Předsydstwo Sakskeho koparskeho zwjazka (SFV) je 17. apryla na posedźenju wobzamknyło, koparske mišterstwa hrajneje doby 2020/2021 za žony, muži a dorost na krajnej runinje hnydom zakónčić. Wo sakski koparski pokal pak budu so mustwa po změnjenym modusu wubědźować.

Mišterstwa 2020/2021:

Wobmjezowanjow pandemije dla njejsu mišterstwa hižo wot 2. nowembra 2020 móžne. Dalše kroki k wolóženju njejsu wotwidźeć. Tohodla je so předsydstwo SFV namjetej wuběrkow přizamknyło, mišterstwa za wšitke starobne klasy dočasnje zakónčić. Wokrjesnym a měšćanskim koparskim zwjazkam je poručene, rjadowanja analognje přewzać.

Najwažniše změny:

Ÿ mišterstwa 2020/21 su bjez sportoweho hódnoćenja zakónčene, mištrojo a tabulkowe stawy njebudu hódnoćene

Ÿ prawidła k postupej a zestupej so njenałožuja, tak njedawaja žani zestupnicy a postupnicy

Ÿ wšitke mustwa změja prawo, za koparsku sezonu 2021/2022 w dotalnej klasy zaso nastupić

Ÿ nochce-li mustwo w dotalnej klasy nastupić, ma wone to hač do 15. junija pisomnje zdźělić

Ÿ spjelnjenje ličby dorostowych mustwow a sudnikow je wusadźene

Minjenu sobotu dobychu wolejbulistki Drježdźanskeho SC rozsudnu pjatu partiju wo němske mišterstwo přećiwo cyłkej Allianz MTV Stuttgart w swójskej Margonarenje z 25:20, 25:23 a 26:24. Chowanče trenarja Alexandera Waibla startowachu finalnu seriju modusa „best of five“ ze zastatkom 0:2 a mytowachu so po třoch dobyćach za sobu z titulom 2021. Je to mjeztym jich šesty titul, posledni wubědźichu sej w lěće 2016.

Do rozsudneho duela při wysokim saku startowaše DSC ze zwučenej prěnjej šestku. Hóstne hrajerki změnichu poziciju přistajowarki, štož přewza Athina Papafotiou z Grjekskeje. Wusahowaca nadběhowarka Krystal Rivers falowaše znowa strowotnych přičin dla. Šwabowki nawjedowachu hač k 11:8, a Michaela Mlejnková z Čěskeje bě hač do toho ze štyrjomi dypkami najwuspěšniša. Z timeoutom přetorhny Drježdźanski trenar Alexander Waibl hru, dokelž jewjachu so pola jeho chowančow njedokładnosće w přijimanju nadaćow. To bě taktisce mudrje, wšako poradźi so hrajerkam wokoło kapitanki Leny Stigrot 12:12 a pozdźišo 15:13, kotrež wjace njespušćichu. Maja Storck skónči prěni přechod z asom při nadaću k 25:20.

Štwórtu hru zbožownje dobyli

wutora, 27. apryla 2021 spisane wot:

Minjenu srjedu běchu sej wolejbulistki Drježdźanskeho SC do Stuttgarta dojěli. Tam dobychu dalši wolejbulowy krimi z 3:2. Z wuspěchom wurunachu chowanče trenarja Alexandera Waibla staw w finalnej seriji modusa „best of five“ na 2:2 a wuwojowachu sej tak rozsudny pjaty sportowy duel wo mišterstwo žonow Němskeje w Drježdźanach.

Prěnja sadźba 25:22 za DSC

Najwuspěšniši sportowcy z Budyskeho wulkowokrjesa w dobrym połlětstotku na olympiadach

Jürgen Krüger

Dalši dobry płuwar z Budyšina bě Jürgen Krüger. Jeho kaž tež do toho hižo Egona Henningera je tehdy pola Motora Budyšin cyle systematisce, wušiknje a wuspěšnje Martin Lorenz trenował. Dale trenował je Krüger w Drježdźanskim w klubje SC Jednota. Na olympiadźe 1972 w Mnichowje je wón na 100 m na chribjeće 7. městno wobsadźił.

