Dobry start do hrajneje doby

póndźela, 05. oktobera 2015
artikl hódnoćić
(0 )
Jan Bětnar (srjedźa) ma tuchwilu na sportowym polu tójšto wjesela. Z Worklečanskimi volleyballistami prěnjeho mustwa je Kukowčan z dobyćom 3:0 do noweje hrajneje doby startował a za klóšterske koparske mustwo je wón wčera we Wjelećinje jako kopar 3:0 třělił.  Foto: Jörg Stephan Jan Bětnar (srjedźa) ma tuchwilu na sportowym polu tójšto wjesela. Z Worklečanskimi volleyballistami prěnjeho mustwa je Kukowčan z dobyćom 3:0 do noweje hrajneje doby startował a za klóšterske koparske mustwo je wón wčera we Wjelećinje jako kopar 3:0 třělił. Foto: Jörg Stephan

ST Kundraćicy

– ST Viktoria Worklecy 0:3

(20:25, 17:25, 22:25)

Za hosća hrajachu: Marko Brězan, Milan Budar, Jan Bětnar, Ludwig Eckert, Stefan Gedik, Jurij Lipič, Stefan Wjenka, trenarjej: Marcel Rjelka a Matijas Eckert

Zazběh do noweje sezony bě so za volleyballistow prěnjeho mustwa ST Viktorije Worklecy z chětro špatnej powěsću započał. Při obligatoriskim pjatkownym treningu bě so rutinowany při­stajer Marcel Rjelka zranił. Zranjeneho naruna na poziciji přistajerja Jan Bětnar. Marcel Rjelka přewza tuž zhromadnje z Matom Eckertom, kotryž budźe w nowej hrajnej dobje poradźowar Worklečanskich volleyballistow, funkciju trenarja.

W prěnjej sadźbje dyrbjachu so akterojo do hry namakać. Wobaj cyłkaj so najprjedy raz hač k 16:16 chětro kopoleštej. Po tym pak nasta za hosći předskok z pjeć dypkami. W druhim přechodźe běžeše hra za Worklečanow přez dlěši čas kaž na štryčku. Wosebje dźěło při blokowanju běše jara solidne. Při jasnym předskoku 13:20 přińdźe nowačk Marko Brězan do hry. Ralbičan přetwori sadźbowy bul k 17:25. Krótki, za to pak wuspěšny zastup.

wozjewjene w: Sport
Prošu přizjewće so, chceće-li komentar podać

Serbska debata

nowostki LND