Z jasnym dobyćom dale na čole
ST Marijina hwězda
– HZ Wulke Ždźary 4:0 (1:0)
Zestawa domjacych: Schmidt – R. Cyž, Škoda, Rab, Zelnak, Peschmann, Pjetaš (67. Bělk), Hawš, Eldor (77. Čornak), Pakoßnick (75. Winkler)
Cyle tak jasna kaž wuslědk hra spočatnje njebě. Koparjo ST Marijineje hwězdy mějachu přećiwo hłuboko stejacym hosćom spočatnje wulke ćeže. Porjadny natwar hry móžny njebě, tež dołhe třělwy ničo njepomhachu. Z prěnim porjadnym nadběhom padny w 12. min. 1:0. Feliks Pjetaš bě sej w srjedźnym polu z bojowniskim zasadźenjom bul wuwojował a na prawym křidle Alija Eldora pósłał. Tón posłuži Jakoba Pakoßnicka, kiž trjechi ze zdalenosće dźesać metrow. Po dwěmaj móžnosćomaj za hosći (16., 18.) a po fazy, w kotrejž za Pančičanow najebać nawjedowanje tak prawje njeběžeše, so klóšterscy koparjo zaso popadnychu. Tójšto móžnosćow pak k 2:0 njewjedźeše. Falko Peschmann misny flanku Pakoßnicka swobodnje stejo (25.), a Pakoßnickowa třělwa po soloběhu do rukow wrotarja bě dar (29.). Bjez wuspěcha wostachu tež móžnosće Eldora (32.) a Pakoßnicka (32., 34.).
Łužičenjo horu Betzenberg sej zdobyli
1. FC Kaiserslautern
– FC Energija Choćebuz 0:2 (0:0)
Zestawa hosći: Spahić – Weidlich, Stein, Schneider, Matuwila, Holthaus, Kruse, de Freitas (88. Scheidhauer), Viteritti, Geisler (54. Schlüter), Mamba (90. Rangelow)
Mjez 24 000 přihladowarjemi bě minjeny pjatk w Kaiserslauternje tež 8 000 hosći z Choćebuza. A ći dožiwichu druhe wonkowne dobyće swojeho mustwa. Z tym wšak nichtó tak prawje ličił njebě, wšako hraješe chudy FCE pola bohateho FCK. Nimo toho bě hosćićel štyri ze zašłych pjeć partijow dobył a so z pincu tabulki rozžohnował. Z kompaktnym rjećazom pjeć škitarjow stupichu so Łužičenjo přećiwo nadběham domjacych, při čimž hraješe dorostowy kopar Leon Schneider w centrali wažnu a suwerenu rólu.
Wuslědki (08.11.18)
Kopańca, wokrjesna wyša liga
1. Rakečanske ST 11 37 : 3 33
2. Módro-běli Kulow 11 24 : 11 24
3. Póst Germ. Budyšin 11 30 : 21 20
4. LSV Hory 11 23 : 16 20
5. Sokoł Ralbicy/Hórki 10 21 : 15 20
6. Drohotka Ramnow 11 24 : 19 18
7. Natwar Němske Pazlicy 11 17 : 12 18
8. Motor Kumwałd 11 20 : 26 16
9. Wojerowski FC 11 26 : 19 15
10. ST Kinspork/Łužnica 11 18 : 19 15
11. TSV Połčnica 11 18 : 25 15
12. SG Großnaundorf 11 23 : 25 12
13. ST Hnašecy-Dobruša 10 20 : 23 11
14. Zeleno-běli Bukecy 11 15 : 41 7
15. ST Porchow 11 12 : 33 4
16. ST Radwor 11 11 : 31 1
wokrjesna liga, stafla I
Großröhrsdorf II – Wachau 3:1 (0:0)
Germania Budyšin II – Wjelećin 1:4 (0:3)
Huska/Hodźij – Horni kraj II 0:6 (0:3)
Bart – Kubšicy0:1 (0:0)
Ottendorf-Okrilla – Frankenthal 2:0 (1:0)
Biskopicy II – Wjernarjecy 4:0 (2:0)
Lomnitz II – ST Budyšin 0:3 (0:1)
Bretnig-Hauswalde – Arnsdorf1:4 (0:3)
čoło tabulki
1. TSV Wachau 11 51 : 21 22
2. Arnsdorfske KT 11 31 : 19 22
3. FV Ottendorf-Okrilla 10 25 : 15 21
4. Horni kraj-Sprjewja II 10 35 : 14 19
Dyrbi wubranka 2020 doma wostać?
