Dypk móžny był

póndźela, 09. meje 2016 spisane wot:

ST Großnaundorf

– SJ Njebjelčicy 1:0 (1:0)

Zestawa hosći: Hahn – Kral, Deleńk, Šołta, Hrjehor, Hanuza, Cyž, Mjechela (55. Hoelzel), Hommel, Ričel, Korjeńk (68. Čornak)

W nachwatanskej wječornej hrě srjedu do Božeho spěća by při trochu zbožownišim wotběhu njerozsudny wuslědk móžny był. Hižo w 2. min. misny wótry kop Hanuzy horni třiróžk wrotow. Hra wosta dale wotewrjena, spěšna a bojowniska. Wólny kop domjacych w 20. min. zleća wysoko před wrota, wrotar Hahn jón podhódnoći, a Großnaundorfski nadběhowar zhłójčkowa bul k 1:0 do klětki. Cyłk kapitana Cyža spyta ze wšej mocu zastatk wurunać. Tak wotpopadny Korjeńk přihrawku w srjedźnym polu, ale třěli trochu přewysoko na wrota. Dwě mjeńšinje po tym (25.) wuwojowa sej Hommel róžk a krótko na to znješkódni domjacy wrotar třělwu Cyža.

Widźał, słyšał, napisał (09.05.16)

póndźela, 09. meje 2016 spisane wot:

Awtor dźensa

Jan Hrjehor

Gangster – swětowy mišter w Róžeńće na wopyće! Tak abo podobnje móhła so krótka rozprawa wo konju započeć, kotryž bě lětsa prěni raz jutrowny kóń. Meterwosomaštyrceći wysoki šumjel bě so nam na februarskim wopyće na jěchanskim dworje blisko Magdeburga hakle krótko do wotjězda pokazał, jako jeho młoda jěcharka na dworje sedłaše. Z konjom Bamke mějachmy hižo dalšeho šumjela za jutry 2016 wupytaneho. Tak hodźeše so šumjel-wurězanc Gangster cyle derje ke koble. Nic runjewon po wysokosći, za to pak po charakteru a wulkosći za křižerja-nowačka. Bamke bě dźesać centimetrow wyši. Wobsedźerka nam do wotjězda hišće wosebite mjeno konja přeradźi, zo bychmy wulki pjatk w Róžeńće tež wědźeli, štó z kim a tak dale. Jako słyšachmy mjeno Gangster, wubudźi to w nami tróšku brjušebolenje, wosebje w nowačku. Wobsedźerka pak změrujo doda, zo bě Gangster raz gangster, zo pak to dźensa hižo njeje, wšako zasadźeja jeho w jěchanskim wukubłanju dźěći a młodostnych.

Wuslědki (09.05.16)

póndźela, 09. meje 2016 spisane wot:

Wokrjesna koparska liga, stafla III

Großharthau – Němske Pazlicy 1:3 (0:2)

Ottendorf/Lieg. – Großdrebnitz 4:2 (1:1)

Frankenthal – Haselbachtal 3:1 (2:0)

Mar. hwězda – Großnaundorf 1:3 (0:2)

Hlinowc – Njebjelčicy 1:1 (1:1)

Sepicy – Arnsdorf2:2 (0:2)

1. Ottendorf/Liegau 21 50  : 20 50

2. Frankenthal 21 60  : 31 49

3. Großnaundorf 23 66  : 31 48

4. Arnsdorf 23 57  : 25 42

5. Großröhrsdorf II 22 42  : 28 39

6. Marijina hwězda 21 65  : 43 33

7. Njebjelčicy 22 41  : 34 32

8. Sepicy 21 56  : 52 32

9. Haselbachtal 22 47  : 52 32

10. Němske Pazlicy 21 33  : 43 27

11. Hlinowc 21 30  : 52 17

12. Wóslink/Skaskow 21 25  : 58 11

13. Großharthau 21 21  : 65 11

14. Großdrebnitz 22 24  : 83 10

Wokrjesna liga, stafla II

Lubuš – Hory II3:0 (1:0)

FC Łužica – Njeswačidło 1:3 (0:1)

Wětnica/Hola – Šćeńca 3:0 (1:0)

Ćisk II – N. Hrabowka 1:3 (1:0)

Rakecy II -– Ralbicy/Hórki II 3:1 (1:0)

Sport (06.05.16)

pjatk, 06. meje 2016 spisane wot:

Sobustawska Viktorije Worklecy

Wutoru, 10. meje, w 17 hodź. chce statny sekretar dr. Michael Wilhelm Worklečansku gmejnu a sportowcow tamnišeje Viktorije Worklecy wo spěchowanskich srědkach za sportowu halu informować. Po tym su wšitcy čłonojo Viktorije Worklecy na sobustawsku zhromadźiznu přeprošeni. Wažny dypk budu při tym nowowólby předsydstwa.

WFV poskića dalekublanja

Zapadołužiski koparski zwjazk (WFV) poskića w meji hnydom tři dalekubłanja. Prěnje dalekubłanje su małe hry, trening z bambinijemi a młodźinu F póndźelu, 9. meje, wot 17 hodź. w Liegau-Augustusbadźe. Druhe dalekubłanje je trening z młodźinomaj D a C wutoru, 17. meje, wot 17 hodź. we Wjelećinje, a třeće dalekubłanje su zaso małe hry z bambinijemi a młodźinu F wutoru, 24. meje, wot 17 hodź. pola Póst Germanije Budyšin na Edisonowej 12. Za kóžde dalekubłanje ma wobdźělnik 15 eurow zapłaćić. Přizjewjenja pod

Koparske dypkowe hry

07.05. 13:00 Kulow II – Němske Pazlicy II

07.05. 15:00 Kulow – Ralbicy/Hórki

08.05. 11:00 Rakecy – Łuty

08.05. 13:30 Budissa – Neustrelitz

08.05. 15:00 Chrósćicy – Großröhrsdorf

08.05. 15:00 Rakecy II – Ralbicy/Hórki II

08.05. 15:00 Marijina hwězda

Serbska koparska wubranka žonow je wčera w Ralbicach prěni zjawny test do lětušeje europeady derje wobstała a přećiwo holčemu mustwu Wojerecy 1919 njerozsudnje 1:1 hrała. Wojerowčanki nawjedowachu wot třećeje mjeńšiny z 1:0 přez Dorotheju Tanneberger. Za Serbowki wurunała je Lenka Fryčec. Na wobrazu widźimy Christinu Pašcynu (nalěwo, serbska wubranka) a Laru­ Brücknerec (naprawo, Wojerecy 1919) w dwuboju. Anna Rychtarjec w pozadku scenu wobkedźbuje. Foto: Jörg Stephan

Recept wuspěcha pobrachował

srjeda, 04. meje 2016 spisane wot:

ST 1922 Radwor

– Traktor Malešecy 1:2 (1:1)

Zestawa domjacych: Wróbl – Henke, Buša, Šěrak, Zähr, von Karwin, Šram, Wjeńka, Nuk, Mark (72. Hančik), Abdullah (72. Schulze)

Po dobyću přećiwo zastupnistwu z Wjazońcy chcychu koparjo ST Radworja w derbyju na dobry wukon nawjazać. Trenar Pětr Bejmak dyrbješe so jeničce sylneho Winarja wzdać, kotryž pjateje žołteje karty dla pobrachowaše.

Radworčenjo sej wjele předewzachu, ale spočatnje tak prawje do hry njepřiń­dźechu. Hinak wupadaše to pola Malešanskich, hnydom wot spočatka někotre razy strašnje do jich šěs­natki kombinowachu. Tak docpěchu tež hnydom w 10. min. na­wjedowanje. Přez prawe křidło bu bul do šěsnatki hraty, Wróbl jón přesłabje wotwobara a nadběhowarjej před noze po­łoži. Tón třěli hrajny nastroj bjez problemow­ do prózdnych wrotow. Domjacy­ pak njedachu so docyła z kon­cepta přinjesć­ a nětko tež Malešan­ske wrota nadběhowachu. Krótko na to slědowaše­ hižo jich wotmołwa. Nuko­wy daloki zamjet do šěsnatki docpě Karwina­, kiž z krótkeje distancy wuru­na (15.). Skónčnje běše wšitko zaso wotewrjene.

Přechodnje na 4. městnje tabulki

srjeda, 04. meje 2016 spisane wot:

ST 1922 Radwor

– ST Wjazońca 3:1 (1:0)

Zestawa domjacych: Wróbl – Sćapan, Buša, Henke, von Karwin, Šram, Zähr, Nuk, Šěrak, Omran (46. Bauer), Winar (86. Hančik)

Z dobyćom bychu so Radworscy koparjo přechodnje na dobre 4. městno w tabulce sunyli. Najprjedy pak dyrbjachu přećiwo Wjazońčanam nastupić, kotřiž běchu tydźenja domaj z 0:8 chětro pod kolesa přišli. Zo běše to jónkrótne wobsunjenje, chcychu nětko w Radworju pokazać. Přećiwnik pak měješe něšto přećiwo tomu. Hnydom z prěnim dobrym nadběhom Winar bul k 1:0 do wrotow zhłójčkowa (4.). Domjacy partiju nimale přez cyły čas postajachu. A wuhrawachu sej šansu po šansy. Najlěpše měještaj Winar a Omran.

W 67. min. Wjazońčenjo wurunachu. Přejednorje běchu sej bul před a w šěsnatce přihrawać móhli. Reakcija wšak pjeć mjeńšin na to slědowaše. Karwin přetwori jědnatku k zasłuženemu 2:1 (72.). Hosćo w defensiwje popušćachu, a móžnosće za domjacych so nětko kopjachu. Šram w 82. min. z kopom ze zdalenosće 20 metrow na 3:1 zwyši. Fabian Wróbl

Wuslědki (04.05.16)

srjeda, 04. meje 2016 spisane wot:

Wokrjesna koparska liga, stafla I

Póst Budyšin II – Załom 1:4 (1:2)

Mały Wjelkow – Porchow 0:4 (0:3)

Radwor – Malešecy1:2 (1:1)

1. ST Budyšin 22 68  : 28 56

2. Malešecy 23 70  : 26 51

3. HZ Budestecy 23 69  : 37 46

4. Załom 22 56  : 27 38

5. Radwor 23 55  : 29 36

6. Kubšicy 21 45  : 27 36

7. Porchow 23 55  : 57 32

8. Wulka Dubrawa/Min. 22 40  : 38 29

9. Wjernarjecy 23 44  : 44 28

10. Wjazońca  22 37  : 61 28

11. Wóspork 22 31  : 55 28

12. Póst Budyšin II  22 43  : 59 21

13. Hodźij 22 27  : 50 18

14. Hnašecy II 22 28  : 72 14

15. Mały Wjelkow 22 28  : 86 10

Lea Krječmarjec z Wulkeho Wjelkowa měješe minjeny kónc tydźenja wulku česć, w Budyšinje přećelsku koparsku hru mjez młodźinomaj A Pósta Germanije Budyšin a Dynama Drježdźany sudźić. Šulerka Budyskeho Serbskeho gymnazija bě hakle loni licencu­ za koparsku sudnicu dóstała. Dynamowcy su njeruny duel ze 14:1 dobyli. Foto: Jörg Stephan

Hosćićel šansy lěpje wužiwał

wutora, 03. meje 2016 spisane wot:

HZ Ottendorf/Liegau

– SJ Njebjelčicy 2:0 (0:0)

Zestawa hosći: Matješk – Kral, Deleńk, Šołta, Haška, Hanuza, Cyž, Hrjehor, Hommel, Hoelzel (70. Korjeńk), Ričel

Na kumštnym trawniku w Ottendorfje wuspěch žnjeć bě, je a wostanje ćežko. Z trěbnym nastajenjom dachu so Njebjelčanscy koparjo do partije, a w prěnim połčasu so jim poradźi hru wotewrjenu dźeržeć. Hosćićel měješe wjace šansow, ale tež Njebjelčenjo mějachu jednu přez Ričela, kotruž domjacy wrotar k róžkej wotwobara.

nawěšk

nowostki LND