Sport (22.04.16)
Łužiski kćenjowy běh
Hač do 28. apryla smědźa so zajimcy za Łužiske kćenjowe běhi přizjewić, a to w interneće pod www.baer-service.de. Běhi w Kamjencu budu lětsa 1. meje. Na sćěhowacych čarach móžeće so w Lessingowym měsće wubědźować: poł kilometra, 6 km, 10 km a 15 km.
Stara koparska garda so zetka
Koparjo stareje gardy Sportoweje jednotki Hórki kaž tež koparjo Serbskeje koparskeje wubranki z lěta 1965 su pjatk, 22. apryla, wot 18 hodź. do Worklec do tamnišeho hosćenca přeprošeni. Nimo toho smědźa so na bjesadnym wječorku tež fanojo a dalši zajimcy wobdźělić.
Wotewrjenje zeleneje sezony
Njedźelu, 24. apryla, wotewru Kulowscy konjacy sportowcy zaso zelenu sezonu. Poprawom chcychu to hižo zašłu njedźelu. Wjedro a rozmokane jěchanišćo pak to njedowolištej. Wot 10 hodź. přewjedu woni njedźelu na tamnišm jěchanišću cyłkownje šěsć wubědźowanjow, prěni raz tež wurisanje za jěcharki a jěcharjow staroby nad 40 lětami.
Hłowna Sokoła Ralbicy/Hórki
Wysoke počesćenje dóstali
W cyłkownym hódnoćenju rezultatow volleyballowych wubědźowanjow we wurisanju „Młodźina trenuje za olympiju“ we wuchodnych a sakskich finalach wubědźi sej Serbski gymnazij Budyšin (SGB) w starobnych skupinach II, III a IV (5. do 11. lětnik) 1. městno. Tak wuznamjenichu serbske kubłanišćo prěni raz jako najwuspěšnišu šulu Sakskeje we volleyballu.
Nalětnje dźěła na jěchanišću
Tři wažne dypki přećiwo zestupej
FSV Budissa Budyšin
– ZFC Meuselwitz 3:1 (2:1)
Zestawa domjacych: Jakubov – Kolan, Klippel, Patka, Kral, Hausdorf, Hoßmang, Rosendo, Reher (88. Kunert), Walther (90. Fröhlich), Hansch (71. Salewski)
Za mustwo trenarja Reimunda Linkerta rěkaše za tutu hru jenož jedyn cil – z domjacym dobyćom a třomi dypkami w tabulce horje krosnować. Při zymnym wjedrje pak přichwata jenož 400 ludźi na Młynkec łuku. Prěnju šansu měješe Budissa přez Hanscha, kotryž třěli ze zdalenosće 22 metrow na wrota. Prěnje 20 min. pak słušachu hosćom z Meuselwitza. Wone wužichu je k nawjedowanju 0:1 (10.), a to z direktnje přetworjenym wólnym kopom Boltzy. Přećiwniske wrota dyrbješe Budissa najprjedy raz předźěłać. Meuselwitz bě nětko bliže k 0:2 hač Budyšin k wurunanju. Hosćićel pak so pomału stopnjowaše. Po wuběrnej přihrawce Rosenda poradźichu so Reherej wrota k wurunanju 1:1 (25.). Nětko dominowaše domjacy cyłk partiju chětro jasnje a hósć zhubi hrajnu nitku. Po přihrawce Hanscha třěli Walther 2:1 (36.). Hač do přestawki mějachu koparjo Budissy přećiwnika jasnje pod kontrolu.
Wuslědki (20.04.16)
Wokrjesna wyša koparska liga
Łuty – Bukecy1:3 (0:1)
Połčnica – Kinspork2:3 (1:1)
1. Chrósćicy 25 60 : 21 60
2. Großröhrsdorf 25 67 : 41 49
3. Hory 24 60 : 24 46
4. Ralbicy/Hórki 24 59 : 25 45
5. Rakecy 25 49 : 40 39
6. Kumwałd 24 62 : 49 37
7. Póst Budyšin 25 55 : 47 37
8. Hnašecy 23 47 : 32 34
9. Ćisk 25 52 : 53 34
10. Połčnica 24 43 : 44 34
11. Ramnow 25 50 : 60 33
12. Kulow 24 45 : 40 28
13. Kinspork 26 47 : 53 26
14. Bukecy 25 38 : 65 26
15. Wjelećin 24 36 : 72 19
16. Wachau 25 37 : 74 19
17. Łuty 25 20 : 87 10
Wokrjesna liga stafla I
Kubšicy – Malešecy1:1 (1:0)
1. ST Budyšin 21 66 : 28 53
2. Malešecy 21 68 : 25 47
3. HZ Budestecy 21 63 : 35 43
4. Kubšicy 20 43 : 23 36
5. Załom 20 52 : 26 34
6. Radwor 21 51 : 26 33
7. Wjazońca 21 36 : 58 28
8. Porchow 21 48 : 57 26
9. Wjernarjecy 21 39 : 39 25
10. Wóspork 21 29 : 55 25
11. Wulka Dubrawa/Min. 20 36 : 37 23
12. Póst Budyšin II 20 42 : 53 21
13. Hodźij 21 27 : 47 18
14. Hnašecy II 21 27 : 66 14
15. Mały Wjelkow 20 28 : 80 10
Domjacym jenož sekundy k dobyću partije pobrachowali
ST Marijina hwězda
– SJ Chrósćicy 1:4 po podl. (1:1)
Zestawa domjacych: O. Schmidt – Wróbl, Czapik, Łušćanski, Lipič, Peschmann, T. Jurš, D. Jurš (72. Škoda), P. Schmidt (66. Rab), Bělk, Pakoßnick (62. Winkler)
Zestawa hosći: Králíček – Schmidt (60. Věchet), Dórnik, Schulze, Bětnar, Cyž, Šiman, Domaška, Kunze (66. Zahrodnik), Runt, Dehn (76. Młynk)
Bjez problemow do połfinala
Sokoł Ralbicy/Hórki
– ST Wjelećin 6:0 (2:0)
Zestawa domjacych: Gloxyn – Korjeńk, Zynda, B. Bjeńš, T. Bejma, S. Bjeńš, Šołta (62. M. Kurjat), B. Bejma, Bejmak (52. Rawš), Domaška, G. Kurjat
Wuslědki (19.04.16)
Wokrjesna koparska liga, stafla III
Großharthau – Arnsdorf 0:5 (0:4)
1. Ottendorf/Liegau 18 44 : 17 44
2. Frankenthal 18 54 : 27 43
3. Arnsdorf 20 51 : 22 38
4. Großnaundorf 19 54 : 29 36
5. Marijina hwězda 19 64 : 38 33
6. Großröhrsdorf II 20 38 : 27 33
7. Sepicy 18 53 : 42 31
8. Njebjelčicy 18 37 : 28 28
9. Haselbachtal 19 43 : 48 26
10. Němske Pazlicy 18 26 : 38 21
11. Hlinowc 18 28 : 45 16
12. Großdrebnitz 19 19 : 73 10
13. Wóslink/Skaskow 20 23 : 58 8
14. Großharthau 18 17 : 59 8
Přihotuja so na zelenu sezonu
Sportowcy jěchanskeho towarstwa „Při Klóšterskej wodźe“ Pančicy-Kukow přihotuja so tuchwilu na nowu sezonu pod hołym njebjom. W braniborskim Löwenbergu je so za přezpólnych jěcharjow lětuša zelena sezona z turněrom zahajiła. Sportowcy ze zapřahami startuja potom kónc apryla w braniborskim Klein-Marzehns. Halena Jancyna je so z čłonom předsydstwa a zdobom aktiwnym přezpólnym jěcharjom Křesćanom Zahrodnikom rozmołwjała.
Po lětušej hłownej a wólbnej zhromadźiznje njeje so w předsydstwje ničo změniło. Je potajkim wšo při starym?
Kř. Zahrodnik: Tuchwilu ma towarstwo 46 čłonow, telko kaž hišće ženje. Najmłódši čłon je tři lěta stary, najstarši je 65. A to najrjeńše, wšitkich zwjazuje lubosć ke konjacemu sportej. Wosebje zwjeselace je womłodźenje towarstwa. Wjace hač połojca wšěch čłonow su dźěći a młodostni.
Spočatk apryla su někotři z was hižo w Braniborskej na turněrje pobyli – kak je so sezona zahajiła?
