Napjatu hru hišće dobyli

srjeda, 21. měrca 2018 spisane wot:

MSV Budyšin II – Viktoria Worklecy 2:3 (27:25, 25:22, 11:25, 15:25, 13:15)

Za Viktoriju Worklecy hrajachu: Marko Brězan, Jan Bětnar, Ludwig Eckert, Stefan Gedik, Jurij Lipič, Marcel Rjelka, Daniel Wałda a Stefan Wjeńka.

Wuslědki (21.03.18)

srjeda, 21. měrca 2018 spisane wot:

Kopańca, wokrjesna wyša liga

Rakečanske ST – ST Wjelećin wupad

Kumwałd – Bukecy 5:0 (4:0)

Großröhrsdorf – Großnaundorf wupad

Budyšin – ST Hnašecy-Dobruša 1:2 (0:1)

Germ. Budyšin – Wojerowski FC wupad

Sokoł Ralbicy/Hórki – Kulow wupad

Kinspork/Łužnica – Ramnow 3:1 (1:0)

ST Radwor – LSV Hory wupad

1. SC Großröhrsdorf 19 44:6 49

2. Wojerowski FC 18 36:21 39

3. Rakečanske ST 18 47:25 36

4. Motor Kumwałd 20 40:28 32

5. Módro-běli Kulow 19 42:19 31

6. Póst Germania Budyšin 19 44:32 27

7. SG Großnaundorf 19 36:31 27

8. Sokoł Ralbicy/Hórki 19 28:31 27

9. LSV Hory 18 42:40 25

10. Drohotka Ramnow 18 34:39 24

11. ST Hnašecy-Dobruša 19 32:40 24

12. ST Radwor 18 39:39 21

13. ST Wjelećin 17 32:49 18

14. Zeleno-běli Bukecy 20 26:62 17

15. ST Kinspork/Łužnica 19 35:46 13

16. ST Budyšin 20 19:68 7

čoło tabulki wokrjesneje ligi, stafla II

1. Natwar Němske Pazlicy 18 59:15 44

2. ST Marijina hwězda 19 50:21 38

3. ST Lubuš 18 41:29 35

4. SV Haselbachtal 16 52:23 34

Najwuspěšniše holče wolejbulowe mustwo Serbskeho gymnazija Budyšin (SGB) je sej w krajnym finalu wubědźowanja „Młodźina trenuje za olympiju“ w starobnej skupinje II mjez šěsć startowacymi gymnazijemi wospjet bronzu wuwojowało. Je to hižo štwórta medalja w pjatym sakskim finalu.

Po dobyću bronzy w aprylu 2014, šestym městnje w měrcu 2015, slěbru w měrcu 2016 a bronzy w měrcu 2017 slědowaše za nje tydźenja dalša bronzowa medalja. Kajki to wospjetny grandiozny wuspěch wolejbulistkow 10. a 11. lětnika SGB. Tak je so kóžda přidatna kapka potu na pjatkownych popołdnišich treningowych jednotkach wudaniła.

Serbski gymnazij Budyšin – Gymnazij Brandis 2:0 (25:12, 25:20)

Hosćo klewerniši byli

wutora, 20. měrca 2018 spisane wot:

FSV Budissa Budyšin – BFC Dynamo 1:2 (0:0)

Zestawa domjacych: Ebersbach – Kunze, Patka, Hoßmang, Mack, Pfanne, Schmidt, Weiß (84. Gehrmann), Krawčik (74. Müller), Bönisch, Milde

W prěnjej koparskej hrě sezony 2017/2018 sydaše za Budissu Budyšin pola BFC Dynama plajta 0:5. Tajkemu debaklej chcyše wona doma zadźěwać. Započa tuž z trěbnej koncentraciju a měješe hižo sčasom dobru móžnosć. Pavel Patka zhłójčkowa bul po wólnym kopje Tonyja Schmidta snadnje nimo wrotow (6.). Dalšu šansu přez Kevina Bönischa škit hosći runje tak znješkódni (22.). We wurunanej partiji měješe BFC swoju prěnju dobru móžnosć přez Matthiasa Steinborna (29.). Krótko po tym pruwowaše samsny hrajer wrotarja Maika Ebersbacha z třělwu ze sydom metrow. Ebersbach pak wulkotnje reagowaše a wotwobara (34.). Bjez wrotow podaštej so cyłkaj do přestawki.

Chróšćanscy stari knježa dobyćerjo

wutora, 20. měrca 2018 spisane wot:

Minjeny pjatk wotmě so w Chróšćanskej sportowej hali turněr za koparjow, kotřiž su starši hač 32 lět. Zarjadowar a wuhotowar běchu Zeleno-běli z Hórkow. Po 25 lětach běše to prěni raz, zo přewjedźechu swój turněr w Chrósćicach. Mikławš ­Dyrlich, trenar zeleno-běłych a zdobom nawoda turněra, powita k tomu nimo hosćićelow a domjacych z Chrósćic mustwa z Pančic-Kukowa, Njebjelčic, Ralbic a Małeho Wosyka. W swojich słowach kritizowaše Dyrlich rozsud, zo njeběchu Hórčanam po štwórć lětstotku swěrneje kooperacije přizwolili wobnowjenu ćěłozwučowarnju we Worklecach wužiwać směć.

