Wubranka so přihotowała

póndźela, 18. januara 2016
artikl hódnoćić
(0 )
Wone znaja so hakle někotre hodźiny a su hižo derje hromadźe zrostli – hrajerki prěnjeje Serbskeje koparskeje wubranki. Kónc tydźenja su w čěskim Bedřichovje zhromadne treningowe lěhwo přewjedli.  Foto: Jörg Stephan Wone znaja so hakle někotre hodźiny a su hižo derje hromadźe zrostli – hrajerki prěnjeje Serbskeje koparskeje wubranki. Kónc tydźenja su w čěskim Bedřichovje zhromadne treningowe lěhwo přewjedli. Foto: Jörg Stephan

Treningowe lěhwo serbskich koparkow w Bedřichovje

Tydźenja bě Serbska koparska wubranka muži za lětušu europeadu w Južnym Tirolu trenowała, a to w Breitenbrunnje na horje Rabenberg. Kónc tydźenja nětko přihotowachu so žony wubranki na wulki koparski podawk w juniju. Wone wu­zwolichu sej zymski sportowy areal w čěskim Bedřichovje njedaloko Libereca. Pjatk wječor poda so 14 młodych holcow a žonow z transporterami a priwatnymi awtami do Jizerskich horin. W rjanej zymskej wokolinje maš wjele móžnosćow, so ćělnje a dušinje na wulki event přihotować. Nawod treningoweho lěhwa měještaj trenarjej Handrij Rachel z Noweje Wjeski a Pětr Bejmak z Miłoćic. Jeju podpěrałoj staj Bejmakec bratraj Florian a Křesćan. Hišće pjatk wječor zahaji so třidnjowske koparske lěhwo z treningom na kumštnym trawniku. Wosebite wužadanje bě treningowa jednotka w sněze. Sobotny plan wopřiješe rańši běh, sněhakowanje po dołhich čarach, płuwanje a trening w hali. Při wšěch napinanjach běchu wšitke koparki jara motiwowane, sportowy pensum tak derje kaž móžno zmištrować.

wozjewjene w: Sport

Galerija

dalši wobraz (1) Pětr Bejmak, trenar žónskeje wubranki
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND