Koparjo Sokoła Ralbicy/Hórki drje jědnatku přetřělili, ...

wutora, 26. apryla 2016
artikl hódnoćić
(0 )

Sokoł Ralbicy/Hórki

– TSV Połčnica 1920 3:1 (1:1)

Zestawa domjacych: Gloxyn – Korjeńk, B. Bjeńš, Zynda, Bejma, Šołta, S. Bjeńš, Šewc, Bejmak, Domaška, Kurjat (52. Schultz)

Trenarjej Sokoła Ralbicy/Hórki je hnydom šěsć koparjow pobrachowało, tak zo dyrbješe wón znowa kapitana rezerwy Heika Zyndu do škita zwołać. Kaž hižo tydźenja w pokalnej hrě pokaza tón wo­spjet suwerenu hru. Někotři přihladowarjo njeběchu hišće prawje w stadionje, da hižo klinkaše, ale we wrotach Gloxyna. Spěšny nadběh zamó Połčničanski hrajer po třećim pospyće do wrotow sunyć (5.). Wotnětka pak nawjedowaše Sokoł. Wosebje Šołta so na prawym křidle často přesadźi, jeho flanki pak ženje praweho sobuhrajerja njedocpěchu. Tež flanki a přihrawki dalšich Sokołow běchu jenička katastrofa. Jako so hižo wšitcy na połčasny zastatk nastajichu, skoči po róžku Křesćan Bejmak najwyše a třěli z hłójčku wolóžace 1:1.

wozjewjene w: Sport
Prošu přizjewće so, chceće-li komentar podać

nawěšk

nowostki LND