Michael Zerbes, Helmut Zerbes a Hagen Melzer

Kader Budissy Budyšin za nowu hrajnu dobu rosće

póndźela, 26. apryla 2021 spisane wot:

Jockusch, Patka a Henčl dale w čorno-běłym trikoće krajneho ligista

Jockusch so w lěću nawróći

Budissa Budyšin wužiwa koronowu přestawku wědomje za to, přichodnu sezonu planować. Tak hodźi so po někotrych podlěšenjach tež transfer naspomnić. Akter za srjedźne polo Paul Jockusch so po třoch lětach pola KST 1990 Nowosólca-Hródka w lěću zaso k Budissy wróći. Mjeztym 21lětny kopar je mjenujcy hižo hač do młodźiny A w čorno-běłym Bu­dyskim trikoće wo dypki wojował a tam nazhonjenja zběrał.

Z kopańcu započał bě Jockusch pola Traktora Malešecy. Tam šnórowaše kopački hač do młodźiny D, prjedy hač so w starobnej klasy młodźina C za stolicu Serbow rozsudźi. W Nowosólcu-Hródku je wón w dohromady 49 partijach krajneje ligi 17 razow sam trjechił a dalše 19 wrotow za sobuhrajerjow spřihotował. Tak běše zdobom wulki garant za wuspěch swojeho mustwa. Pola swojeho noweho-stareho teama chce nětko z podobnej strašnosću před přećiwnymi wrotami wustupować. Wšitcy přiwisnicy so nadźijeja, zo so jemu to poradźi.

Statistika zasadźenjow Paula Jockuscha za jednotliwe cyłki

Awtor dźensa Beno Šołta

To běše spěšny a krótki són zašły tydźeń. Hišće před sydom dnjemi rěkaše, zo budźe bórze super league wutworjena, a to z někotrymi z najlěpšich mustwow Europy. Štyri dny pozdźišo plan zaso cofnychu, po tym zo běchu fanojo protestowali a funkcionarojo ze wšěmi móžnymi pokutami hrozyli. Bě to płomješko za medije, zo by so tež kopańca zaso jónu we wšěch kanalach jewiła? Abo běše to tola dozrawjena ideja? To sej njemyslu. Hačrunjež bě hižo dlěje rěč wo tajkej lize zwonka krajnych ligow, běše koncept wšo druhe hač zrały: Předwidźane bě 15 mustwow, kotrež bychu zasadnje pódla byli, a pjeć dalšich, kiž móhli so kóžde lěto kwalifikować. Najprjedy pak z toho ničo njebudźe. Snano tež lěpje tak. Přiwšěm to jenož negatiwnje njewidźu. Wězo chcychu towarstwa móc Europskeho koparskeho zwjazka (UEFA) nadběhować a wšitko same zwičnić a sej dochody rozdźěleć. Snano tónle impuls dosaha, zo sej nětko UEFA a snano tež swětowy zwjazk FIFA rozdźělenje dochodow hišće raz dokładnje přemyslitej.

Sport (23.04.21)

pjatk, 23. apryla 2021 spisane wot:

Pytaja lodohokejistow

Sportowe towarstwo Lodowy sport Běła Woda pyta nowych hrajerjow za sezonu 2021/2022, a to za cyłkaj U17 a U23. Dalše informacije kaž tež přizjewjenske modality podawaja zajimowanym lodohokejistam pod telefonowym čisłom 03576/2170875 abo pod mejlowej adresu .

Dynamo smě zaso hrać

Koparski třeći ligist Dynamo Drježdźany, kiž je tydźenja na třeće městno tabulki zjěł, smě zaso hrać. Wjacorych koropadow dla njesmědźeše Dynamo přećiwo MSV Duisburgej a přećiwo KFC Uerdingenej nastupić. Terminaj za nachwatanskej hrě je Němski koparski zwjazk wčera podał.

