Mikławšowy turněr přewjedli

wutora, 08. decembera 2015 spisane wot:

W Radworskej wjacezaměrowej hali „Slavia“ wotmě so minjeny kónc tydźenja 17. Mikławšowy koparski turněr.

Radworski wjesnjanosta Wincenc Baberška (CDU) bě na turněr dohromady dwanaće mustwow přeprosył. Žónske cyłki z Halštrowa, Šěrachowa a Němskich Pazlic pak bohužel krótkodobnje wotprajichu. Zamołwići Radworskeho towarstwa, kotřiž turněr nawjeduja, dyrbjachu tuž reagować. Dojednachu so na to, zo mějachu mustwa z Małeho Wjelkowa, Bukec a Hnašec/Dobruše dwójce přećiwo sebi hrać. Lońše dobyćerki z Chrósćic drje wjace njenastupichu, někotre znate mjezwoča pak běchu w mustwje Hnašecy/Dobruša widźeć. Pola muži běše Ra­dworski chór Meja zakitowar pokala.

Dochody lětušeho Mikławšoweho turněra přewostaja Minakałskej ewangelskej cyrkej za ponowjene wisydła (Glo­ckenstuhl). Tamniši farar Steffen Hirsch je so hižo do spočatka hrow za podpěru dźakował a wopisa skrótka tučasny staw starych wisydłow, kotrež fachowcy na lěto 1420 datěruja.

Njedźelske wrota k remisej wjedli

wutora, 08. decembera 2015 spisane wot:

Sokoł Ralbicy/Hórki

– Drohotka Ramnow 1:1(0:0)

Zestawa domjacych: Gloxyn – von Köding, Schultz, B. Bjeńš, Šołta, Wałda (68. Bejmak), S. Bjeńš, Matka, Korjenk, Kurjat (56. Bejma), Domaška

Koparska hra w Delanach běše spočatnje chětro konfuzna. Hakle po něhdźe dźesać mjeńšinach so hrajny natwar polěpši. Prěnja kombinacija domjacych wjedźeše do Ramnowskeje šěsnatki, hdźež Bosćij Bjeńš do nadběha sobu zapřimny. Jeho prěki połoženy bul pak bu blokowany. Na to nahra Dirk Šołta Pětra Domašku do haski, tón pak skakaty hrajny nastroj pod kontrolu njedósta. Domaška nahra Fabiana Korjeńka, ale Pěskečan trjechi jeno žerdź. Nětko Ramnowčenjo wo kóždy bul wojowachu a hosćićel měješe z napřećiwnym wětřikom swoju lubu nuzu. W 39. min. nahra Gabriel Kurjat z lěweho boka Domašku, kiž pak třělwu snadnje skomdźi. Na dołhim róžku steješe Wałda samlutki a suny bul tohorunja na žerdź. Do połčasa so hišće wrotar Chrystof Gloxyn wuznamjeni, zadźěwajo nawjedowanju hosći.

Basketballisća suwereny dobyćer

wutora, 08. decembera 2015 spisane wot:

Prěni raz w sportowych stawiznach Serbskeho gymnazija Budyšin (SGB) docpě basketballowe mustwo finale krajneho wurisanja „Młodźina trenuje za olympiju“.

Sydom basketballistow Serbskeho gymnazija Budyšin postara so njedawno w Radworju wo sensaciju. Na regionalnym finalu minjenu srjedu docpěchu hrajerjo wokoło kapitana Pětra Dźisławka w starobnej klasy II (8. do 11. lětnik) 1. městno a tak kwalifikaciju za kónčne wurisanje našeho kraja. Po kopańcy, volleyballu, blidotenisu a beachvolleyballu je to pjata sportowa družina, w kotrejž so šulerjo SGB z najlěpšimi tamnych regionow Sakskeje wubědźuja. Do wuspěšneho mustwa SGB słušachu z Pětrom Dźisławkom z Chasowa, Paulom-Georgom Gallwasom z Budyšina a Janom Šołtu z Hornjeje Kiny třo aktiwni hrajerjo Budyskeho MSV 04. Woni tworjachu z dalšimi hrajerjeami homogeny cyłk. Z radosću bě wobkedźbować, kak dokładnje sej bul přihrawaja, kak spěšnje jich kontery k dypkam wjedu a kak jedyn za druheho wojuje.

Wuslědki (08.12.15)

wutora, 08. decembera 2015 spisane wot:

Wokrjesna wyša koparska liga

Kulow – ST Ćisk1:1 (1:0)

Połčnica – Rakecy4:2 (2:1)

Hnašecy – Kinspork0:1 (0:0)

Kumwałd – Chrósćicy 3:4 (2:4)

Hory – Wachau4:0 (3:0)

Wjelećin – Bukecy1:1 (1:1)

Ralbicy/Hórki – Ramnow 1:1 (0:0)

Łuty – Großröhrsdorf 0:5 (0:2)

1. Chrósćicy 15 41  :  10 41

2. Hory 14 42  :  8 33

3. Großröhrsdorf 16 41  :  27 29

4. Kumwałd 14 38  :  26 26

5. Hnašecy 14 31  :  16 24

6. Ralbicy/Hórki 14 27  :  14 21

7. Póst Budyšin 15 36  : 34 21

8. Kinspork 15 31  : 29 21

9. Rakecy 15 27  : 24 20

10. ST Ćisk 14 27  : 27 20

11. Połčnica 15 27  : 24 19

12. Ramnow  13 26  : 26 17

13. Kulow 15 23  : 25 15

14. Bukecy 15 16  : 42 9

Wokrjesna koparska liga, stafla I

Hnašecy II – Załom0:3 (0:1)

Malešecy – Mały Wjelkow 7:2 (2:1)

Wjazońca – ST Budyšin 2:2 (0:2)

Wulka Dubrawa – Póst BudyšinII 0:1 (0:1)

Kubšicy – Hodźij3:0 (1:0)

Radwor – Porchow3:1 (1:0)

Z wjele rutinu na čoło tabulki

póndźela, 07. decembera 2015 spisane wot:

Na druhim domjacym hrajnym dnju nastupichu volleyballisća Viktorije Worklecy doma přećiwo tabulkowymaj susodomaj ze Zhorjelca a Niskeje. Po intensiwnej­ treningowej jednotce chcychu mužojo wokoło kapitana Ludwiga Eckerta wobě hrě dobyć.

Viktoria Worklecy – VfB Zhorjelc 3:1 (25:22, 29:27, 21:25, 25:18)

W prěnjej sadźbje přećiwo Zhorjelčanam běžeše wšitko po planje. Nastajnosći stawachu so jim zmylki. W druhim přechodźe pak běchu porsty hosći nadobo sćoplene. Prawje wotućili su Wokrlečenjo hakle při stawje 12:16. Wosebje Milan Budar so nětko wuběrnje prezentowaše. Tři sadźbowe bule za Zhorjelc buchu wotwobarane a hra hišće na 29:27 zwjertnjena. W třećej sadźbje běchu domjacy jara njekoncentrowani, tež přijimowanja a nadaća běchu katastrofalne. W štwórtej sadźbje widźachu přihladowarjo skónčnje porjadnu hru a sadźbowe dobyće 25:18 za Viktoriju. Prěnje tři dypki dnja běchu wěste.

Viktoria Worklecy – TuS Niska 3:0 (25:22, 25:21, 25:15)

Skónčnje zaso raz dobyli

póndźela, 07. decembera 2015 spisane wot:

SJ Njebjelčicy

– Jednota Kamjenc II 4:0 (2:0)

Zestawa domjacych: Hahn – Kral, Deleńk, Pawlik, Šołta, Haška, Dubaw, Cyž (76. Čornak), Hanuza, Lejnart (85. Mjechela), Hrjehor (90. Ričel)

Kniha nětko wuńdźe

póndźela, 07. decembera 2015 spisane wot:

Kniha wo koparskich mišterstwach narodnych mjeńšin „Europeada 2012“ wuńdźe dypkownje do hód. To zdźělatej Domowina a Serbski Sokoł. Kniha wobsahuje na 200 stronach přez 350 fotow, statistiki, pozadki, dźenik, informacije wo kopanišćach a wjele wjac. Wot 17. decembra budu ju na wjacorych městnach Łužicy předawać. Płaćizna je 30 eurow. Eksemplary, kotrež su hač do 10. decembra pola Serbskeho Sokoła skazane, dóstanu signum kapitana wubranki Chrystofa Dubawa a trenarja Franka Ričela.

Z dochodami financuje Sokoł tež přichod serbskich wubrankow a wobdźě­lenje na klětušej europeadźe.

Nowostku předawać budu:

- Zapadołužiski koparski Zwjazk w Ka-­ mjencu

- Domowina w Budyšinje

- časnikar Jürgen Njek w Chrósćicach

- wobchod Marje Hrjehorjoweje w Ró- žeńće

- frizerski salon Bernadet Škodźineje we Wotrowje

- Wałdźic kupnica we Worklecach.

Knihu móžeće sej tež přez onlineshop Zapadołužiskeho koparskeho zwjazka skazać. (http://www.westlau­sitzer-fussball verband.de/shop.html)Serbski Sokoł

Motor Kumwałd

– SJ Chrósćicy 3:4 (2:4)

Zestawa hosći: Králíček – Pöpel, Cyž, Zahrodnik, Schulze, Dehn, Runt, Domaška, Młynk (87. Bogusz), Věchet (61. Šafář), Šmit

Widźał, słyšał, napisał (07.12.15)

póndźela, 07. decembera 2015 spisane wot:

Awtor dźensa

Achim Kowar

Zymski sport nas skónčnje zaso ma. Šwedske město Östersund bě zašłej kóncaj tydźenja hosćićel biatlonowych sportowcow. Naši so tam wulkotnje prezentowachu: najprjedy bóle mužojo, po nich tež žony. W nordiskim sporće, to rěka w nordiskej kombinaciji a w skakanju w norwegskim Lillehammerje dyrbjachu naše worjoły tydźeń dlěje čakać. Nětko pak bě zazběh wjele lubjacy.

Wuslědki (07.12.15)

póndźela, 07. decembera 2015 spisane wot:

Wokrjesna koparska liga, stafla III

Großharthau – Hlinowc 3:2 (2:1)

Arnsdorf – Großröhrsdorf II 4:2 (2:0)

Wóslink – Großnaundorf 0:5 (0:4)

Ottendorf/Liegau – Frankenthal 6:1 (3:1)

Němske Pazlicy – Sepicy 0:3 (0:2)

Großdrebnitz – Marijina hwězda 1:6 (1:1)

Njebjelčicy – Kamjenc II 4:0 (2:0)

1. Frankenthal 13 37  :  21 31

2. Ottendorf/Liegau 12 33  :  13 29

3. Arnsdorf 13 36  :  14 27

4. Großnaundorf 12 41  :  19 22

5. Marijina hwězda 13 43  :  31 21

6. Großröhrsdorf II 13 26  :  19 21

7. Hlinowc 12 29  :  21 19

8. Njebjelčicy 12 28  :  21 18

nawěšk

nowostki LND