Prěni raz je Hózkowska młodźina wčera w swojej wsy přezpólny běh ze zadźěwkami organizowała. 128 młodostnych a dorosćenych so na wubědźowanju z mjenom Blackbird-run­ wobdźěli. Woni dyrbjachu mjez druhim do rěki skočić a po njej we wodźe běžeć. Nimo toho su po zemi łazyli a po błóće běhali. Judith Kralec ze Salowa bě najspěšniša­ holca na dźesać kilometrow dołhej čarje, Jonas Čornak z Koćiny najspěšniši hólc. Bě to prěnje tajke zarjadowanje w Hózku. Tamniši młodźinski klub chce je tež klětu­ zaso přewjesć.Jörg Stephan

36. Wopačanski Běłobóski běh

póndźela, 07. septembera 2015 spisane wot:

Na 36. Wopačanskim Běłobóskim běhu (Oppacher Bielebohlauf) po tamnišej hórskej krajinje je so mjez 314 wobdźělnikami tež dźesać serbskich sportowcow wuspěšnje dračowało. Wuměnjenja při najwjetšej horcoće tydźenja njedźelu běchu tuž podobnje kaž we Łazu na olympiskej abo sprintowej distancy wubědźowanja KnappenMan. Jednotliwe distancy běchu 1,5 km/4,9 km/12 km a 20 km a wjedźechu po pódlanskich pućach, lěsnych, łučnych a pólnych šćežkach. Wosebje naročnej najdlěšej čarje 12 a 20 km wjedźeštej přez wjeršk 500 metrow wysokeho Běłobóha.

„Rudy“ štwore wrota trjechił

póndźela, 07. septembera 2015 spisane wot:

TSV Wachau – SJ Chrósćicy 0:4 (0:1)

Zestawa hosća: Cyž – Pöpel, M. Zahrodnik, Šafář, Schulze, Dehn (77. Budar), Runt, Młynk, F. Zahrodnik, Šmit, Věchet

Pjata hra koparskeje sezony, pjaty raz hinaša­ zestawa. Jenož dwanaće hrajerjow měješe dwójka Pavel Runt a Tomaš Latkolik­ dowola a dźěła dla sobotu k dispoziciji. Wosebje zwjeselace za mustwo bě, zo stupi so „stary zajac“ Tadej Cyž do klětki a zo tež Rayk Schulze wupomha. Naposledk mjenowany zapołoži mjenujcy dlěši čas přestawku dalokostudija dla. Runje ekstremne situacije pak Chróšćanow w tutej hrajnej dobje wučinjeja. Kóždy­ za kóždeho wojuje a mustwo hišće wušo hromadźe dźerži.

Započatk hry běše hišće­ dosć wurunany z dobrymi składnosćemi na woběmaj stronomaj. Tak dyri jónu bul domjacych na łatu Chróšćanow. Hosćo drje wrota trjechichu, wone pak nimohry dla njepłaćachu. Tež dwójce běše łata na puću. Hakle pjeć mjeńšin do přestawki so Věchetej­ skónčnje nawjedowanje poradźi. Wón dósta w šěsnatce bul, hladaše do kotreho kónca so wrotar a škitar hibataj a hakle na to bul do saka třěli.

Hra runje tak špatna kaž wjedro była

póndźela, 07. septembera 2015 spisane wot:

Sokoł Ralbicy/Hórki

– ST Zeleno-běli Bukecy 0:0 (0:0)

Zestawa domjacych: Gloxyn – Matka, Korjeńk, von Köding, Lulak, Wałda, Bjeńš, Nuk, Bejma, Domaška, Kurjat

Štóž je sej wčera snano domjacu koparsku hru Sokoła wobhladać chcył, pak špatneho wjedra dla tola doma wostał, je wšitko prawje činił. Zyma w Ralbicach bě, mokre tak a tak a na trawniku koparjo dohromady 85 přihladowarjam tež žadyn wohnjostroj njeposkićichu.

Domjacy dyrbjachu hnydom wjacorych stajnych hrajerjow dowola, zra­njenja abo žołto-čerwjeneje karty dla narunać­. Zo to scyła lochko njebě, so wot wšeho spočatka pokazowaše.

W prěnich dźesać mjeńšinach Sokoljo hru postajachu a trjechichu z mjerwjeńcy jeno žerdź. To pak bě hižo w prěnim połčasu wšitko. Hosćo z Bukec stejachu jara kompaktnje a nadběhowachu z dołhimi třělwami. Hosćićeljo kaž Bukečenjo wšak běchu słabi před wrotami, a tak dźěchu z remisom do kabiny.

Wjeselaca ličba

póndźela, 07. septembera 2015 spisane wot:
Přichodnu sobotu, 12. septembra, přewjedźe so 22. Budyski měšćanski běh, za kotryž je so znowa tójšto serbskich běharkow­ a běharjow přizjewiło. Wjeselaca je ličba přizjewjenych šulerkow a šulerjow Serbskeje wyšeje­ šule Budyšin, jich je pječa wjace hač 70. Dotalne w interneće podate 384 přizjewjenjow je přirunajo z 1491 w lěće 2014 chětro mało. Zawěsće hišće wšitke wotedate lisćiny tam zapřijate njejsu.Jurij Nuk

Awtor dźensa Ludwig Zahrodnik

Tour de France, swětowe mišterstwa w płuwanju, swětowe mišterstwa w lochkoatletice, při wšitkich sportowych wjerškach so rěči a tuka, zo sportowcy njedowolene srědki wužiwaja, zo bychu swoje wukony stopnjowali. Njewěm­ hač je dobyćer lětušeje Tour de Fran­ce, Jendźelčan Fromme, někajki doping brał abo nic. Jeho pak njejsu jenož­ tukanjow dla werbalnje atakowali, ale tež fyzisce. Je škoda, zo so doping cyle přewinyć njehodźi a zo někotre „čorne wowcy“ cyłkownemu wukonowemu sportej tak špatny image wobradźeja.

Podhlad, zo běchu tež sportowcy NDR njedowolene srědki wužiwali, je so dawno wobkrućił. Wězo stej tež wulkomyslne spěchowanje wěstych – předewšěm olympiskich – sportowych družin a njesměrny ćišć, dobyć medalje, k tomu­ přinošowałoj. Zajimawe na přikład je, zo su němscy sportowcy na 24. lětnej olympiadźe 1988 w Seoulu cyłkownje 142 medaljow dobyli, na olympiadźe 2012 w Londonje pak sto mjenje.

Wuslědki (07.09.15)

póndźela, 07. septembera 2015 spisane wot:

Wokrjesna liga stafla II

Hórnikecy – HZ Łaz0:2 (0:1)

Njeswačidło – Hory II2:3 (1:0)

Wětnica/Hola – Lubuš5:1 (1:1)

FC Łužica – LSV Bluń 744:0 (2:0)

Ćisk II – Šćeńca3:0 (0:0)

Ralbicy II – Nowe Město II0:5 (0:1)

Rakecy II – N. Hrabowka1:0 (1:0)

1. Wóspork 3 7  : 2 9

2. Wjazońca 3 8  :  4 9

3. ST Budyšin 2 9  :  3 6

4. Radwor 3 7  :  3 6

5. Malešecy 3 5  :  2 6

6. HZ Budestecy 3 7  :  6 6

7. Kubšicy 3 4  :  4 6

8. Póst Budyšin II  2 4  :  3 3

9. Hnašecy II 3 7  :  7 3

10. Wulka Dubrawa/Mi. 3 5  :  5 3

11. Mały Wjelkow 3 7  :  10 3

12. Porchow 3 7  :  11 3

13. Wjernarjecy 3 5  :  9 0

14. Załom 2 0  :  4 0

15. Hodźij 3 2  :  11 0

Sport (04.09.15)

pjatk, 04. septembera 2015 spisane wot:

Přez błóto a zadźěwki

130 wobdźělnikow wočakuja organizatorojo prěnjeho běha přez zadźěwki w Hózku. Startować chcedźa jón njedźelu w 13 hodź. Na sportowcow čaka dźesać kilometrow dołha čara z 15 stacijemi, kotrež su w interneće zdźěla hižo z rysowanku zwobraznjene. Tak dyrbja na přikład přez arktisku sawnu, wysoku sćěnu abo błóto. Rěku Čorny Halštrow znajmjeńša jónu přeprěča. Organizatorojo skedźbnjeja wobdźělnikow na to, zo su za to wotpowědne črije trěbne.

Sport na babylěću

We wobłuku Ralbičanskeho wjesneho swjedźenja wubědźuja so dźensa wječor wohnjowi wobornicy. Jutře wot 14 hodź. je turněr ludoweho bula. Njedźelu sportuja potom zaso konjacy sportowcy, a to wot 13.30 hodź.

Cityjowe běhi

Město Zły Komorow je njedźelu wuhotowar a zarjadowar cityjowych běhow. W 9.40 hodź. startuja tam prěni na distancy 0,3 km. Hłowne běhi na 2,5 km/5 km/10 km započnu so w 10 hodź.

Koparske dypkowe hry

05.09. 15:00 Kulow – Großröhrsdorf

05.09. 15:00 Wachau – Chrósćicy

05.09. 15:00 Frankenthal – Mar. hwězda

06.09. 15:00 Ralbicy/Hórki – Bukecy

06.09. 15:00 Ramnow – Rakecy

06.09. 15:00 Radwor – Hodźij

06.09. 13:00 Ralbicy II – Nowe Město II

06.09. 15:00 Wóslink – Njebjelčicy

Koparske pokalne hry

Remis ćežkowuwojowany

štwórtk, 03. septembera 2015 spisane wot:

ST Marijina hwězda

– HZ Ottendorf/Liegau 1:1 (1:1)

Zestawa domjacych: O. Schmidt – Czapik (67. Vacek), Sbjeznie, Škoda, Hawš (46. Korjeńk), P. Schmidt, Langer, Jurš, Rab, Winkler, Pakoßnick

Worklečenjo hašenje dobyli

štwórtk, 03. septembera 2015 spisane wot:
W Pěskecach wubědźowachu so kameradojo wohnjowych woborow zarjadniskeho zwjazka při Klóšterskej wodźe znowa w hašenju. Šeste wurisanje lěta 2015 dobychu Worklečanscy hašerjo z 28,81 sek. Za nich bě to lětsa hižo třeći wuspěch. Na wobrazu widźimy Pěskečanskich wobornikow při natwarje techniki. Foto: Jörg Stephan

nawěšk

SERBSKE NOWINY podpěruja:

Novi Sad – kulturna stolica Europy

nowostki LND