Sport (18.04.19)
Kónctydźenska kopańca
18.04. 17:45 ST 1922 Radwor –
TSV Połčnica
18.04. 18:00 BFC Dynamo –
Biskopičanske KT
18.04. 19:00 Germania Halberstadt –
Hornja Łuž. Neugersdorf
20.04. 13:00 Germania Budyšin II –
ST Bart
20.04. 15:00 Horni kraj-Sprjewja II –
TSV Wachau
21.04. 14:00 Přećeljo sporta Lotte –
FC Energija Choćebuz
22.04. 15:00 SJ Chrósćicy –
ST Drježdźany-Strěžin
Po jutrach so pohibować
Natwar Němske Pazlicy přeproša swójby, sportowče a sportowcow na nětko hižo tradicionalne wotběhanje jutrownych jejow, a to 22. apryla. Loni bě so na akciji 280 ludźi wobdźěliło, před lětomaj 180. Pjeć kilometrowske koło je za kóždeho zmištrujomne, wšako ma čara chětro płony profil. Start budźe w 10 hodź.
Hižo tójšto přizjewjenjow
Sobotu, 20. apryla, přewjedu so 42. Biskopičanske běhi na dlěše distancy. Jednotliwe hłowne wurisanja su 4,5, 10 a 20 km. Předšulske dźěći a młódši šulerjo wubědźuja so na distancy 0,8 km. Start a cil budźetej při Biskopičanskim stadionje. Po swojim wašnju je to sobu najstarše wubědźowanje w Sakskej, kotrež měješe z nimale 700 starterami 1989 swój dotalny rekord. W 14 hodź. so běhi započnu, kotrež hódnoća so mjez druhim za rjadnu lisćinu Wopačanski cup.
Dyrbja z dypkom spokojom być
FC Energija Choćebuz
– 1. FC Kaiserslautern 1:1 (0:0)
Zestawa domjacych: Spahić – Weidlich, Müller, Matuwila, Schneider, Schlüter, Bohl, Gjasula, de Freitas, Rangelov (60. Broschinski), Mamba (87. Hemmerich)
Jenož dwě mjeńšinje plus přidatny hrajny čas by FC Energija nawjedowanje hišće zakitować dyrbjała, potom by so jej skok wyše zestupneje smužki poradźił. Hakle we 80. min. su Choćebuženjo z pomocu jědnatki nawjedowanje docpěli, po tym zo bu Lasse Schlüter wot wrotarja hosći foulowany. Jürgen Gjasula pokutny kop wěsće přetwori. Z 1:0 bu próca, kotruž domjacy pokazachu, mytowana. Daniel Bohl na poziciji před škitnym rjećazom a Jürgen Gjasula tróšku ofensiwnišo zasadźeny běštaj chětro napadnej mocy w srjedźnym polu hosćićela. Tež Marcelo de Freitas hraješe z wulkim zapalom. To wšo pak ničo přećiwo klewernje hrajacemu přećiwnikej njepomhaše.
Tak dyrbjachu so Łužičenjo, kotřiž su dale wot zestupa wohroženi, z dypkom spokojić. Cyłk trenarja Clausa-Dietera Wollitza wostanje tuž hač do jutrow na 18. městnje. Georg Zielonkowski
Wólnočasni piloća sezonu zahajili
Wuslědki (17.04.19)
Kopańca, 3. liga
Meppen – Halleski FC 0:2 (0:2)
1860 Mnichow – Münster 0:1 (0:1)
Braunschweig – Großaspach 1:1 (0:0)
Aalen – Přećeljo sporta Lotte 1:2 (0:1)
Rostock – Carl Zeiss Jena 1:2 (1:1)
Wiesbaden – Fortuna Köln 3:0 (1:0)
Unterhaching – Zwickau 0:1 (0:0)
Uerdingen – Osnabrück 1:3 (0:1)
pinca tabulki
16. Eintr. Braunschweig 33 38 : 48 37
17. SC Fortuna Köln 33 34 : 55 37
18. FC Energija Choćebuz 33 42 : 53 35
19. FC Carl Zeiss Jena 33 36 : 52 34
20. VfR Aalen 33 40 : 50 30
regionalna liga muži
Optik Rathenow – Berlinski AK 0:1 (0:1)
Nordhausen – Kamjeničanski FC 1:2 (1:2)
Biskopičanske KT – Babelsberg 0:1 (0:0)
Altglienicke – Fürstenwalde 0:0 (0:0)
Hertha BSC II – Halberstadt 3:1 (2:1)
Viktoria Berlin – BFC Dynamo 1:2 (0:1)
HŁ Neugersdorf – Auerbach 0:2 (0:2)
Meuselwitz – Erfurt1:2 (0:2)
pinca tabulki
14. VSG Altglienicke 29 42 : 51 30
15. Biskopičanske KT 28 24 : 43 30
16. Budissa Budyšin 29 17 : 37 25
17. Hornja Łuž. Neugersd. 28 28 : 54 25
18. Optik Rathenow 29 23 : 57 18
Dobyće bjez ćišća a poražka
ST 1922 Radwor – LSV Hory 4:1 (3:1)
Zestawa domjacych: Jendrewski – Bauer, Mark, Zähr, Pječak, Paška (71. Glücklich), Henke (87. Krahl), Nuk, Hančik, Šołta, Reinecke (87. Hetasch)
Přećiwo koparjam z Horow sej Radworčenjo poprawom wjele njewuličichu. Wicekapitan Fabian Šěrak wupadny zranjenja dla, Matej Wjeńka tohorunja pobrachowaše. Tuž narunaštaj jeju Lucas Pječak a Marvin Paška, hrajerjej młodźiny A.
Wot spočatka sem pak domjacy swobodnje hrajachu. Po dołhim času mějachu k tomu zaso raz tróšku zboža. Hižo po poł hodźinje steješe 3:0 za nich, a woni sami tak prawje njewědźachu, što bě so stało. Wosebje Stephanej Reineckej, kotremuž so hattrick poradźi, so w prěnich mjeńšinach wšitko zešlachći. Tež Tom Schulze, kiž bě dwoje wrota přihotował, měješe přewšo dobry dźeń. Z wólnym kopom w 36. min. drje poradźi so hosćom na 3:1 skrótšić, hač do kónca koparjo z Horow hižo žadyn dalši wuspěch njemějachu.
Dypkaj a kónc w pokalnym kole
W zašłymaj tydźenjomaj je regionalny koparski ligist Budissa Budyšin trójce hrał, a to dwójce wo dypki w regionalnej lize a jónu w pokalnym kole Sakskeho koparskeho zwjazka.
FSV Budissa Budyšin
– VSG Altglienicke 0:0
Zestawa domjacych: Schulz – Kunze, Patka, Dartsch, Kral, Wockatz (63. Kašiar), Weiß, Ciapa, Treu (75. Krawčik), Bönisch, Merkel
Do partije přećiwo mustwu VSG Altglienicke pokaza statistika, zo bě Budissa dotal wšitke duele přećiwo njemu dobyła. Tři dalše dypki bychu chětro wažne byli. Budyskemu koparskemu towarstwu pak pobrachowaše hnydom šěsć hrajerjow, a Berlinjenjo běchu cyłe 90 mjeńšin lěpši. Prěnju móžnosć w hrě pak mějachu hosćićeljo přez Mateusza Ciapu. Třělwa z kromy šěsnatki dźěše nimo wrotow (8.). Po tym nastachu prěnje składnosće za hosći, a to za Nica Donnera (20.), Christiana Preissa (22.), Rica Steinhauera (23.) a Christophera Quiringa (23.). Komplikowana faza bě přetrata a přestawka hižo bliska, to sadźi Kevin Kahlert po wólnym kopje Quiringa bul z hłowu na žerdź (44.).
Z wažnym dypkom so wróćili
SV Haselbachthal
– SJ Chrósćicy II 1:1 (1:1)
Zestawa hosći: B. Klimant – Dórnik, Mark, H. Zynda, Lešawa, J. Zynda (78. Kral), Šiman, Žur (88. T. Klimant), Wowčer, Liznar, Šmit
Pod dobrymi wuměnjenjemi wuspěšnje startowali
29. Wostrowski nalětni běh nad Nysu znowa z rekordnym wobdźělenjom
Při přijomnym nalětnim wjedrje je we Wostrowcu 550 atletow na hižo 29. běhu mocy měriło, štož běše wurjadny nowy rekord. Wobdźělnicy běchu z mnohich sportowych zjednoćenstwow z Hornjeje a srjedźneje Łužicy, z Drježdźan a wokoliny kaž tež z pomjeznych kónčin Čěskeje a Pólskeje. Jednotliwe distancy běchu 0,8/2,0/4,0 a 12 km. Na nich wubědźowachu so lubowarjo běhanja kaž tež 30 entuziastow walkinga wot předšulskeho dźěsća hač k 83lětnemu wuměnkarjej. Wězo bě lětsa tež zaso horstka serbskich sportowcow mjez nimi.
Wuslědki (16.04.19)
Kopańca, wokrjesna liga, stafla 2
Wojerecy II – Nadr. Hrabowka 0:1 (0:1)
Wulka Dubrawa – Ćisk II 3:0 (3:0)
Lubuš – Marijina hwězda 0:6 (0:2)
Mały Wosyk – Łuty 0:4 (0:3)
Łaz/Běły Chołmc – Malešecy 2:2 (1:1)
Rakecy II/Šćeńca – Wulke Ždźary 0:2 (0:1)
pinca tabulki
11. FSV Łuty 19 32 : 33 23
12. ST Nadrózna Hrabowka 20 30 : 43 20
13. SJ Chrósćicy II 20 24 : 34 19
14. HZ Rakecy II / Sćeńca 21 22 : 51 17
15. ST Mały Wosyk 21 16 : 76 9
Přeswědčiwe dobyće
ST Lubuš
– ST Marijina hwězda 0:6 (0:2)
Zestawa hosći: Matik – Wróbl (76. Lipič), Zelnak, Jurš, R. Cyž, Schmidt (65. Melnyk), Pjetaš, Hawš, Ch. Cyž, Eldor (46. Winkler), Pakoßnick
W Lubušu pobrachowaše wulki dźěl stajneho personala koparjow ST Marijineje hwězdy a k tomu tež hišće trenar Erwin Kleinmann. Za to je po dołhej zranjenskej přestawce Matijas Wróbl zaso sobu hrał. A hosćo chcychu na kóždy pad dobyć, štož so jim z kanterowym dobyćom tež poradźi. W prěnich mjeńšinach woni hišće žane prawe móžnosće njemějachu, tež hdyž duel jasnje dominowachu. Z wuběrnej akciju pak wuhra Oskar Hawš štyrjoch hrajerjow a třěli bul z kromy šěsnatki preciznje do šibjeńcy k 0:1 (20.). Hakle po wjacorych dobrych a jara dobrych móžnosćach (23. a 30. Jakob Pakoßnick, 32. Paul Schmidt, 33. Pakoßnick) smokny Schmidt wólny kop ze zdalenosće 21 metrow z centralneje pozicije do wrotow (41.). Krasne to 0:2!
