Sport (25.08.17)

pjatk, 25. awgusta 2017 spisane wot:

Běhi na Běłobóh

We Wopačanskim stadionje budźetej njedźelu start a cil za 38. běhi na horu Běłobóh. W poskitku změja tam tele čary: 1,5 km (start 10:05 hodź.) / 4,9 km (start 10 hodź.) / 12 km (start 10 hodź.) a 20 km (start 10 hodź.). Dalše informa­cije pod www.baer-service.de

Triatlon we Łazu

Jan Lešawa z Budyšina, Beno Šołta z Miłoćic a Marian Žur z Lejna startuja njedźelu we Łazu we wobłuku 29. tria­tlonoweho wubědźowanja KnappenMan za triteam Serbja. Do wubědźowanskich lisćin su tež Budyscy Bjaršec hólcy Oliver, Silvio a Fritz (wšitcy Čerwjeno-běli 90 Budyšin) zapisani. Hač na Fritza Bjarša startuja wšitcy na olympiskej distancy, a to zajutřišim w 14.30 hodź.

Za Powerserb so přizjewić

Lětuše sportowe wubědźowanje Powerserb přewjedu 9. septembra wot 13 hodź. w Kopšinje. Wuhotować budźe je Traktor Kopšin. Ze Serbskim młodźinskim towarstwom Pawk, kotrež je zarjadowar, su so traktorisća na wosom stacijow dojednali. Startowy pjenjez na mustwo wučinja dźesać eurow, a mustwo dyrbi z pjeć hólcow a jedneje holcy wobstać. Přizjewjenja su móžne na Facebooku pod Flex Wokx.

Kónctydźenska kopańca

26.8. 13:00 Módro-běli Kulow II

Koparski talk

štwórtk, 24. awgusta 2017 spisane wot:
W Kamjenskim měšćanskim dźiwadle wotměje so 7. septembra koparski talk z Eduardom-„EDE“­ Geyerom a Gertom „Zimmi“-Zimmermannom. Rozmołwa započnje so w 19 hodź. Zastupne lisćiki za dźesać eurow předawa sportowy wobchod­ Team Sportladen na Pfortenstraße 3 w Kamjencu. SN

Faworitej jasnje podleželi

štwórtk, 24. awgusta 2017 spisane wot:

SJ Chrósćicy II – HZ Łaz/Běły Chołmc 0:7 (0:4)

Zestawa domjacych: Matješk – Dehn, Hojer (46. Wićaz ), Dórnik, Klimant, Wowčer, Pjetaš (46. Zahrodnik), Budar, Kunze (46. Lešawa), Liznar, Šmit

Po poražce w Rychbachu přećiwo ST Haselbachtalej witaše Chróšćanska koparska rezerwa mustwo Hrajneho zjednoćenstwa Łaz/Běły Chołmc. Hosćićel dyrbješe swój cyłk na někotrych pozicijach přestajić, dokelž měješe personelne problemy.

HZ Łaz/Běły Chołmc, druhi wokrjesneje ligi w zašłej sezonje, běše jasny faworit­. Po jědnaće mjeńšinach steješe za nje hižo 0:3. Domjacy njemóžachu ze spĕšnosću sobu dźeržeć. Poněčim pak so na nju nastajichu a dowolichu jenož hišće mało šansow. W 43. min. zwyši hósć na 0:4.

W połčasu Chróšćenjo třoch hrajerjow wuměnichu. Tak přińdźechu k někotrym šansam, přiwšěm njechaše so jim ničo zešlachćić. W 51. min. zwyši Weigel na 0:5 a dźewjeć mjeńšin pozdźišo Pfeifer na 0:6. Poněčim hosćo tempo borzdźachu a hosćićelscy koparjo jewjachu so nětko tróšku časćišo před wrotami přećiwnika. Tón pak běše koncentrowany, tak zo ničo ličomneho za SJC II njewuskoči. W 90. min. Wutzke hišće na 0:7 zwyši.

Wuslědki (24.08.17)

štwórtk, 24. awgusta 2017 spisane wot:

Wokrjesna koparska liga, stafla I

Germania Budyšin II – Połčnica 1:1 (0:0)

Horni kraj Sprjewja II – Porchow 1:1 (0:0)

Malešecy – Bretnig-Hauswalde 6:1 (0:0)

Ottendorf-Okrilla – Wjernarjecy 1:0 (0:0)

1. Traktor Malešecy 2 14  :  1 6

2. SG Frankenthal 2 7  :  0 6

3. TSV Wachau 2 5  :  0 6

4. ST Porchow 2 6  :  2 4

5. TSV Połčnica 2 4  :  1 4

6. Arnsdorfske KT 2 5  :  4 4

7. SC Großröhrsdorf II 2 2  :  1 4

8. TSV Wjernarjecy 2 2  :  2 3

9. FV Ottendorf-Okrilla 2 1  :  3 3

10. ST Horni kraj Sprjewja II 2 1  :  4 1

11. Germania Budyšin II 2 2  :  6 1

12. Concordia Załom 1 1  :  2 0

13. ST Huska 2 3  :  8 0

14. Postup Großharthau 2 0  :  5 0

15. FSV Bretnig-Hauswalde 2 1  :  7 0

16. Budissa Budyšink 1 0  :  8 0

Wokrjesna liga, stafla II

Wojerecy II – Marijina hwězda 2:1 (1:0)