24.04.  14:00  Dynamo Drježdźany

  – Halleski FC

28.04.  19:00  Dynamo Drježdźany

  – MSV Duisburg

01.05.  14:00  KFC Uerdingen

  – Dynamo Drježdźany

04.05.  19:00  SC Verl –

  Dynamo Drježdźany

08.05.  14:00  Dynamo Drježdźany

  – Viktoria Köln

Tola hišće štwórta a pjata hra

Němcaj prědku pódla

štwórtk, 22. apryla 2021 spisane wot:

Tole stej cyłkownej hódnoćeni w disciplinje masowy start lětušeho swětoweho biatlonoweho cupa. Z Ingrid Landmark Tandrevold a Tarjeijom Bøwom staj tu zaso atletka a atlet z Norwegskeje na čole tabulki. Ale tež Němka Franziska Preuß a Němc Arnd Peiffer, ­kiž je swoju wuspěšnu biatlonowu karjeru mjeztym ­zakónčił, staj mjez najlěpšimi pjećomi swěta. Wubědźowali běchu so biatletki a biatleća w masowym starće minjenu sezonu štyri razy: w awstriskim Hochfilzenje, w němskim Oberhofje, italskim Antholzu a w šwedskim Östersundźe.

masowy start, 12,5 km žony

1. Ingrid Landmark Tandrevold (NOR) 186

2. Franziska Preuß (GER) 183

3. Julia Simon (FRA) 181

4. Marte Olsbu Røiseland (NOR) 175

5. Tiril Eckhoff (NOR) 172

6. Lisa Theresa Hauser (AUT) 171

7. Hanna Öberg (SWE) 165

8. Dorothea Wierer (ITA) 144

9. Markéta Davidová (CZE) 142

10. Swjetlana Mironowa (RUS) 124

11. Dźinara Alimbekawa (BLR) 113

12. Justine Braisaz-Bouchet (FRAU) 113

13. Elvira Öberg (SWE) 108

14. Denise Herrmann (GER) 106

15. Janina Hettich (GER) 106

16. Mona Brorsson (SWE) 105

17. Linn Persson (SWE) 103

18. Emma Lunder (CAN) 101

19. Lisa Vittozzi (ITA) 97

20. Karoline Offigstad Knotten (NOR) 90

21. Anais Bescond (FRA) 89

22. Uljana Kajšewa (RUS) 80

23. Vanessa Hinz (GER) 79

Tež holcy-koparki trenuja

štwórtk, 22. apryla 2021 spisane wot:
Biskopičanske koparske towarstwo ma cyłkownje pjeć ryzy holčich a žonjacych koparskich mustwow. Prěnje mustwo žonow­ hraje w regionalnej lize-sewjerowuchod w stafli juh a je w nětko zakónčenej sezonje štyri ze šěsć hrow přěhrało, jednu dobyło a w jednej remis docpěło. Rezerwa Biskopičanskich žonow hraje w krajnej klasy, kotruž by jako mišter sezony 2020/2021 zakónčiła, bychu-li sydom wotmětych partijow hódnoćili. Nimo žonjaceju cyłkow ma Biskopičanske KT 08 hišće tři dorostowe holče: w młodźinje D, młodźinje C a młodźinje B.

16. raz wokoło hata běhali

srjeda, 21. apryla 2021 spisane wot:

Wšitke tradicionalne ludosportowe po­dawki w Němskich Pazlicach dyrbja lětsa kaž hižo loni poprawom do wody padnyć. Kreatiwni čłonojo towarstwa Natwar Němske Pazlicy pak wumyslichu sej znowa wulkotnu alternatiwu. Tak móžeše kóždy sportowc, kiž bě jutrowne dny a po tym jedne koło wokoło wulkeho hata po puću, wšojedne hač pěši, na kolesu abo hinak, na nastajene brězy při płoće stadiona jedne jutrowne jejko powěsnyć a sej wopismo wotkołkować. W běhu dweju tydźenjow wobkruži tuž něhdźe 200 wobdźělnikow něhdźe pjeć kilometrow dołhu čaru, wězo stajnje z dosć wotstawkom k dalšim sportowčam a sportowcam. Jutrownu póndźelu rozdźěli jutrowny zajac samo słódkosće a wšěch­ akterow wosobinsce postrowi. Wosebje dźěćom běše to rjana překwapjenka.

Sportowe towarstwo Natwar Němske Pazlicy dźakuje so wšitkim wobdźělnikam a darićelam pjenjez. Nětko so nadźijeja, zo móža 21. wotběhanje husaceje pje­čenje 26. decembra bjez ćežow přewjesć.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND