Turněr Sokoła
Chcedźa za štyri lěta zhromadnu europeadu
Narodnej mjeńšinje Danow w Němskej (Sydslesvigs danske Ungdomsforeninger SdU) a Němcow w Danskej (Bund Deutscher Nordschleswiger BDN) chcetej so zhromadnje za europeadu 2020 požadać. W tym lěće swjeći danska mjeńšina stote narodniny, kaž piše dźenik Flensborg Avis. Tež Sintow a Romow a Sewjernych Frizow chcedźa woni sobu do europeada-čołma wzać a so jako sylna štyrka před wuběrkom FUEN prezentować, kotryž w meji 2017 w rumunskim Cluju rozsudźi, štó 4. europske koparske mišterstwa narodnych mjeńšin wuhotuje.
Wotběhać sej hodownu husycu
Wuslědki (19.12.16)
Regionalna koparska liga
Budyšin – Auerbach 1:1 (0:1)
Luckenwalde – Neugersdorf 0:1 (0:1)
Fürstenwalde – BFC Dynamo 4:1 (2:0)
Hertha II – RB Lipsk II 1:1 (1:1)
Choćebuz – Lok Lipsk 2:1 (1:0)
1. Carl Zeiss Jena 17 33 : 6 42
2. Energija Choćebuz 18 29 : 10 38
3. Berlinski AK 17 30 : 21 33
4. RB Lipsk II 18 27 : 22 30
5. FC Viktoria Berlin 17 33 : 21 28
6. Babelsberg 03 17 30 : 24 28
7. BFC Dynamo 18 31 : 23 26
8. FC H. Ł. Neugersdorf 17 23 : 15 26
9. Lok Lipsk 18 26 : 25 26
10. Hertha BSC II 17 22 : 22 26
11. Nordhausen 16 24 : 23 23
12. FC Schönberg 17 27 : 31 22
13. Meuselwitz 17 13 : 16 18
14. Auerbach 18 19 : 33 18
15. Union Fürstenwalde 18 18 : 33 15
16. Budissa Budyšin 18 16 : 27 12
17. FSV Luckenwalde 17 12 : 30 11
18. Neustrelitz 17 15 : 46 4
Sport (16.12.16)
Znowa hodowna kopańca
58. raz přewjedu Budyscy běharjo na sportowym arealu Budissy Budyšin w Humbodltowym haju hodownu kopańcu. Zajimcy zetkaja so 26. decembra w 8.30 hodź., hru zahwizda sudnik w 9 hodź.
Próstwa Serbskeho Sokoła
Serbski Sokoł pyta nuznje sportowcow-trenarjow, kotřiž bychu z koparjemi do Pólskeje na koparski turněr jěli. Serbskej koparskej wubrance SKW U 12 a SKW U 10 stej do Gogolina na turněr přeprošenej. Termin je 22./23. julij 2017. Zamołwići sekcije SKW pola Serbskeho Sokoła trjebaja hač do 19. decembra znajmjeńša štyrjoch dorosćenych, kotřiž bychu sobu jěli. Zajimcy so pola Jana Hrjehorja pod 0151 19076603 přizjewja.
Volleyballowe popołdnjo
Sobotu, 17. decembra, nastupja Worklečanscy volleyballisća jako lětuši dobyćerjo w krajnym pokalnym kole. W skupinje D wotměja woni w Ralbičanskej sportowni dwě hrě. Volleyballowe popołdnjo započnje so w 12 hodź. z duelom ST Kamjenica-Harthau přećiwo GSVE Delitzsch II. Potom nastupja Worklečenjo najprjedy přećiwo přěhračkej a po tym přećiwo dobyćerjej prěnjeje partije.
Nócny wolejbul Pawka
Skónčnje zaso dobyli
TSG Hamor Běła Woda
– Viktoria Worklecy 0:3
(23:25, 19:25, 20:25)
Znowa bě so jeno sydom Worklečanskich volleyballistow na wonkownu hru do Běłeje Wody podało, hdźež chychu seriju zašłych třoch poražkow zakónčić. Prašenje pak rěkaše, hač dyrbjeli znowa z abo bjez libera hrać. Marko Brězan, poprawny libero, bě mjenujcy w treningowych jednotkach jara dobre wukony pokazał a so za poziciju nadběhowarja poskićił. Mustwo rozsudźi so za libera, štož bě ćežki, ale prawy rozsud.
Volleyballowy turněr w Ralbicach
Špatny wukon pokazali
Budissa Budyšin
– ZFC Meuselwitz 0:1 (0:1)
Zestawa domjacych: Wohlfeld – Kolan, Patka, Klippel, Heppner, Hoßmang, Pfanne (70. Baudis), Barth (79. Šisler), Müller, Hänsch (46. Hermann), Němec
Najebać zestupny bój a z nim zwisowacu wažnosć hry bě jenož 267 přihladowarjow na domjacu partiju koparjow Budissy Budyšin přećiwo ZFC Meuselwitzej přišło.
Domjacy so dobyća wosebje nadźijachu. Bohužel pak njemějachu tón dźeń niwow regionalneje ligi. Wot prima wustupa tydźenja w Berlinje ničo spóznajomne njebě. Hóstne mustwo trenarja Heika Webera pak móžeše to, štož bě sej za duel předewzało, přesadźić. Wrota Renéja Weinerta (20.) tomu polěkowachu. Budissa dyrbješe so nětko ćim bóle prócować. Jako prěni wotući Josef Němec, jeho třělwu pak wrotar Steven Braunsdorf bjez ćežow popadny (27.). Na to pruwowaše jeho Daniel Hänsch z kopom ze 14 metrow. Tu pak wrotar ZFC wyše łaty zwjertny (32.). Hač do přestawki so słabym hosćićelam ničo wjace njeporadźi.
18. Mikławšowy koparski turněr
Serbske koparki wuspěšne
Z Marie-Luisu Pjetašec (Chrósćicy), Sofiju Bejmakec (Stare Ratarjecy), Annu Richterec (Budyšin), Leju Krječmarjec (Wulki Wjelkow), Nadju Zamora-Gonzales (Budyšin), Laru Brücknerec (Kulowc) a Claru Hellerec (Praskow) mamy na kopanišćach Sakskeje tuchwilu tójšto serbskich hrajerkow, kotrež móhli přichodne lěta krute žro Serbskeje koparskeje wubranki tworić. Wone wšitke w Biskopičanskim KT 08 za bulom honja, a to na krajnej runinje. Marie-Luise a Sofija stej w kadrje krajneho ligista stajnej hrajerce. Anna a Lea dóstaštej w aktualnej sezonje tež hižo wjacore zasadźenske mjeńšiny w sakskej lize, hdźež stej swoju klasu pokazałoj. W minjenej hrě přećiwo cyłkej Lipšćanskich wobchadnych zawodow je Wulkowjelkowčanka samo swoje prěnje wrota na tutej runinje docpěła. Chróšćanka ma jako srjedźopólna hrajerka a přihotowarka tuchwilu dwoje wrota na konće a škitarka Sofija Bejmakec jedne.