Wulka Dubrawa – Wulke Ždźary 0:2 (0:1)

Lubuš – Natwar Němske Pazlicy 3:1 (1:1)

Sprjewja II – Haselbachtal 3:1 (2:0)

Chrósćicy II – Łaz/Běły Chołmc 0:7 (0:4)

Rakečanske ST II – Łuty 1:1 (1:0)

Njebjelčicy – Nadr. Hrabowka 3:2 (1:1)

Zeleno-běli Sepicy – Ćisk II 1:1 (1:0)

1. ST Lubuš 2 6  :  2 6

2. HZ Łaz/Běły Chołmc 2 9  :  2 4

3. ST Ćisk II 2 5  :  2 4

4. Wojerowski FC II 2 4  :  3 4

5. Natwar Němske Pazlicy 2 7  :  3 3

6. LSV Nowe Město II 1 3  :  1 3

7. HZ Wulke Ždźary 1 2  :  0 3

8. SV Haselbachtal 2 4  :  3 3

9. ST Nadrózna Hrabowka 2 5  :  5 3

10. SJ Njebjelčicy 2 4  :  6 3

11. FSV Łuty 1 1  :  1 1

11. Rakečanske ST II 1 1  :  1 1

13. Zeleno-běli Sepicy 2 1  :  7 1

14. ST Wulka Dubrawa 2 2  :  5 0

14. ST Marijina hwězda 2 2  :  5 0

16. SJ Chrósćicy II 2 0  :  10 0

Rewanša so zešlachćiła

srjeda, 23. awgusta 2017 spisane wot:

VFB Auerbach 1906 – FC Energija Choćebuz 0:4 (0:3)

Zestawa hosći: Meyer – Starcew, Karbstein, Stein, Schlüter, Kruse (82. Gehrmann), Ziegenbein (65. Zimmermann), Viteritti (75. Geisler), Weidlich, De Freitas, Mamba

Ze 4:0 pola VfB Auerbach su koparjo FC Energija Choćebuz tež štwórtu dypkowu hru noweje sezony w regionalnej lize z dobyćom zakónčili. Runočasnje rewanšowachu so za domjacu poražku 1:3, kotruž běchu přećiwo VFB Auerbachej před pjeć měsacami poćerpjeli. Hosćo z Vogtlanda wobarachu so njedźelu poł hodźiny. Hakle foul přećiwo Andrejej Starcewej w šěsnatce a na to slědowacy pokutny kop (29.) zahajištej wrotowu lawinu. Jědnatku přetwori Fabio Viteritti. Hišće do połčasa zwyšištaj Björn Ziegenbein (33.) a Streli Mamba (45.+3) na 3:0. Tak bě po 45 hratych mjeńšinach prašenje za dobyćerjom hižo wotmołwjene. Traješe pak přiwšěm hač do 86. min., zo třěli Mamba po wuběrnej přihrawce Felixa Geislera 4:0. Mamba lisćinu třělcow w regionalnej koparskej lize-sewjerowuchod ze šěsć wrotami nawjeduje.

Po hrubym duelu poraženi

srjeda, 23. awgusta 2017 spisane wot:

SC Großröhrsdorf – Sokoł Ralbicy/Hórki 1:0 (0:0)

Zestawa hosći: Ch. Gloxyn – Rawš, B. Bjeńš, Šewc, K. Matka, M. Matka, D. Gloxyn, Šołta, Janca, S. Bjeńš, Kurjat

Z Gabrielom Čórlichom, Uwe Młynkom, Fabianom Korjeńkom, Pětrom Domašku a Robertom Maternu pobrachowaše Ralbičanam hnydom pjeć akterow, za to pak wupomhaštaj delanskemu teamej Dirk Šołta a Bosćij Bjeńš.

Wot wšeho spočatka postajowachu hosćo bojownisku hru a mějachu w prěnim poł­času tež štyri jara dobre składnosće. Dwójce­ bu Michał Matka na lěwym kři­dle pósłany, wobaj razaj pak wón z wó­treho kuta na wrotarju abo wonkownym saku zwrěšći (10., 21.). Gabriel Kurjat wuhra na to nutřkowneho škitarja, ale kut bě znowa přewótry (30.). Krótko do połčasa bu Maik Janca na prawym křidle nahraty. Wón móhł na wrota třělić, bu pak w poslednim wokomiku myleny, dokelž předołho čakaše.

