Zakitowar pokala lětsa jenož na štwórtym městnje

srjeda, 20. januara 2016
artikl hódnoćić
(0 )
Mustwo starych knjezow SJ Njebjelčicy je halowy koparski turněr Zeleno-běłych Hórki dobyło a hattrickej Sokoła Ralbicy/Hórki zadźěwało.  Foto: Alexander Šmit Mustwo starych knjezow SJ Njebjelčicy je halowy koparski turněr Zeleno-běłych Hórki dobyło a hattrickej Sokoła Ralbicy/Hórki zadźěwało. Foto: Alexander Šmit

Tradicionalny halowy koparski turněr Hórčanskeho sportoweho towarstwa Zeleno-běli za hrajerjow staršich hač 35 lět je so lětsa znowa we Worklečanskej hali wotměł.

Šěsć přeprošenych mustwow hraješe po modusu kóždy přećiwo kóždemu. Zakitowar trofeje a zdobom faworit na pokal Zeleno-běłych běše kaž hižo minjenej lěće­ mustwo Sokoła Ralbicy/Hórki. Štóž chcyše potajkim delanskim koparjam trofeju wotewzać, njesmědźeše sej žanu poražku přećiwo nim dowolić. Sudnikaj René Čornak a Michał Nowak staraštaj so w napjatych hrach wo wobstajnu fairnosć.

Wosebje napadnył je wrotar Njebjelčanow, znaty lěkar Hubert Mička. Wón měješe podobnje čěskemu narodnemu wrotarjej Peterej Čechej škitny nahłownik. Kaž Čech je tež Mička na te wašnje koparjam wokoło trenarja Wolfganga Reine­cki trěbne zbožo přinjesł, kotrež lětsa Ralbičanam popřate njebě. Tak dyrbješe faworit swój són wo titulowym hattricku po třoch njerozsudnych hrach pochować. Njebjelčenjo mějachu porno tomu po třoch partijach nimo dweju dobyteju hišće njerozsudnu na konće.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND