Běh z nowym rekordom

wutora, 13. junija 2017 spisane wot:
121 atletow je so na wosmym 24hodźinskim běhu po 925 metrow dołhej čarje wokoło Wojerowskeje Łužiskeje kupjele wobdźěliło. Absolwowali su tam wšelake distancy. Dźewjeć muži a dwě žonje běchu samo cyłe 24 hodźin po puću. Gerd Teichert, dobyćer 24hodźinskeho běha, bě 185 kilometrow na nohomaj. Foto: Werner Müller

Wuslědki (13.06.17)

wutora, 13. junija 2017 spisane wot:

Wokrjesna koparska liga, stafla II

Nowe Město II – Lubuš 1:1 (0:1)

Wojerecy II – Rakecy II 2:2 (1:0)

LSV Bluń – ST Radwor 1:2 (1:2)

LSV Hory II – FSV Łuty 3:3 (3:2)

Ćisk II – Ralbicy/Hórki II 2:1 (2:1)

Łaz/Běły Chołmc – Wulke Ždźary 1:0 (0:0)

Nadr. Hrabowka – Njeswačidło 6:1 (4:0)

1. HZ Łaz/Běły Chołmc 25 61  : 31 53

2. ST Radwor 25 78  : 29 51

3. HZ Wulke Ždźary 25 55  : 31 47

4. ST Ćisk II 25 41  : 42 42

5. ST Lubuš 25 50  : 35 41

6. Nowe Město II 25 43  : 39 40

7. FSV Łuty 25 50  : 33 37

8. Nadrózna Hrabowka 25 57  : 56 33

9. LSV Hory II 25 39  : 48 29

10. Rakečanske ST II 25 37  : 50 29

11. Wojerowski FC II 25 45  : 65 29

12. Módro-běli Njeswač. 25 44  : 70 21

13. LSV Bluń 25 35  : 67 20

14. Sokoł Ralbicy/Hórki II 25 27  : 66 10

Wysoko dobyli

póndźela, 12. junija 2017 spisane wot:

SJ Njebjelčicy

– ST Wóslink/Skaskow 7:0 (3:0)

Zestawa domjacych: Wićaz – Hrjehor, Kral, Zeller (54. Pawlik), Hommel, Šołta (54. Dubaw), Janca, Hoelzel, Hanuza, Čornak (59. Korjeńk), Lejnart

Při horcym wjedrje padachu wrota w poslednjej domjacej hrě koparjow Njebjelčanskeje SJ w sezonje kaž zrałe płody. Na jednej stronje njebě přećiwnik z Wóslinka/Skaskowa runjewon přesylny kontrahent, na tamnej stronje Njebjelčenjo tónraz zaměrnje wo wrota wojowachu. Tak bě partija do přestawki z 3:0 hižo rozsudźena. Wo to postarali běchu so Robert Lejnart (11.), Jakub Šołta (17.) a Gabriel Čornak (41.). Dalše wulkej móžnosći měještaj Šołta hižo w prěnjej mjeńšinje, jako třěli z połneho běha do łaty hóstnych wrotow, a Tomy Hommel po rjanym soloběhu, jako misny wón klětku přećiwnika jenož wo centimetry.

Přesłapjeni su so hrajerjo druheho koparskeho mustwa SJ Chrósćicy wčera popołdnju z přećiwnikom z Hlinowca a ze sudnikom Ralfom Schulzu rozžohnowali. Dwaj hrajnej dnjej do kónca sezony móhli woni na swójskim sportnišću staflowe dobyće swjećić. Hlinowskemu SC pak z 0:2 podležachu. Foto: Jan Hrjehor

Widźał,słyšał, napisał (12.06.17)

póndźela, 12. junija 2017 spisane wot:

Awtorka dźensa

Halena Jancyna

Po dypkowych hrach we volleyballu popřeja sej hrajerjo nětko mału přestawku. Mnozy wšak wužiwaja lěćny čas za sportowanje w pěsku při beachvolleyballowym saku. W Pančicach-Kukowje pak tomu tak njeje. Tam trenuje na přikład kóždu srjedu a pjatk nowa zestawa prěnjeho volleyballoweho mustwa Marijinych hwězdźičkow pod trenarkomaj Annu Fünfstück a Danielu Kralec. Po tym zo bě dotalny trenar Ralf Wachsmann přestał, su to tež tři hrajerki. Na spočatku stareje sezony njebě so nichtó tak prawje ze situaciju rozestajeć chcył. Po dołhim přemyslowanju z 1. a 2. žónskim mustwom rěkaše rozsud: Wobě měještej so zjednoćić, zo móhli Marijine hwězdźički we wobwodnej lize dale hrać. Ale z kotrym wuslědkom? Wjele hrajerkow druheho mustwa njeje sobu do nowowutworjeneho cyłka přešło a za nowe-stare druhe mustwo njebě dosć ludźi. Sekcija volleyball ST Marijineje hwězdy je tuž kompletne mustwo zhubiła a nic jenož to. Někotre by­wše hwězdźički hraja přichodnje we Worklecach abo w Koblicach.

16. hrodowy triatlon

póndźela, 12. junija 2017 spisane wot:

Mało serbskich sportowcow w Moritzburgu startowało

Při perfektnym wjedrje startowachu njedźelu dopołdnja serbscy triatleća do lětušeje sezony. Hnydom wjacori Serbja pak z najwšelakorišich přičin pódla njeběchu. Beno Šołta z Miłoćic braščeše na serbskim kwasu, Daniel a Tomaš Matka dyrbještaj w nocy do toho dźěłać. Cyłkownje 500 atletow poda so rano w dźewjećich po tradicionalnym wutřělu z kanony do Moritzburgskeho hrodoweho hata na olympisku distancu. Wysokeje wodoweje temperatury dla běše neoprenowy płuwanski woblek zakazany. Nimo rutinjejow přicpěwa sej lěto wob lěto tež wosebje wjele nowačkow naročnu distancu. Tak wobdźěli so Chróšćan Michał Šrajer prěni raz na olympiskim triatlonje (1,5 km płuwać – 40 km kolesować – 10 km běžeć). Po 2:48:21 hodź přiběža wón po čerwjenym přestrjencu do cila. Napjaty duel wo krónu najspěšnišeho Serba wuwojowaštaj Marian Žur z Lejna a Silvio Bjarš z Budyšina. Wo jeničce poł mjeńšiny běše Budyšan spěšniši, štož zaležeše wosebje na lěpšimaj změnomaj.

Kónčne hry wo wokrjesny pokal

póndźela, 12. junija 2017 spisane wot:

Wot 16. do 18. junija přewjedźe Zapadołužiski koparski zwjazk kónčne hry wo wokrjesny pokal. Wšitke duele na sportowym arealu w Rakecach.

pjatk, 16. junija, we 18. hodź. hra starych knjezow: Módro-běli Kulow – HZ Wojerowski FC / Wětnica

sobotu, 17. junija, w 10.30 hodź. hra młodźiny C: Módro-běli Kulow – Wojerowski FC

w 13 hodź. hra młodźiny B: Jednota Kamjenc – HZ Kubšicy/Bukecy

w 15.30 hodź. hra muži: Sokoł Ralbicy/Hórki – Rakečanske ST

njedźelu, 18. junija, w 10.30 hodź. hra młodźiny A: HZ Biskopicy/Nowe Město – HZ Ćisk/Łaz/Běły Chołmc/Hory

w 13.30 hodź. hra žonow: Wojerowski FC – SZ Liegau-Augustusbad Kilian Hrjehor

Winowatostny wuspěch

póndźela, 12. junija 2017 spisane wot:

ST Drjewnica

– SJ Njebjelčicy 0:3 (0:1)

Zestawa hosći: Hahn – Hrjehor, Kral, Haška, Pawlik (57. Zeller), Hommel, Šołta, Hoelzel, Hanuza, Korjeńk (70. Čornak), Lejnart

Dołho dyrbjachu koparjo Njebjelčanskeje SJ na prěnje swójske wrota čakać. A znowa njejsu šansy dosć wužiwali. Jakub Šołta, Robert Lejnart a Pawl Hrjehor wuwostajichu wjacore dobre móžnosće. Hakle w 44. min. docpě Leopold Hoelzel nawjedowanje, jako so na prawej stronje rjenje přesadźi a z połneho běha bul k 0:1 nisko do syće sadźi.

Premjera pokalneho finala hižo horca była

póndźela, 12. junija 2017 spisane wot:

Sokoł Ralbicy/Hórki

– Rakečanske ST 3:3 (1:2)

Zestawa domjacych: Ch. Gloxyn – M. Matka (27. Rawš), Zynda, B. Bjeńš, K. Matka, D. Gloxyn, Šewc, Wowčerk (72. J. Bjeńš), Kurjat, S. Bjeńš, Domaška

Sobotu w 15.30 hodź. nastupja koparjo Sokoła Ralbicy/Hórki we wokrjesnym pokalnym finalu w Rakecach. To dyrbi pokalny zakitowar přećiwo wčerawšemu přećiwnikej nastupić, kiž změje potom wězo lěpšinu, doma hrać.

Wuslědki (12.06.17)

póndźela, 12. junija 2017 spisane wot:

Wokrjesna wyša koparksa liga

Kulow – Ćisk0:3 (0:2)

Ralbicy/Hórki – Rakecy 3:3 (1:2)

1. ST Ćisk 29  100  : 23 71

2. Sokoł Ralbicy/Hórki 29 76  : 38 56

3. Rakečanske ST 29 73  : 52 53

4. ST Hnašecy-Dobruša 29 65  : 55 51

5. LSV Hory 29 72  : 46 47

6. SC Großröhrsdorf 29 48  : 36 45

7. ST Kinspork/Łužnica 29 57  : 46 38

8. Motor Kumwałd 29 53  : 68 38

9. Póst Germania Budyšin 29 51  : 61 37

Serbska debata

nowostki LND