Budyšin/Dešno (SN/JaW). Domowina a zwjazk sportowych towarstwow Serbski Sokoł matej hladajo na přichodnu koparsku europeadu problem. Mjeztym zo je termin hižo jasny – 4. europeada wotměje so wot 20. do 28. junija 2020 pola Korutanskich Słowjencow w Awstriskej, kaž zdźěli Federalistiska unija europskich narodnych mjeńšin (FUEN) jako wuhotowar minjeny tydźeń –, njeje dotal scyła hišće jasne, štó budźe Serbow na turněrje zastupować.
Dypk přećiwo faworitej
SJ Chrósćicy
– LSV Nowe Město 1:1 (0:1)
Zestawa domjacych: Králíček – Püschel, Cyž, Sentivan, L. Zahrodnik, M. Zahrodnik, G. Zahrodnik, Henčl (90. Šiman), Młynk (74. Krahl), Henzl, Beneš (90. Špitank)
We wonkownej hrě přećiwo prěnjemu tabulki nastupili
Wolejbul, wobwodna liga – žony
1. OSC Lubij 5 14 : 4 13
2. CVJM Zhorjelc 5 13 : 6 11
3. MB Wojerecy 4 12 : 7 9
4. JTVG Koblicy 5 10 : 9 9
5. Ochranowske wolejf. 5 10 : 9 8
6. TSV Kundraćicy 3 6 : 4 6
7. ST Kupoj-Nowa Łuka 4 4 : 11 2
8. HZ Pančicy-Worklecy 4 4 : 12 1
9. VV Žitawa 09 II 5 4 : 15 1
OSC Lubij – HZ Pančicy-Worklecy (25:19, 25:22, 22:15)
Za hosći zasadźeni: Johanna Fiegler, Damaris Handrikec, Kira Hrjehorjec, Jana Kralec, Alessandra Müller, Jennifer Otto, Anita Salewskec, Kathrin Spießec, Anne Šołćic, Pia Šołćic, Tadeja Šeferec; trenarka Daniela Kralec a trenar Stephan Mühl
Wolejbulowe Hrajne zjednoćenstwo Pančicy-Worklecy nastupi pola dotal njeporaženeho žónskeho mustwa w Lubija. Ličachu tuž z napinacej kaž tež napjatej hru. Prěnja sadźba započa so z lochkimi ćežemi na stronje hrajneho zjednoćenstwa. Jemu pak so tola hišće wurunanje na 17:17 poradźi. Naposledk pak zawěsći sej domjacy cyłk z Lubija prěnju sadźbu z 25:19.
W druhej sadźbje Pančičansko-Worklečanske wolejbulistki wšitke mocy mobilizowachu, a z napjatymi bojemi při saku skićachu wone přihladowarjam wobhladanjahódny krimi. Tola tež tu mějachu Lubijske žony wjace mocow a dobychu 25:22.
Druhi połčas – hinaša hra
SJ Chrósćicy II – SC Mały Wosyk 5:2 (2:2)
Zestawa domjacych: Klimant – A. Dórnik, M. Donat, Mark, Lešawa, Šołta, Žur (78. Förster), Špitank (65. C. Šmit), J. Donat (65. Mohaupt), Liznar, D. Šmit
zestawa hosći: Anders – Mandel (56. Gruschka), Brězan, Marx, Khan, Patrick Lugge, S. Dórnik (76. Hajna), K. Lugge, Schenk, P. Lugge, Kreuz
Minjenu sobotu steješe na hrajnym planje wokrjesneje koparskeje ligi němsko-serbski derby mjez rezerwu Chróšćanskeje SJ a zastupnistwom z Małeho Wosyka. Někotři koparjo kaž tež trenar hosći su w zašłosći tež hižo jónu pola přećiwnika aktiwni byli a tak kiwaše jim zasowidźenje ze starymi sobuhrajerjemi.
