K narodninam so sami wobdarili

wutora, 10. meje 2016 spisane wot:

ST Hnašecy/Dobruša

– SJ Chrósćicy 0:2 (0:1)

Zestawa hosći: Králíček – Pöpel, Cyž, Šafář, Bětnar, Kunze (51. Młynk), Runt, Domaška, Dehn (73. Šiman), Věchet, Žur (83. Budar)

4. róžownika 1981 bu Sportowa jednotka Chrósćicy do žiwjenja zwołana a załožena. A kaž by to připad tak chcył, je sej SJ Chrósćicy minjenu srjedu, 4. róžownika 2016 – na 35. narodninach –, z dobyćom mišterstwo a z nim zwjazany postup do krajneje klasy dočasnje zaručiła. Kajka to sensacija a krasny připad, kotrejž zapisatej so do stawiznow Chróšćanskeho sportoweho towarstwa.

„Rudi“ so zaso sam přetrjechił

wutora, 10. meje 2016 spisane wot:

SJ Chrósćicy

– SC Großröhrsdorf 3:1 (1:1)

Zestawa domjacych: Králíček – Šiman, Cyž, Šafář, Bětnar, Pöpel (59. Budar), Schulze, Domaška (73. Šmit), Młynk (46. Dehn), Žur, Věchet

Po tym zo běchu sej hižo w Dobruši mišterstwo zawěsćili, chcychu koparjo Sportoweje jednotki Chrósćicy minjenu njedźelu wězo tež doma dobyć. Při sylnym wětřiku, ale wulkotnym słónčnym wjedrje so woni wot wšeho spočatka na hru koncentrowachu. Tak njetraješe dołho a hižo prěni raz we wrotach přećiwnika zaklinka. Po agresiwnym nadběhu na Großröhrsdorfski škit wubědźi sej Žur bul, wotpołoži jón sobu běžacemu Věchetej, kiž jón zymnokrejnje w syći zaměstni (6.). Kajki to wulkotny zazběh! Wjeselo pak traješe jenož někotre mjeńšiny. Hižo z přichodnym nadběhom hosćo wurunachu (11.). W centrali Chróšćanow so bul zhubi, srjedźopólny hrajer njebu konsekwentnje blokowany, wostaji třoch domjacych stejo a kopny bul nisko do krótkeho kuta. Na nadběhi domjacych slědowachu tež přeco zaso strašne nadběhi hosći. Wočiwidne tež bě, zo so Chróšćanam wětřikej napřećo někotryžkuli kop nimokuli. Z 1:1 dźěše do kabiny.

Wuslědki (10.05.16)

wutora, 10. meje 2016 spisane wot:

Wokrjesna wyša koparska liga

Kulow – Ralbicy/Hórki 1:2 (0:1)

Wachau – Hnašecy1:5 (1:3)

Hory – Połčnica2:1 (2:0)

Rakecy – Łuty4:1 (0:1)

Wachau – Bukecy3:5 (1:1)

Chrósćicy – Großröhrsdorf 3:1 (1:1)

Wjelećin – Póst Budyšin 6:2 (1:2)

Ćisk – Kumwałd4:1 (1:1)

1. Chrósćicy 29 68  : 26 69

2. Hory 28 70  : 34 53

3. Ralbicy/Hórki 28 66  : 30 52

4. Rakecy 29 62  : 45 51

5. Großröhrsdorf 28 71  : 51 49

6. Póst Budyšin 29 70  : 59 46

7. Hnašecy 27 63  : 39 43

8. Ćisk 28 64  : 55 41

9. Kumwałd 28 71  : 63 40

10. Połčnica 27 48  : 49 37

11. Ramnow  28 57  : 68 37

12. Bukecy 28 50  : 73 32

13. Kulow 28 49  : 51 29

14. Kinspork 29 57  : 63 29

15. Wjelećin 28 45  : 77 26

16. Wachau 28 39  : 86 19

17. Łuty 28 21  : 10210

350 běharjow a běharkow njebě so wot pochmurjeneho njebja z dešćom wottrašić dało a přichwata na 29. běh po Krakečanskich wyšinach, kotryž bě zdobom šesta stacija lětušeho Wopačanskeho běharskeho cupa.

Krakečanske towarstwo Módro-běli bě sej zaso wšu prócu dało, sportowcam přijomne wuměnjenja poskićić, byrnjež čary tónkróć trochu bóle łužate a błóćane byli hač zašłe lěta. To pak po wšěm zdaću tež dosć wulku ličbu serbskich běharjow skerje motiwowaše, kaž pokazuje nam wid do wuslědkowych lisćinow. Hižo w běhach dźěći wojowaštaj šulerjej Serbskeje zakładneje šule Budyšin Juraj Nuk (OSLV Budyšin, U10) a Elias Kummer (U12) wo cyle prědnje městna. Tak dyrbješe so Juraj na 700 m jenož jednomu sportowcej kłonić a doběhny jako druhi do cila. W slědowacym běhu na 2,1 km, hdźež startowachu šulerjo U12 a U14 zhromadnje, pokaza Elias (U12) wosebje sylny wukon. Wón zamó so přećiwo zwjetša staršej konkurency jako cyłkownje třeći (2. městno U12) wulkotnje přesadźić.

Hosćo šansy lěpje wužiwali

póndźela, 09. meje 2016 spisane wot:

Sokoł Ralbicy/Hórki

– Rakečanske ST 2:3 (1:1)

Zestawa domjacych: Gloxyn – Korjeńk, B. Bjeńš (35. Lulak), Zynda, Schultz, Šołta, S. Bjeńš, Wałda, T. Bejma, Kurjat (60. Bejmak), B. Bejma

SKWž prěni raz nastupiła

póndźela, 09. meje 2016 spisane wot:

Serbska koparska wubranka žonow

– Wojerecy 1919 žony 1:1 (1:1)

Za SKW zasadźene: Jadwiga Rychtarjowa, Tereza Wićazec – Lubina Mičkec, Janika Bětnarjec, Helena Bětnarjec, Michaela Domaškec, Sofija Bejmakec, Marija Grundajec, Lenka Fryčec, Anna Rychtarjec, Julia­ Młynkec, Michaela Młynkec, Christina Pašcyna, Jana Mejglowa, Claudia Hejdušcyna, Elisabeth Škodźic, Marija Škodźina

Za Wojerecy 1919 zasadźene: Isabel Richter – Nathalie Wuschko, Annelie Kulik, Michaela Domaškec, Laura Krämer, Weronika Rachelic, Kati Heil, Sandra Müller, Dorothea Tanneberger, Julia Günzel, Sandra Schmidt, Lara Brücknerec

Dypk móžny był

póndźela, 09. meje 2016 spisane wot:

ST Großnaundorf

– SJ Njebjelčicy 1:0 (1:0)

Zestawa hosći: Hahn – Kral, Deleńk, Šołta, Hrjehor, Hanuza, Cyž, Mjechela (55. Hoelzel), Hommel, Ričel, Korjeńk (68. Čornak)

W nachwatanskej wječornej hrě srjedu do Božeho spěća by při trochu zbožownišim wotběhu njerozsudny wuslědk móžny był. Hižo w 2. min. misny wótry kop Hanuzy horni třiróžk wrotow. Hra wosta dale wotewrjena, spěšna a bojowniska. Wólny kop domjacych w 20. min. zleća wysoko před wrota, wrotar Hahn jón podhódnoći, a Großnaundorfski nadběhowar zhłójčkowa bul k 1:0 do klětki. Cyłk kapitana Cyža spyta ze wšej mocu zastatk wurunać. Tak wotpopadny Korjeńk přihrawku w srjedźnym polu, ale třěli trochu přewysoko na wrota. Dwě mjeńšinje po tym (25.) wuwojowa sej Hommel róžk a krótko na to znješkódni domjacy wrotar třělwu Cyža.

Widźał, słyšał, napisał (09.05.16)

póndźela, 09. meje 2016 spisane wot:

Awtor dźensa

Jan Hrjehor

Gangster – swětowy mišter w Róžeńće na wopyće! Tak abo podobnje móhła so krótka rozprawa wo konju započeć, kotryž bě lětsa prěni raz jutrowny kóń. Meterwosomaštyrceći wysoki šumjel bě so nam na februarskim wopyće na jěchanskim dworje blisko Magdeburga hakle krótko do wotjězda pokazał, jako jeho młoda jěcharka na dworje sedłaše. Z konjom Bamke mějachmy hižo dalšeho šumjela za jutry 2016 wupytaneho. Tak hodźeše so šumjel-wurězanc Gangster cyle derje ke koble. Nic runjewon po wysokosći, za to pak po charakteru a wulkosći za křižerja-nowačka. Bamke bě dźesać centimetrow wyši. Wobsedźerka nam do wotjězda hišće wosebite mjeno konja přeradźi, zo bychmy wulki pjatk w Róžeńće tež wědźeli, štó z kim a tak dale. Jako słyšachmy mjeno Gangster, wubudźi to w nami tróšku brjušebolenje, wosebje w nowačku. Wobsedźerka pak změrujo doda, zo bě Gangster raz gangster, zo pak to dźensa hižo njeje, wšako zasadźeja jeho w jěchanskim wukubłanju dźěći a młodostnych.

Wuslědki (09.05.16)

póndźela, 09. meje 2016 spisane wot:

Wokrjesna koparska liga, stafla III

Großharthau – Němske Pazlicy 1:3 (0:2)

Ottendorf/Lieg. – Großdrebnitz 4:2 (1:1)

Frankenthal – Haselbachtal 3:1 (2:0)

Mar. hwězda – Großnaundorf 1:3 (0:2)

Hlinowc – Njebjelčicy 1:1 (1:1)

Sepicy – Arnsdorf2:2 (0:2)

1. Ottendorf/Liegau 21 50  : 20 50

2. Frankenthal 21 60  : 31 49

3. Großnaundorf 23 66  : 31 48

4. Arnsdorf 23 57  : 25 42

5. Großröhrsdorf II 22 42  : 28 39

6. Marijina hwězda 21 65  : 43 33

7. Njebjelčicy 22 41  : 34 32

8. Sepicy 21 56  : 52 32

9. Haselbachtal 22 47  : 52 32

10. Němske Pazlicy 21 33  : 43 27

11. Hlinowc 21 30  : 52 17

12. Wóslink/Skaskow 21 25  : 58 11

13. Großharthau 21 21  : 65 11

14. Großdrebnitz 22 24  : 83 10

Wokrjesna liga, stafla II

Lubuš – Hory II3:0 (1:0)

FC Łužica – Njeswačidło 1:3 (0:1)

Wětnica/Hola – Šćeńca 3:0 (1:0)

Ćisk II – N. Hrabowka 1:3 (1:0)

Rakecy II -– Ralbicy/Hórki II 3:1 (1:0)

Sport (06.05.16)

pjatk, 06. meje 2016 spisane wot:

Sobustawska Viktorije Worklecy

Wutoru, 10. meje, w 17 hodź. chce statny sekretar dr. Michael Wilhelm Worklečansku gmejnu a sportowcow tamnišeje Viktorije Worklecy wo spěchowanskich srědkach za sportowu halu informować. Po tym su wšitcy čłonojo Viktorije Worklecy na sobustawsku zhromadźiznu přeprošeni. Wažny dypk budu při tym nowowólby předsydstwa.

WFV poskića dalekublanja

Zapadołužiski koparski zwjazk (WFV) poskića w meji hnydom tři dalekubłanja. Prěnje dalekubłanje su małe hry, trening z bambinijemi a młodźinu F póndźelu, 9. meje, wot 17 hodź. w Liegau-Augustusbadźe. Druhe dalekubłanje je trening z młodźinomaj D a C wutoru, 17. meje, wot 17 hodź. we Wjelećinje, a třeće dalekubłanje su zaso małe hry z bambinijemi a młodźinu F wutoru, 24. meje, wot 17 hodź. pola Póst Germanije Budyšin na Edisonowej 12. Za kóžde dalekubłanje ma wobdźělnik 15 eurow zapłaćić. Přizjewjenja pod

Koparske dypkowe hry

07.05. 13:00 Kulow II – Němske Pazlicy II

07.05. 15:00 Kulow – Ralbicy/Hórki

08.05. 11:00 Rakecy – Łuty

08.05. 13:30 Budissa – Neustrelitz

08.05. 15:00 Chrósćicy – Großröhrsdorf

08.05. 15:00 Rakecy II – Ralbicy/Hórki II

08.05. 15:00 Marijina hwězda

Serbska debata

nowostki LND