Hižo dźesaty remis sezony
Sokoł Ralbicy/Hórki
– ST Wjelećin 0:0 (0:0)
Zestawa domjacych: Gloxyn – Korjeńk, B. Bjeńš, Zynda, Schultz, Šewc, Šołta, S. Bjeńš, Wałda (45. Bejma), Bejmak (80. M. Kurjat), G. Kurjat
Dokelž běštaj kontrahentaj z Großröhrsdorfa a Horow hižo sobotu přěhrałoj, móhli koparjo Sokoła Ralbicy/Hórki wčera z dobyćom abo remisom na druhe městno tabulki skočić. Woni wočakowachu mustwo z Wjelećina. Hišće před tydźenjomaj běchu jich w pokalu ze 6:0 domoj pósłali, tónkróć pak mějachu zbožo, zo njewopušćichu trawnik jako přěhračk.
Kaž hižo w minjenych tydźenjach pobrachowaše trenarjej Thomasej Schultzej kopica hrajerjow. Nimo zranjenych koparjow so wosrjedź tydźenja tež hišće Domaška za přichodne štyri hry wotzjewi, dokelž je krótkodobnje do dowola lećał. To móže delanskich koparjow w kónčnej fazy sezony chětro boleć, wšako bě nadběh wčera wšo druhe hač strašny. W prěnim połčasu woni ani jeničku wulku šansu njewuhrachu. Hdys a hdys stejachu Kurjat, Wałda abo Bejmak w nimohrě. Hišće časćišo pak flanka abo přihrawka nadběhowarjow njedocpě. Jenička móžnosć hosći dźěše snadnje wyše wrotow Gloxyna do wotkopa.
Chětro pod kolesa přišli
Póst Germania Budyšin
– SJ Chrósćicy 4:1 (0:0)
Zestawa hosći: Králíček – Zahrodnik, Šafář, Schulze, Bětnar (58. Młynk), Kunze, Runt, Domaška, Dehn, Věchet, Žur
Składnostnje dźesaćlětneho wobstaća towarstwa Póst Germania Budyšin su tam koparjo Chróšćanskeje SJ kónc tydźenja hakle sobotu wječor napoł šesćich nastupili. Tójšto přihladowarjow sćěhowaše brizantnu hru. Hosćo pak dyrbjachu so najprjedy jónu na chětro twjerdy a njeruny trawnik a na skakace bule zwučić. Budyšenjo, na njón zwučeni, přińdźechu lěpje do hry a pruwowachu tak hnydom Králíčeka. Chróšćenjo spytachu so z dołhimi třělwami do nadběha předrěć, njemějachu pak žadyn wuspěch.
Kopanišćo znowa jako přěhračcy wopušćili
FSV Wacker 90 Nordhausen
– FSV Budissa Budyšin 2:1 (2:1)
Zestawa hosći: Jakubov – Kolan, Patka, Pfanne, Kral, Fröhlich, Hoßmang, Rosendo, Reher (81. Hansch), Walther, Salewski (86. Kunert)
Serbskaj běharjej wurjadny wukon pokazałoj
Serbski běhar, 26lětny Jakub Čórlich z Němcow, je so prěni króć na 43. Žitawskim hórskim běhu wubědźował, a wuzwoli sej z pjeć distancow hnydom najdlěšu 35 km. Z brawuru je wón ćežku čaru, kotraž wjedźeše horje a dele po cyłym Žitawskim hórstwje, zmištrował. Po 2:54:37 hodź. doběža Čórlich do cila. Tónle spěšny čas woznamjenješe za njeho 1. městno w starobnej skupinje (sk) 20-29 lět. A mjez cyłkownje 130, kotřiž do cila doběžachu, běše to jara dobre 16. městno! Na 17 km je tež Handrij Bejmak z Budyšina jara derje wobstał. W swojej sk 50-54 lět wubědźi sej jara dobre 3. městno w 1:23:16 hodź. To bě cyłkowne 54. městno mjez cyłkownje 290, zwjetša młódšimi muskimi starterami.
Wobdźělnicy lětušeho Žitawskeho hórskeho běha běchu z cyłeje Němskeje kaž tež z Pólskeje a Čěskeje. Jurij Nuk
Widźał, słyšał, napisał (02.05.16)
Kelko finalnych hrow je trěbnych, zo bychu volleyballistki Drježdźanskeho SC dubl docpěli? Wotmołwu hižo wěm – wuslědk zańdźeneje hry tež, ale što so dźensa w Drježdźanskej Margon-arenje stawa, to tučasnje njewěm. Chowanče trenarja Waibla dyrbja dźensnišu hru přećiwo Stuttgartej dobyć, zo bychu so z mištrom stali.
Wuslědki (02.05.16)
Wokrjesna wyša koparska liga
Hnašecy – Hory6:2 (5:1)
Połčnica – Kulow3:0 (0:0)
Bukecy – Rakecy0:3 (0:2)
Kumwałd – Wachau4:0 (2:0)
Großröhrsdorf – Kinspork 1:4 (0:1)
Póst Budyšin – Chrósćicy 4:1 (0:0)
Ralbicy/Hórki – Wjelećin 0:0 (0:0)
Łuty – Ramnow 0:4 (0:4)
1. Chrósćicy 27 63 : 25 63
2. Ralbicy/Hórki 26 62 : 26 49
3. Hory 26 67 : 32 49
4. Großröhrsdorf 27 70 : 48 49
5. Rakecy 27 55 : 42 45
6. Póst Budyšin 27 63 : 51 43
7. Hnašecy 25 58 : 36 40
8. Kumwałd 26 68 : 54 40
9. Ćisk 26 59 : 53 37
10. Połčnica 26 47 : 47 37
11. Ramnow 27 56 : 67 36
12. Kinspork 28 54 : 58 29
13. Bukecy 27 45 : 70 29
14. Kulow 26 47 : 48 28
15. Wjelećin 26 36 : 74 20
16. Wachau 26 37 : 78 19
17. Łuty 27 20 : 98 10
Sport (29.04.16)
Treningowe lěhwo za dźěći
Njedźelu, 1. meje, zarjaduje a wuhotuje Jaworski motocrossowy klub, kotryž je sobustaw ADAC, zaso tradicionalne treningowe lěhwo za dźěći. Započatk budźe dopołdnja w dźewjećich.
Volleyball we Worklecach
Štwórtk, 5. meje, budźe we Worklečanskej sportowni pokalna volleyballowa hra Dźiwich mickow přećiwo Marijinym hwězdźičkam. Započatk je w 11 hodź. Wšitcy su wutrobnje přeprošeni.
Krajne mišterstwa na Kaponicy
Krajne motocrossowe mišterstwa chce ADAC Sakska 5. junija na Jaworskej Kaponicy přewjesć. W sćěhowacych klasach budu motocrosspiloća tam startować: Sakska-dźěći, Sakska-mužojo, Sakska-hobby a LVMX-kwad.
Pytaja čarowe straže
Motosportowy klub MC Jawora pyta za krajne motocrossowe mišterstwa 5. junija čarowe straže. Wone dóstanu zasadźenje zapłaćene a nimo toho tež hišće darmotnu jědź a napoje a k tomu kartki za dalše lětuše abo klětuše wubědźowanja. Štóž ma zajim, njech napisa mejlku na .
Koparske dypkowe hry
30.04. 17:30 Póst Budyšin – Chrósćicy
01.05. 13:00 Ralbicy/Hórki II – Ćisk II
01.05. 14:30 Großröhrsdorf II
– Marijina hwězda
Stara koparska garda so zetkała
Hra kaž Liverpool – Dortmund
Sokoł Ralbicy/Hórki II
– HZ Hórnikecy 3:4 (3:2)
Zestawa domjacych: Cyž – Bogusz, Schultz, M. Matka, Statnik, Čornak (69. Krawc), Rawš, Jakubaš, Kobalc, J. Matka (29. Šwejda), Šmit
Njezapomnita je za kóždeho poražka Borussije z Dortmunda přećiwo Liverpoolej w štwórćfinalu europskeje ligi, jako dwójce z dwojimi wrotami předskoka nawjedowachu. Podobnje je so nětko tež rezerwje Sokoła Ralbicy/Hórki přećiwo koparjam z Hórnikec zešło.
Wuslědki (28.04.16)
Wokrjesna koparska liga, stafla II
Ralbicy/Hórki II – Hórnikecy 3:4 (3:2)
Rakecy II – Njeswačidło 1:0 (1:0)
1. Wojerecy 1919 21 66 : 18 48
2. Rakecy II 22 55 : 17 47
3. FC Łužica 22 41 : 29 40
4. Nowe Město II 21 79 : 37 36
5. HZ Łaz 21 33 : 20 36
6. Hórnikecy 22 43 : 40 35
7. N. Hrabowka 21 50 : 32 34
8. Lubuš 21 46 : 52 30
9. Njeswačidło 22 45 : 46 29
10. Bluń 21 42 : 47 28
11. Hory II 21 41 : 34 26
12. Ralbicy/Hórki II 22 43 : 47 25
13. Ćisk II 22 43 : 66 25
14. Wětnica/Hola 22 29 : 86 11
15. Šćeńca 21 28 : 1137
Wokrjesna koparska liga, stafla III
Němske Pazlicy – Großdrebnitz 4:2 (2:1)
Ottendorf/Liegau – Njebjelčicy 2:0 (0:0)
1. Ottendorf/Liegau 19 46 : 17 47
2. Frankenthal 19 55 : 27 46
3. Großnaundorf 20 56 : 30 39
4. Arnsdorf 21 51 : 23 38
5. Großröhrsdorf II 21 40 : 28 36
6. Marijina hwězda 19 64 : 38 33
7. Sepicy 19 54 : 44 31
8. Haselbachtal 20 45 : 49 29