Wuslědki blidotenisowych duelow

wutora, 20. měrca 2018 spisane wot:

We wobwodnej klasy dyrbješe DJK Kulow-Hózk pola tabulkoweho susoda ST Horken-Ketlicy nastupić a doby tam 9:6. Mathias Barth, Křesćan Měškank a za Pětra Měškanka hrajacy Matijas Klimank (wšitcy z dwěmaj dypkomaj) běchu w prima formje. Jens-Peter Meier (1,5) a Michał Měškank (1) měještaj toho­runja swój podźěl na snadnym dobyću. Jeničce Křesćan Domaška (0,5) njeměješe swój najlěpši dźeń.

W prěnjej wokrjesnej klasy měještej druhe a třeće mustwo DJK Konjecy domjacu lěpšinu, njemóžeštej pak ju wužić. Druhe mustwo podleža SV Ullersdorfej II jasnje z 3:12. Jeničce dwójka Rudolf ­Wittig/Jurij Brězan a jednotliwcaj Rainer Roßmy a Dietmar Hrjehor móžachu dypkować. Třeće mustwo přěhra přećiwo druhemu tabulki TTC Kamjencej II ze 6:9. Młody Julian Hrjehor bě z dwěmaj dypkomaj najlěpši Konječanski blidotenist. Tamne dypki wudobychu sej Rafał Šěrak, Olaf Thiela, Daniel Zukunft a dwójka Frank Šołta/Zukunft.

Z dobyćom 3:1 přećiwo VV Žitawje 09 III je so Worklečanskim wolejbulistkam ­we wobwodnej klasy překwapjenka poradźiła, pola MSV Budyšina 04 II pak serbske holcy z 0:3 podležachu. Po jutrach změja wone potom wažnu zestupnu hru přećiwo SV Haselbachtalej. Foto: Jörg Stephan

Njeswačanow mócnje poskubali

póndźela, 19. měrca 2018 spisane wot:
We wobwodnej blidotenisowej klasy bě prěnje mustwo DJK Kulow/Hózk pola poslednjeho tabulki SV Gelenau III jasny faworit. Dokelž pak Pětr Měškank (0) a Křesćan Domaška (0,5) scyła w normalnej formje njeběštaj, dyrbjachu ći tamni horco wojować, zo bychu na kóncu z 9:7 snadnje dobyli. Křesćan Měškank (3), Matijas Bart (2) a Michał Měškank (2) pokazachu prima wukon. Tež Jens-Pětr Meier (1,5) měješe swój podźěl na snadnym dobyću. W prěnjej wokrjesnej lize wočakowachu přiwisnicy na Konječanskej wjesnej žurli duel mjez druhim tabulki z Njeswačidła a třećim DJK Konjecy. Wobě mustwje njemóžeštej pak z najsylnišej zestawu nastupić. Pola hosći wupadny načolny hrajer Rainer Schilling, w rjadach domjacych dyrbjachu Pětra Bejmu a Michała Elstnera narunać. Wočakowana napjatosć pak njenasta, dokelž zahrachu so delanscy blidotenisća do wuběrneje formy. Njemějachu w swojich rjadach žadyn wupad, tak zo zdeklasowachu hosći z 13:2. Maćij Kokla, Alojs Čóška, André Čórlich a Dietmar Hrjehor – wšitcy z 2,5 dypkami – běchu njepřewinjomni. Jeničkaj dypkaj wotedaštaj Dierk Šewc a Frank Woko.

Lětuša běhanska sezona zahajena

póndźela, 19. měrca 2018 spisane wot:

19. wokrjesne crossowe mišterstwa w Połčnicy so wotměli

Na 19. nalětnich crossowych mišterstwach wulkowokrjesa Budyšin, kotrež přewjeduja tradicionalnje stajnje w Połčničanskim hrodowym parku, je so nowe běhanske lěto zahajiło. Při poměrnje rjanym nalětnim wjedrje, ale na chětro ćežkej roztatej 800metrow dołhej kołočarje běchu wšitcy połnje wužadani. Štóž njeje so w předchadźacych zymskich měsacach w treningu na nowu sezonu chutnje dosć přihotował, měješe sej chětro ćežko.

Cyłkownje 205 běharkow a běharjow je w crossowym wurisanju cil docpěło. Aktiwni běchu prěnjorjadnje z wulkeho Budyskeho wokrjesa, ale tež z Drježdźan, Pirny a dalšich městnosćow wokoło sakskeje stolicy. Woni wubědźowachu so starobje wotpowědnje na distancach 0,8 km; 1,2 km; 1,8 km a 6,4 km. Wjetšina startowaše w starobnych klasach šulerjow a młodźiny. Šulerjej Budyskeje Serbskeje šule Jitka a jeje bratr Jarek Schade wubědźištaj sej w skupinje U10 dosć dobre zaměstnjenje: Jarek docpě druhe (2:57 min.) a Jitka 6. městno (3:20 min.). Šuler Willi Bjarsch z Budyšina bě třeći w skupinje U8 (3:27 min.).

Druhe wolejbulowe mustwo Viktorije Worklecy hraje nětko w nowej drasće. Worklečan Tomaš Wjenk je přez swoju firmu BMP Wenk GmbH w Miłoćicach sportowcam trikoty a nowe treningowe wobleki darił. Drastu přepodał je Alojsej Mikławškej (stejo nalěwo), předsydźe Viktorije, a mustwowemu nawodźe Danielej Gallej (stejo druhi wotprawa) junioršef Dawid Wjenk (naprawo). „My jako předewzaće z regiona ­domoródne sportowe towarstwo z nowym outfitom za jeho čestnohamtski angažement rady podpěrujemy“, Wjenk wuzběhny. Foto: Marcel Rjelka

nowostki LND