Stara garda mocy měriła

wutora, 16. februara 2016
artikl hódnoćić
(0 )
Stari knježa Sokoła Ralbicy/Hórki nastupichu minjenu sobotu na dwěmaj halowymaj koparskimaj turněromaj. Tule widźimy Roberta Statnika, Jensa Šołtu a Daniela Brücknera (wotlěwa) w Kulowje w hrě přećiwo mustwu ST Großröhrsdorf.  Foto: Werner Müller Stari knježa Sokoła Ralbicy/Hórki nastupichu minjenu sobotu na dwěmaj halowymaj koparskimaj turněromaj. Tule widźimy Roberta Statnika, Jensa Šołtu a Daniela Brücknera (wotlěwa) w Kulowje w hrě přećiwo mustwu ST Großröhrsdorf. Foto: Werner Müller

Poprawom wobdźěleš so jako starši kopar jenož na jednym halowym turněrje. Hrajerjo Sokoła Ralbicy/Hórki pak sobotu hnydom k dwěmaj turněromaj nastupichu – we Wojerecach a Kulowje. Zo pak so wonej časowje prěkowaštej, njebě zamołwitym zwoprědka jasne.

Dopołdnja w dźesaćich zahaji so halowy koparski turněr, we Wojerecach wuhotowany a zarjadowany wot tamnišeho ST 1919. Pjeć cyłkow tam nastupi. Prěnju partiju Sokoljo přećiwo koparjam z Chuseje (Kausche) 0:1 přěhrachu. Lěpje hraješe so jim přećiwo hosćićelej a faworitej turněra. Maik Brězan docpě nawjedowanje, domjacy pak hišće wurunachu. Tež w hrě z Rakečanami docpěchu Sokoljo jenož remis. Po tym zo běchu w zastatku byli, zwjertnychu hru přez Gregora Obsta a Markusa Žura. Tola w poslednjej minuće přećiwnik wuruna. Po tutej partiji dyrbješe wrotar Roman Mjetaš-Wowčer do Kulowa chwatać, dokelž wubědźowachu so tam wot 13 hodź. wo pokal Kulowskeje piwarnje. Maik Brězan smaleše z awtom do Budyšina na hru prěnjeho mustwa Sokoła. Po poražce 0:1 přećiwo Grodkej a po dobyću 2:0 přećiwo mustwu Lok Wojerecy wobsadźichu Sokoljo pjate městno.

wozjewjene w: Sport
Prošu přizjewće so, chceće-li komentar podać

Serbska debata

nowostki LND