Wuslědki (23.08.17)

srjeda, 23. awgusta 2017 spisane wot:

Wokrjesna wyša koparska liga

Germania Budyšin – Bukecy 1:1 (0:1)

Rakecy – Drohotka Ramnow 2:2 (2:1)

Großröhrsdorf – Ralbicy/Hórki 1:0 (0:0)

Kumwałd – Hnašecy-Dobruša 1:1 (1:1)

Wojerowski FC – Wjelećin 3:1 (0:0)

Hory – Módro-běli Kulow 0:7 (0:1)

Radwor – Großnaundorf 4:1 (4:1)

Kinspork/Łužnica – Budyšin 5:0 (2:0)

1. Módro-běli Kulow 2 13 :0  6

2. Wojerowski FC 2 5 :1  6

3. SC Großröhrsdorf 2 3 :0  6

4. ST Hnašecy-Dobruša 2 5 :3  4

5. ST Drohotka Ramnow 2 4 :3  4

6. ST Radwor 2 5 :3  3

7. Sokoł Ralbicy/Hórki 2 3 :1  3

8. ST Kinspork/Łužnica 2 5 :6  3

9. ST Wjelećin 2 3 :4  3

33. měrowy běh přewjedli

wutora, 22. awgusta 2017 spisane wot:

W Běłej Wodźe so rady wubědźuja

Lochkoatletiska sekcija sportoweho zjednoćenstwa TSG Hamor/Běła Woda je na swój­ mjeztym 33. měrowy běh přeprosyła. Při přijomnym wjedrje pósła organizator tohole wurisanja Wolfgang Petsch na 160 běharkow a běharjow wšěch starobnych klasow na zwjetša płony­ pjeć kilometrow dołhi kołokurs w lěsnym pasmje na zapadnej kromje Běłeje Wody po lěsnych a pěskojtych pućikach.

Běhaj na 5 a 10 km hódnoćitej so za rjadnej lisćinje­ Delnjołužiski cup a za Wjercha Pücklerowy pokal. Starterojo na 10 km dyrbjachu kołokurs dwójce zmištrować. Sportowcy běchu z 50 zjednoćenstwow z cyłeje Braniborskeje kaž tež Sakskeje.­ Cyłkownaj dobyćerjej na 10 km běštaj Daniel­ Seher z Běłeje Wody (35:06 min) a Jasmin Beer z Komptendorfa (38:44 min). Roman Měrćink z Baćonja doby w starobnej skupinje 30 (41:40 min) a cyłkownje wobsadźi wón 11. městno.

Znowa njezbožownje podleželi

wutora, 22. awgusta 2017 spisane wot:

SJ Chrósćicy

– FSV Wódrjeńca 02 2:3 (0:1)

Zestawa domjacych: Králíček – Dórnik (72. D. Bogusz), Bětnar, Hrdlitschka, Sentivan, Runt (46. Młynk), M. Zahrodnik, Henčel, F. Zahrodnik (56. Teichmann), J. Bogusz, Němec

Při rjanym słónčnym wjedrje dožiwi 110 přihladowarjow w Chrósćicach napjatu dypkowu hru krajneje koparskeje klasy. Partija bě so za domjacych porjadnje započała. Woni derje kombinowachu a běchu hru postajacy. Tola bytostne móžnosće njemóžachu sej wuhrać. Přećiwnik sadźeše akcenty ze spěšnymi konterami. Te pak móžeše Chróšćanska defensiwa z nowopřichadom Marcom Hrdlitschku wotwobarać. Přiwšěm hosćićel kontrolu nad hru poněčim zhubi. Tak docpě Wódrjeńca we 38. min. přez wólny kop 0:1. Z něhdźe 30 metrow smokny nadběhowar bul do praweho kuta. Nje­zbožowny wrotar Petr Králíček so bula hišće dótkny, njemóžeše pak jón wokoło žerdźe zwjertnyć. Tak běchu Chróšćenjo k połčasej zaso jónu w zastatku.

Stafle za bičwolejbul wulosowane

wutora, 22. awgusta 2017 spisane wot:

Póndźelu, 28. awgusta, přewjedźetej Serbski Sokoł jako zarjadowar a Radijo Sat­kula jako wuhotowar finale bičwo­lejbuloweje tury Radija Satkula. Wčera su Satkularjo štyri skupiny po pjeć mustwach wulosowali.

SKUPINA A:

1. JCS Smjerdźaca

2. CTP

3. Škit Budyšin

4. Konjecy Šunow

5. Nuknica

SKUPINA B:

1. Pančan žony

2. Serbska murja

3. Radwor

4. OSSV Kamjenc

5. Volker Racho

SKUPINA C:

1. Handicap

2. Wučerjo

3. Power Rangers

4. Satkula

5. Róžant

SKUPINA D:

1. Mixery

2. Dwójna nula

3. Dźiwje micki

4. Na-woči

5. mustwo bjez mjena SN

nowostki LND